Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ଜଣେ ନିଖୋଜ ଦାଦନଙ୍କ ସ୍ତ୍ରୀର ଜୀବନ ଯନ୍ତ୍ରଣା, ପର ଘରେ କାମ କରି ପେଟ ପୋଷୁଛନ୍ତି ଗୌରୀ : ଦୁଇ ପିଲାଙ୍କୁ ନେଇ ମୁଣ୍ଡ ଗୁଞ୍ଜିବାକୁ ନାହିଁ ଯାଗା

11/01/2019 at 5:22 PM

ଯାଜପୁର ୧୧|୧: ବାହାର ଚିକ୍ ଚିକ୍ ଭିତର ଫମ୍ପା । ଶିଳ୍ପ ସମୃଦ୍ଧ ଯାଜପୁର ଜିଲ୍ଲା । ମୁଣ୍ଡ ଟେକି ଛିଡା ହୋଇଛି ବଡ ବଡ କମ୍ପାନୀ । ହେଲେ ଏଠିବି ଦାଦନ ଦୁଃଖ । ଗରିବିର ଦୁଃଖ । ପେଟ ପାଟଣା ପାଇଁ ଚିନ୍ତା । ମୁଣ୍ଡ ଗୁଞ୍ଜିବା ପାଇଁ ଚିନ୍ତା । ସ୍ବାମୀ ଦାଦନ ଖଟିବାକୁ ଗଲେ, ତା ପର ଠାରୁ ତାଙ୍କର ଆଉ ଖୋଜ ଖବର ନାହିଁ । ପର ଘରେ କାମ କରି ପେଟ ପୋଷୁଛନ୍ତି, ଗୌରୀ । ମୁଣ୍ଡ ଉପରେ ଦୁଇ ପିଲାଙ୍କ ଭାର । କଣ ହେବ ସେମାନଙ୍କ ଭବିଷ୍ୟତ ଏହି ଚିନ୍ତାରେ ତାଙ୍କ ଆଖିକୁ ନିଦ ନାହିଁ ।

ଶିଳ୍ପ ସମୃଦ୍ଧ ଯାଜପୁର ଜିଲ୍ଲାରେ ଦାଦନ ଦୁଃଖ। ପର ଘରେ କାମ କରି ପେଟ ପୋସୁଛନ୍ତି ସୁକିନ୍ଦା ଗୋଲଖପୁର ଗାଁର ଗୌରୀ । ୧୦ ବର୍ଷ ହେଲା ସ୍ବାମୀ ଲୋକନାଥ ମହାନ୍ତ ଦାଦନ ଖଟିବାକୁ ଯାଇଛନ୍ତି, ହେଲେ ଆଉ ଫେରିନାହାନ୍ତି । ଏଯାଏ ତାଙ୍କର ଖୋଜ ଖବର ନାହିଁ । ଗୋଟେପଟେ ପରିବାର ଚଳଇବା ଚିନ୍ତା ଆରପଟେ ସ୍ବାମୀଙ୍କୁ ଖୋଜିବା ଚିନ୍ତାରେ ନୟାନ୍ତ ହେଲେଣି ଗୌରୀ । ମୁଣ୍ଡ ଉପରେ ଦୁଇ ପିଲାଙ୍କ ଭାର ।

ଗୋଲଖପୁର ଗାଁର ଗୌରୀ ମହାନ୍ତଙ୍କ ଏ ହେଉଛି ଦୁଃଖଦ କାହାଣୀ।

ମୁଲ ମଜୁରୀ କରି ଦୁଇ ଛୁଆଙ୍କ ପେଟକୁ ଦାନା ଯୋଗାଇ ଦେଉଥିଲେ ଗୌରୀ । ହେଲେ  ଗତ ଅଦିନିଆ ବର୍ଷାରେ ସେ ଆଶ୍ରୟ ନେଇଥିବା ଘରଟି ସମ୍ପୁର୍ଣ୍ଣ ଭାଙ୍ଗିଗଲା।

ସ୍ଥାନୀୟ ସରପଞ୍ଚଙ୍କ ଠାରୁ ଆରମ୍ଭ କରି ବ୍ଲକ ଅଧିକାରୀ ପର୍ଯ୍ୟନ୍ତ ସମସ୍ତଙ୍କୁ ଗୁହାରୀ ଜଣାଇଥିଲେ ମଧ୍ୟ କୌଣସି ସୁଫଳ ମିଳିଲାନି । ଗୌରୀକୁ ଆବାସ ଯୋଜନାରେ ରହିବା ପାଇଁ ଖଣ୍ଡେ ପକ୍କାଘର ଯୋଗାଇବା ପାଇଁ ଗ୍ରାମବାସୀ ଦାବି କରିଛନ୍ତି । ସେପଟେ ଜିଲ୍ଲାପାଳ କହିଛନ୍ତି, ଅଭିଯୋଗ ହୋଇନାହିଁ । ଅଭିଯୋଗ ପରେ ପଦକ୍ଷେପ ନିଆଯିବ ।

ସୁନାର ସୁକିନ୍ଦାରେ ସାହାରା ଖୋଜୁଛନ୍ତି ଗୌରୀ ।ଖୋଜୁଛନ୍ତି ବଞ୍ଚିବାର ରାହା । ହେଲେ ମିଳୁନି । ନା ମୁଣ୍ଡ ଗୁଞ୍ଜିବାକୁ ଘର ଅଛି, ନା ଅଛି ସମ୍ବଳ । କେବେ ମିଳୁଛି ଗୌରୀଙ୍କୁ ସହାୟତା ତାହା ଦେଖିବାକୁ ବାକି ରହିଲା ।

   Related Posts