Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ଡିଏମକେ ସୁପ୍ରିମୋ ତଥା ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ କରୁଣାନିଧିଙ୍କ ପରଲୋକ

7/08/2018 at 1:40 PM

ଡିଏମକେ ସୁପ୍ରିମୋ ତଥା ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ କରୁଣାନିଧିଙ୍କ ପରଲୋକ ହୋଇଛି | ୯୪ ବର୍ଷ ବୟସରେ ଆଜି କାବେରୀ ହସ୍ପିଟାଲରେ ତାଙ୍କର ପରଲୋକ ହୋଇଛି | ରକ୍ତଚାପ କମିଯିବାରୁ ଗତ ଜୁଲାଇ ୨୮ ତାରିଖରେ ଚେନ୍ନାଇର କାବେରୀ ହସ୍ପିଟାଲରେ ଭର୍ତ୍ତି ହୋଇଥିଲେ ସେ । ୨୯ ତାରିଖ ଠାରୁ ତାଙ୍କ ସ୍ବାସ୍ଥ୍ୟବସ୍ଥାରେ ଅସ୍ଥିର ଥିଲା । ଆଜି ସନ୍ଧ୍ୟା ୬ଟା ୧୦ ମିନିଟରେ ତାଙ୍କର ମୃତ୍ୟୁ ହୋଇଛି ।

ସ୍ୱର୍ଗତ କରୁଣାନିଧି ତାମିଲନାଡୁର ୫ ଥର ମୁଖ୍ୟମନ୍ତ୍ରୀ ଥିଲେ | ୧୯୫୭ ରୁ ୨୦୧୬ ମଧ୍ୟରେ ସେ କୌଣସି ନିର୍ବାଚନ ହାରିନଥିଲେ | ତାମିଲ ରାଜନୀତିରେ ତାଙ୍କୁ ଭୀଷ୍ମ ପିତାମହ ବୋଲି କୁହାଯାଏ | ତାଙ୍କ ମୃତ୍ୟୁରେ ତାମିଲନାଡୁ ସମେତ ସମଗ୍ର ଦେଶରେ ଶୋକର ଛାୟା ଖେଳି ଯାଇଛି | ତାଙ୍କ ବିୟୋଗ ଯୋଗୁ ତାମିଲନାଡ଼ୁରେ ସାତଦିନିଆ ସରକାରୀ ଛୁଟି ଘୋଷଣା କରା ଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ଵିଟ ଜରିଆରେ ଗଭୀର ଶୋକ ପ୍ରକାଶ କରିଛନ୍ତି । ତାମିଲନାଡୁ ନାଗିପଟ୍ଟନମ୍ ଜିଲ୍ଲାର ଥିରୁକୁଭାଲାଇ ଗାଁରେ ୧୯୨୪ରେ ଜନ୍ମଗ୍ରହଣ କରିଥିଲେ ଏମ୍. କରୁଣାନିଧି । ୧୯୬୯ ମସିହାରେ ଆନ୍ନା ଦୁରାଇଙ୍କ ପରଲୋକ ପରେ ସେ ପ୍ରଥମଥର ପାଇଁ ଡ଼ିଏମକେ ନେତା ଭାବେ ତାମିଲ ନାଡ଼ୁର ମୁଖ୍ୟମନ୍ତ୍ରୀ ହୋଇଥିଲେ । ତେବେ ୧୯୫୭ ମସିହାରେ କୁଲିଥଲାଇ ଆସନରୁ ବିଧାନସଭାକୁ ନିର୍ବାଚିତ ହୋଇଥିଲେ । ୧୯୬୭ରେ ଆନ୍ନା ଦୁରାଇଙ୍କ ମନ୍ତ୍ରୀମଣ୍ଡଳରେ ମନ୍ତ୍ରୀ ହୋଇଥିଲେ ।ତାଙ୍କ ମୃତ୍ୟୁ ସହ ୧୪ ବର୍ଷ ବୟସରୁ ଆରମ୍ଭ ହୋଇଥିବା ଏକ ଦୀର୍ଘ ରାଜନୈତିକ ଜୀବନର ଅବସାନ ଘଟିଛି । ରାଜନୀତି ବ୍ୟତୀତ ସେ ତାମିଲ ଚଳଚିତ୍ର ଜଗତର ଜଣେ ନାଁ କରା କାହାଣୀ ଲେଖକ ଥିଲେ । କରୁଣାନିଧିଙ୍କ ବିୟୋଗରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦୁଖ ପ୍ରକାଶ କରି କହିଛିନ୍ତି କରୁଣାନିଧି ତାମିଲ ନାଡ଼ୁ ପୋଲିଟିକ୍ସର ଜଣେ ”ଟଲେଷ୍ଟ ଲିଡ଼ର” ଥିଲେ ।

   Related Posts