ଚେନ୍ନାଇ ୦୯/୧୧: ଲଗାଣ ବର୍ଷାରେ ତାମିଲନାଡୁର ଅବସ୍ଥା ବେହାଲ ହୋଇପଡିଛି । ପିଟିଆଇ ଅନୁଯାୟୀ ରାଜ୍ୟରେ ପ୍ରବଳ ବର୍ଷା ହେତୁ ଏପର୍ଯ୍ୟନ୍ତ ଚାରି ଜଣଙ୍କର ମୃତ୍ୟୁ ହୋଇଛି । ରାଜ୍ୟରେ ବିଭିନ୍ନ ସ୍ଥାନରେ ଜାରି ହୋଇଛି ଅରେଞ୍ଜ ଆଲର୍ଟ । ସୋମବାର ଚେନ୍ନାଇରେ ଲଗାତାର ବର୍ଷା ହେତୁ ସହରର ଅନେକ ଅଞ୍ଚଳ ତଥା ରାସ୍ତା ଜଳମଗ୍ନ ହୋଇଥିଲା । ଅନେକ ମାର୍ଗରେ ଯାନବାହାନ ସବୁ ଅନ୍ୟ ରୁଟକୁ ସ୍ଥାନାନ୍ତରିତ ହୋଇଥିବାରୁ ଲୋକଙ୍କ ବହୁ ଅସୁବିଧାର ସମ୍ମୁଖୀନ ହେବାକୁ ପଡିଥିଲା ।

ଚେନ୍ନାଇ, ତିରୁଭାଲୁର, କାଞ୍ଚିପୁରାମ, ଚେଙ୍ଗାଲପେଟ ଏବଂ ଭେଲୋର ସମେତ ଉତ୍ତର ଜିଲ୍ଲାର ଅଧିକାଂଶ ଅଂଶ ସୋମବାର ସକାଳ ଠାରୁ ହାଲୁକା ମଧ୍ୟମ ଧରଣର ବର୍ଷା ହେଉଛି । ନଭେମ୍ବର ୭ରେ ସକାଳ ୮.୩୦ରୁ ନଭେମ୍ବର ୮ ରେ ସକାଳ ୮.୩୦ ରୁ ଏଠାରେ ଏବଂ ଉପାନ୍ତ ଅଞ୍ଚଳରେ ୪ରୁ ୧୪ ମି.ମି ବର୍ଷା ହୋଇଥିଲା । ତିରୁବନନାମାଲାଇ, କାଞ୍ଚିପୁରାମ ଏବଂ କୁଡାଲୋର ସମେତ ଅନ୍ୟାନ୍ୟ ଅଞ୍ଚଳରେ ୩ ମି.ମି ପର୍ଯ୍ୟନ୍ତ ବର୍ଷା ହୋଇଥିଲା ।

wp:html

Tamil Nadu | Streets in Chennai's Agraharam, Korattur area waterlogged following heavy rainfall in the city

IMD predicts 'moderate to heavy rain' till November 12 in the city pic.twitter.com/vUiABGIrPw

— ANI (@ANI) November 9, 2021

/wp:html

ଏହି ସମୟ ମଧ୍ୟରେ ମଙ୍ଗଳବାରଠାରୁ ସହର ଏବଂ ଆଖପାଖ ଅଞ୍ଚଳରେ ଅଧିକ ବର୍ଷା ହେବ ବୋଲି ପାଣିପାଗ ବିଭାଗ (ଆଇଏମଡି) ପୂର୍ବାନୁମାନ କରିଛି । ପାଣିପାଗ ବିଭାଗ ଏକ ବୁଲେଟିନ୍‌ରେ କହିଛି ଯେ ଦକ୍ଷିଣ ପୂର୍ବ ବଙ୍ଗୋପସାଗରରେ ଏବଂ ପଡୋଶୀ ଦକ୍ଷିଣ ଆଣ୍ଡାମାନ ସାଗରରେ ଏକ ସାଇକ୍ଲୋନିକ୍ ପ୍ରଚାର ଜାରି ରହିଛି । ଏହାର ପ୍ରଭାବରେ ଆସନ୍ତା ୨୪ ଘଣ୍ଟା ମଧ୍ୟରେ ଦକ୍ଷିଣ-ପୂର୍ବ ଏବଂ ବଙ୍ଗୋପସାଗରର କିଛି ଅଂଶରେ ଏକ ନିମ୍ନ ଚାପ ଅଞ୍ଚଳ ସୃଷ୍ଟି ହେବାର ଆଶା କରାଯାଉଛି ।

ଏହା ପଶ୍ଚିମ-ଉତ୍ତର-ପଶ୍ଚିମ ଦିଗକୁ ଯାଇ ଏକ ଲଘୁଚାପରେ ପରିଣତ ହୋଇ ୧୧ ନଭେମ୍ବର ସକାଳ ସୁଦ୍ଧା ଉତ୍ତର ତାମିଲନାଡୁ ଉପକୂଳରେ ପହଞ୍ଚିବା ସମ୍ଭାବନା ଅଧିକ ରହିଛି । ଏହି କାରଣରୁ ରାଜ୍ୟର ଅନେକ ଅଞ୍ଚଳରେ ବର୍ଷା ହେବ ବୋଲି ଅନୁମାନ କରିଛି ପାଣିପାଗ ବିଭାଗ ।