Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ଆଫଗାନିସ୍ତାନ ଟିଭିରେ IPLକୁ ବ୍ୟାନ୍‌ କଲା ତାଲିବାନ : ପ୍ରସାରଣ କଲେ ଭୟଙ୍କର ଦଣ୍ଡ, ଜାଣନ୍ତୁ କଣ ରହିଛି କାରଣ…

20/09/2021 at 8:01 PM

ନୂଆଦିଲ୍ଲୀ ୨୦/୦୯ : ଆଇପିଏଲ ୨୦୨୧ର ଦ୍ବିତୀୟ ପର୍ଯ୍ୟାୟ ମ୍ୟାଚ୍‌ ରବିବାର ଠାରୁ ୟୁଏଇରେ ଆରମ୍ଭ ହୋଇଯାଇଛି । ଦ୍ବିତୀୟ ପର୍ଯ୍ୟାୟର ପ୍ରଥମ ମ୍ୟାଚ୍ ଚେନ୍ନାଇ ସୁପର କିଙ୍ଗସ୍‌ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ଖେଳାଯାଇଥିଲା । ଫଟାଫଟ୍‌ ଆଇପିଏଲକୁ ବିଶ୍ବବ୍ୟାପୀ ପ୍ରଶଂସକ ଦେଖୁଥିବା ବେଳେ ଏଭଳି ଏକ ଦେଶ ରହିଛି ଯେଉଁଠି ଆଇପିଏଲକୁ ଘୋର ବିରୋଧ କରିବା ସହିତ ଟିଭିରେ ପ୍ରସାରଣ ବ୍ୟାନ୍‌ କରିଦିଆଯାଇଛି ।

ଆଫଗାନିସ୍ତାନର ନୂଆ ତାଲିବାନ ସରକାର ଆଫଗାନିସ୍ତାନରେ ଆଇପିଏଲ ପ୍ରସାରଣକୁ ଉପରେ ରୋକ୍‌ ଲଗାଇଛି । ତାଲିବାନୀ ହୁକୁମ୍‌ ଏମିତି ଯେ, ଆଫଗାନିସ୍ତାନର କୌଣସି ଟିଭି ଚ୍ୟାନେଲରେ ଇଣ୍ଡିଆନ୍‌ ପ୍ରମିୟର ଲିଗ୍‌ (IPL) ପ୍ରସାରିତ ହୋଇପାରିବ ନାହିଁ । ଏ ନେଇ ସେଠାକାର ଟିଭି ଚ୍ୟାନେଲମାନଙ୍କୁ କଡା ନିର୍ଦେଶ ଦେଇଛି ତାଲିବାନ । ନିୟମ ଉଲ୍ଲଂଘନ କଲେ କଠୋର କାର୍ଯ୍ୟାନୁଷ୍ଠାନ ନିଆଯିବ ବୋଲି ତାଲିବାନ ପକ୍ଷରୁ ସୂଚନା ଦିଆଯାଇଛି ।

ତାଲିବାନ, ଆଇପିଏଲକୁ ଇସଲାମ୍ ବିରୋଧୀ ବୋଲି କହିଛି । ଏଥିପାଇଁ ବିରୋଧ କରୁଛି ଯେ, ଆଇପିଏଲରେ ଚିୟରଗାର୍ଲ ନୃତ୍ୟ ପରିବେଷଣ କରୁଛନ୍ତି ଯାହାକୁକି ତାଲିବାନ ଘୋର ବିରୋଧ କରୁଛି । ତାଲିବାନ ଏହାକୁ ଇସଲାମ ବିରୋଧୀ ବୋଲି ବିବେଚନା କରେ ଏବଂ ଆଫଗାନିସ୍ତାନରେ କୌଣସି ଭୁଲ ବାର୍ତ୍ତା ବିସ୍ତାର କରିବାକୁ ଚାହେଁ ନାହିଁ। ଆଫଗାନିସ୍ତାନ କ୍ରିକେଟ୍ ବୋର୍ଡର ପୂର୍ବତନ ମିଡିଆ ମ୍ୟାନେଜର ଇବ୍ରାହିମ ମୋମାଣ୍ଡ ଏ ନେଇ ଟ୍ୱିଟକରି କହିଛନ୍ତି । ସେ କହିଛନ୍ତି ଯେ, ‘ଆଫଗାନିସ୍ତାନରେ ଆଇପିଏଲ ଉପରେ ପ୍ରତିବନ୍ଧକ ଲଗାଯାଇଛି କାରଣ ଏଥିରେ ଇସଲାମ ବିରୋଧୀ କାର୍ଯ୍ୟକଳାପ ରହିଛି । ଏଥିରେ ଚିୟରଗାର୍ଲମାନେ ନାଚନ୍ତି ଏବଂ ମହିଳାମାନେ ବୁର୍ଖା ପିନ୍ଧନ୍ତି ନାହିଁ ଯାହାକୁ କି ଇସଲାମ ଗ୍ରହଣ କରେ ନାହିଁ ।’

ଆଇପିଏଲରେ ବର୍ତ୍ତମାନ ଆଫଗାନିସ୍ତାନର ଖେଳାଳୀମାନେ ମଧ୍ୟ ଖେଳୁଛନ୍ତି । ରାସିଦ ଖାନ ଏବଂ ମହମ୍ମଦ ନବୀଙ୍କ ଭଳି ଷ୍ଟାର ଖେଳାଳି IPLରେ ଅଂଶଗ୍ରହଣ କରୁଛନ୍ତି । ତାଲିବାନ ଆଫଗାନିସ୍ତାନ ଉପ​‌ରେ କବ୍‌ଜା କରିବା ପୂର୍ବରୁ ହିଁ ଉଭୟ ଖେଳାଳି ଦେଶ ବାହାରେ ରହିଛନ୍ତି । ଏବେ ଉଭୟ ସନରାଇଜର୍ସ ହାଇଦରାବାଦ ପକ୍ଷରୁ ଖେଳୁଛନ୍ତି ଏବଂ ୟୁଏଇରେ ଅଛନ୍ତି । ଆଫଗାନିସ୍ତାନରେ ବର୍ତ୍ତମାନ ମହିଳା କ୍ରିକେଟ୍‌ ଟିମ ଉପରେ ମଧ୍ୟ ପ୍ରତିବନ୍ଧକ ଲଗାଯାଇଛି ।

   Related Posts