Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||
  • ଟାଙ୍ଗୀ : ତାରିଣୀ ଦର୍ଶନ ସାରି ଫେରୁଥିଲେ, ଅଧାରାସ୍ତାରେ ଧକ୍କା ଦେଲା ଟ୍ରକ, ଚାଲିଗଲା ୩ ଜୀବନ
  • ||

ଘାନି ରାଷ୍ଟ୍ରପତି ପଦ ଛାଡ଼ିଲେ ଆମେ ଅସ୍ତ୍ର ଛାଡ଼ିବୁ, ଶାନ୍ତି ପ୍ରତିଷ୍ଠା ପାଇଁ ସର୍ତ୍ତ ରଖିଲା ତାଲିବାନ

23/07/2021 at 5:58 PM

ନୂଆଦିଲ୍ଲୀ ୨୩/୭: ଆଫଗାନିସ୍ତାନରେ ଏକତରଫା ଶାସନ କରିବାକୁ ଚାହୁଁନାହିଁ ତାଲିବାନ। କିନ୍ତୁ ସରକାର ପରିବର୍ତ୍ତନ ଦରକାର ବୋଲି ଦାବି କରିଛି। କାବୁଲରେ ଆଲୋଚନା କରିପାରୁଥିବା ସରକାର ଗଠନ ନହେଲେ ଏବଂ ବର୍ତ୍ତମାନର ରାଷ୍ଟ୍ରପତି ଅଶରଫ ଘାନିଙ୍କୁ ଗାଦିଚ୍ୟୁତ ନକଲେ ଆଫଗାନିସ୍ତାନରେ ଶାନ୍ତି ପ୍ରତିଷ୍ଠା ହୋଇପାରିବ ନାହିଁ ବୋଲି ନ୍ୟୁଜ ଏଜେନ୍ସି ଏପିକୁ କହିଛି ତାଲିବାନର ପ୍ରବକ୍ତା  ସୁହୈଲ ଶାହୀନ ।

ଆମେରିକା ସେନା ଆଫଗାନିସ୍ତାନ ଛାଡ଼ିବା ପରେ ତାଲିବାନ ଆଫଗାନିସ୍ତାନ କବଜା ଜୋରଦାର କରିଛି। ତାଲିବାନ ଅନେକ ଷ୍ଟ୍ରାଟେଜିକ୍‌ କ୍ରସିଂ ଉପରେ କବଜା କରିଛି। ଏବେ ଅନେକ ରାଜ୍ୟ ରାଜଧାନୀକୁ କାବୁ କରିବାକୁ ମାଡ଼ି ଚାଲିଛି ତାଲିବାନ। ଏହା ସହ ସୁହୈଲ ଆହୁରି ମଧ୍ୟ କହିଛି, ଯେତେବେଳେ କାବୁଲରେ ସମସ୍ତଙ୍କ ସମର୍ଥିତ ସରକାର ଗଠନ ହେବ ଏବଂ ଘାନିଙ୍କ ସରକାର ଚାଲିଯିବ ସେତେବେଳେ ତାଲିବାର ଅସ୍ତ୍ର ଛାଡ଼ିଦେବ । ସତ୍ତା ହାତେଇଥିବା ନେଇ ଘାନିଙ୍କ ଉପରେ ଅଭିଯୋଗ କରିଛି  ଶାହୀନ।

୨୦୧୯ ନିର୍ବାଚନରେ ଘାନି ଧୋକା ଦେଇ ଶାସନକୁ ଆସିଛନ୍ତି। ନିର୍ବାଚନ ଫଳାଫଳ ପରେ ଘାନି ଏବଂ ଅବଦୁଲା ଅବଦୁଲା ଦୁଇ ଜଣ ନିଜକୁ ରାଷ୍ଟ୍ରପତି ଘୋଷଣା କରିଛନ୍ତି। ପରେ ବୁଝାମଣା ହୋଇଗଲା ଏବଂ ଅବଦୁଲା ସରକାର ନମ୍ବର ଦୁଇକୁ ଚାଲିଗଲା ବୋଲି ଶାହୀନ କହିଛି। ସେପଟେ ନୂଆ ସରକାର ନଆସିବା ଯାଏ ଘାନି ରାଷ୍ଟ୍ରପତି ରହିବେ ବୋଲି କହିଛନ୍ତି। ଆଫଗାନିସ୍ତାନରେ ତାଲିବାନ ବ୍ୟତୀତ ରାଷ୍ଟ୍ରପତି ଘାନିଙ୍କୁ ନେଇ ସର୍ବଦା ବିଶୃଙ୍ଖଳା ହେଉଛି ।

ଏହା ସହ ଦୋହାରେ ଆଲୋଚନା ଜାରି ରହିଛି। ଘାନିଙ୍କ ସରକାର ଯୁଦ୍ଧ ବିରାମ କଥା କହୁଛନ୍ତି ଯାହାକି ତାଲିବାନ ପାଇଁ ଆତ୍ମସମର୍ପଣ ଭଳି। ସେ ଶାନ୍ତି ଚାହୁଁନାହାନ୍ତି ବରଂ ତାଲିବାନର ଆତ୍ମସମର୍ପଣ ଚାହୁଁଛନ୍ତି ଯାହାକି ଅସମ୍ଭବ ବୋଲି ସୁହୈଲ ଶାହୀନ କହିଛି। ଆଫଗାନିସ୍ତାନରେ ଶାନ୍ତି ପାଇଁ ତାଲିବାନର ସର୍ତ୍ତ, ‘କୌଣସି ପ୍ରକାର ଯୁଦ୍ଧ ବିରାମ ପାଇଁ ତାଲିବାନ ଏବଂ ଅନ୍ୟ ଆଫଗାନୀଙ୍କ ସହମତିରେ ନୂଆ ସରକାର ଗଠନ ନେଇ ବୁଝାମଣା ହେବା ଦରକାର। ଏହା ପରେ କୌଣସି ଯୁଦ୍ଧ ହେବ ନାହିଁ। କେହି ଯୁଦ୍ଧ ଚାହୁଁନାହାନ୍ତି। ଆମେ ବି ଯୁଦ୍ଧା ଚାହୁଁନାହୁଁ।’

   Related Posts