Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଇପିଏଲ ୨୦୨୧ରେ ଉଡିଲା ଚେନ୍ନାଇର ବିଜୟ ବାନା, କେକେଆରକୁ ୨୭ ରନରେ ହରାଇ ଚତୁର୍ଥ ଥର ଚାମ୍ପିଅନ
  • ||
  • ପଞ୍ଜାବ କଂଗ୍ରେସର ଅଧିନାୟକ ରହିବେ ସିଦ୍ଧୁ, ରାହୁଲଙ୍କୁ ଭେଟିବା ପରେ ଫେରାଇ ନେଲେ ଇସ୍ତଫା ପତ୍ର
  • ||
  • ସିଙ୍ଘୁ ବର୍ଡରରେ ଜଣେ ନିହଙ୍ଗଙ୍କ ଆତ୍ମ ସମର୍ପଣ, ଯୁବକଙ୍କ ହତ୍ୟାର ୧୫ ଘଣ୍ଟା ପରେ ସାମ୍ନାକୁ ଆସିଲା ପ୍ରଥମ ଅଭିଯୁକ୍ତ
  • ||
  • ପଣ୍ଡାଲ ଉପରେ ହୋଇଥିବା ଆକ୍ରମଣ ମଧ୍ୟରେ ବାଂଲାଦେଶ ପ୍ରଧାନମନ୍ତ୍ରୀ ଭାରତକୁ ଦେଲେ ଏହି ପରାମର୍ଶ
  • ||
  • ପୁଞ୍ଛରେ ଯବାନ-ଆତଙ୍କବାଦୀ ମୁହାଁମୁହିଁ, ୫ଦିନରେ ୭ ଯବାନ ସହିଦ: ରାଜପଥ ବନ୍ଦ, ଅପରେସନ୍ ଜାରି
  • ||
  • ଅକ୍ଟୋବର ୨୧ରୁ ଏକାଦଶ, ୨୫ରୁ ଖୋଲିବ ଅଷ୍ଟମ ଶ୍ରେଣୀ: ଗଣଶିକ୍ଷା ମନ୍ତ୍ରୀ
  • ||
  • ୨୫୦ ଲିଟର ଦେଶୀ ମଦ ଜବତ, ୫ ଗିରଫ
  • ||
  • ଅଭାବନୀୟ ଘଟଣା: ଯୁବକଙ୍କ ଗଳା କାଟି ବିଭତ୍ସ ହତ୍ୟା, କାରଣ ଅସ୍ପଷ୍ଟ
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ : ଘଉଡାଇଲା ବେଳେ ଅଳ୍ପକେ ବର୍ତ୍ତିଲେ ଚାଷୀ
  • ||
  • ସାଇକେଲରେ ଯାଉଥିଲେ କକା-ପୁତୁରା, ଟାଣି ଆଣି ଦଳିଦେଲା ହାତୀ
  • ||

ଆଫଗାନିସ୍ତାନରେ ନାଟୋର ବିମାନ ଆକ୍ରମଣ, ୩୦ ତାଲିବାନୀ ନିହତ, ବଢୁଛି ଉତ୍ତେଜନା

11/09/2019 at 4:41 PM

କାବୁଲ : ଆଫଗାନିସ୍ତାନ ତଖର ପ୍ରାନ୍ତରେ ନାଟୋ ନେତୃତ୍ୱାଧୀନ ଫୋର୍ସ ବିମାନ ଆକ୍ରମଣ କରିଛନ୍ତି। ଗୁଇନ୍ଦା ସୂଚନା ଆଧାରରେ ହୋଇଥିବା ଏହି ବିମାନ ଆକ୍ରମଣରେ ଅନୁନ୍ୟ ୩୦ ଜଣ ପ୍ରାଣ ହରାଇଥିବା ବେଳେ ସମାନ ସଂଖ୍ୟକ ଆତଙ୍କବାଦୀ ଆହତ ହୋଇଥିବା ଜଣାପଡିଛି। ଏହି ଆକ୍ରମଣ ଲାଗି ନାଟୋ ଛୋଟ ହତିଆର ସାଙ୍ଗକୁ ରକେଟ୍ ପ୍ରପେଲଡ୍ ଗ୍ରେନେଡ ବ୍ୟବହାର କରିଥିଲା।

ଜିଲ୍ଲା ମୁଖ୍ୟାଳୟ ଆକ୍ରମଣ ଘଟଣାରେ ସମ୍ପୃକ୍ତ ଆତଙ୍କବାଦୀମାନେ  ଏହି ଆକ୍ରମଣରେ ପ୍ରାଣ ହରାଇଛନ୍ତି। ଏହାଛଡା ସେମାନେ ସେନାଠାରୁ ଛଡାଇ ନେଇଥିବା ବାହନ ବି ନଷ୍ଟ ହୋଇଯାଇଛି। ବିମାନ ଆକ୍ରମଣ ଜନିତ କ୍ଷୟକ୍ଷତି ନେଇ ତାଲିବାନ ମାନେ କୌଣସି ଅଧିକାରିକ ସୂଚନା ଜାରି କରିନାହାନ୍ତି।  ନିକଟରେ ଆମେରିକା ଓ ତାଲିବାନଙ୍କ ମଧ୍ୟରେ ଶାନ୍ତି ଆଲୋଚନା ହୋଇଥିଲା। ତେବେ ଏହି ଆଲୋଚନା ବିଫଳ ହୋଇଥିବା ବେଳେ ଆଫଗାନିସ୍ତାନରେ ତାଲିବାନ ଆତଙ୍କବାଦୀଙ୍କ ଉପଦ୍ରବ ବଢିଯାଇଛି। 

ବୁଧବାର ୯/୧୧ ବାର୍ଷିକ ପାଳନ ଅବସରରେ ତାଲିବାନମାନେ ଆଫଗାନିସ୍ତାନସ୍ଥିତ ଆମେରିକା ଦୂତାବାସକୁ ରକେଟ୍ ଟାର୍ଗେଟ କରିଥିଲେ। ତେବେ ଏଥିରେ କେହି ହତାହତ ହୋଇଥିବାର ସୂଚନା ନାହିଁ। ଆଫଗାନୀସ୍ତାନରେ ପ୍ରାୟ ୨ ଦଶନ୍ଧୀ ହେଲା ଅସ୍ଥିରତା ଲାଗି ରହିଛି। ଏଣୁ ସ୍ଥାୟୀ ଶାନ୍ତି ନିମନ୍ତେ ତାଲିବାନଙ୍କ ସହ ଆମେରିକା ଆଲୋଚନା ଚଳାଇଥିବା ବେଳେ ଗତ ୫ ତାରିଖ ଦିନ କାବୁଲସ୍ଥିତ ଆମେରିକା ଦୂତାବାସ ନିକଟରେ ବିସ୍ଫୋରକ ଭର୍ତ୍ତି କାରରେ ବିସ୍ଫୋରଣ ହୋଇଥିଲା। ଏଥିରେ ୧୦ ଜଣ ଆଫଗାନିସ୍ତାନ ନାଗରିକଙ୍କ ସମେତ ଜଣେ ଆମେରିକୀୟ ସେନା ଅଧିକାରୀ ସର୍ଜେଣ୍ଟ ବେରେଟୋ ଆର୍ଟିଜ୍ ଙ୍କ ମୃତ୍ୟୁ ହୋଇଥିଲା।   

   Related Posts