Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଫ୍ଟ ମାଗି ଯାଉଥିଲେ ଘରକୁ, ଦୁର୍ଘଟଣାରେ ମା’ପୁଅ ସମେତ ୪ ଜଣଙ୍କ ମୃତ୍ୟୁ
  • ||
  • ଦେଶରେ ତଳମୁହାଁ କରୋନା ଗ୍ରାଫ୍: ଓଡ଼ିଶାରେ ମଧ୍ୟ ହ୍ରାସ ପାଇଛି ସଂକ୍ରମଣ
  • ||
  • ସ୍କୁଲ ଫି’ ଛାଡ଼ ମାମଲା: ସପ୍ତାହେ ଭିତରେ ରିପୋର୍ଟ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||
  • ଦୁର୍ବଳ ହେଉଛି ଭାରତୀୟ ଆଖି
  • ||
  • ପୁରୀ : ସ୍ବର୍ଗଦ୍ବାରରୁ ହଟିଲା କଟକଣା, ଏଣିକି ଅନ୍ୟ ଜିଲ୍ଲାର ଶବ ହେବ ସତ୍କାର
  • ||
  • ଲଦାଖ: ଡେମଚୋକ୍‌ରେ ଭାରତୀୟ ସେନା ହାତରେ ଧରାପଡିଲେ ଚୀନ ସୈନିକ, ମିଳିଛି ଗୁରୁତ୍ଵପୂର୍ଣ୍ଣ ଦସ୍ତାବିଜ
  • ||
  • ଘରୋଇ କର୍ମଚାରୀଙ୍କ ପାଇଁ ବଡ ଖବର : ଦୀପାବଳି ପୂର୍ବରୁ ନୂଆ ପ୍ୟାକେଜ୍ ଘୋଷଣା କରିପାରନ୍ତି ସରକାର
  • ||
  • ଲୋକ ଭବନ ସମ୍ମୁଖରେ ଦୁଇ ଶିଶୁ ସହ ପତି-ପତ୍ନୀଙ୍କ ଆତ୍ମଦାହ ଉଦ୍ୟମ, ଉଦ୍ଧାର କଲା ପୋଲିସ
  • ||
  • ପୁଅ ଆସି ପଡୋଶୀଙ୍କୁ କହିଲା-ବାପା ଉଠୁନାହାନ୍ତି, ଦେଖିଲା ବେଳକୁ ଘରେ ପଡିଥିଲା ଦୁଇଟି ମୃତଦେହ
  • ||
  • ଗେହଲଟ୍ ସରକାରଙ୍କ ନିଷ୍ପତ୍ତି: ୧୩ ଅନ୍ତରାଷ୍ଟ୍ରୀୟ ଖେଳାଳିଙ୍କୁ ୨୫-୨୫ ଏକର ଜମି ଆବଣ୍ଟନ କରିବାକୁ ଘୋଷଣା
  • ||

WHO ଉପରେ ଅଭିଯୋଗ ଆଣିଲା ତାଇୱାନ : ଜାରି କଲା ପୁରୁଣା ଇ-ମେଲ୍, ପୂର୍ବରୁ କରୋନା ବିସ୍ତାର ନେଇ ଚେତାଇ ଦେଇଥିଲା

15/04/2020 at 8:22 AM

ତାଇପେଇ ୧୫।୪: କରୋନା ଭାଇରସ୍ ନେଇ ବିଶ୍ବକୁ ଠିକ୍ ସମୟରେ ସତର୍କ ନକରିବାରୁ ବିଶ୍ବ ସ୍ବାସ୍ଥ୍ୟ ସଂଗଠନ (WHO) ର ସମାଲୋଚନା କରାଯାଇଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ WHOର କାର୍ଯ୍ୟ ଉପରେ ପ୍ରଶ୍ନ ଉଠାଇଛନ୍ତି ଏବଂ ପାଣ୍ଠି ବନ୍ଦ କରିବାକୁ ଘୋଷଣା କରିଛନ୍ତି । ଏହି ସମୟରେ ତାଇୱାନ ଡିସେମ୍ବର ମାସର ଏକ ଇ-ମେଲ ଜାରି କରି WHO ଉପରେ ଅନେକ ଅଭିଯୋଗ ଆଣିଛି ।

ପ୍ରକୃତରେ ତାଇୱାନ ସେହି ଦେଶମାନଙ୍କ ମଧ୍ୟରେ ଗଣାଯାଏ ଯେଉଁମାନେ ଅନ୍ୟ ଦେଶ ତୁଳନାରେ କରୋନା ଉପରେ ଅଧିକ ନିୟନ୍ତ୍ରଣ ପାଇପାରିଛନ୍ତି ଏବଂ ଠିକ୍ ସମୟରେ ଉଚିତ୍ ପଦକ୍ଷେପ ନେଇଛନ୍ତି । କିନ୍ତୁ ତାଇୱାନ କହିଛି ଯେ ଡିସେମ୍ବର ମାସରେ ସେମାନେ WHO ରୁ ସୂଚନା ମାଗିଥିଲେ ​​କିନ୍ତୁ ତାହାକୁ ଅଣଦେଖା କରାଯାଇଥିଲା । ଡିସେମ୍ବର ୩୧ରେ ତାଇୱାନ ଜଣେ ବ୍ୟକ୍ତିଠାରୁ ଅନ୍ୟ ଜଣେ ବ୍ୟକ୍ତିକୁ କରୋନା ଭାଇରସ୍ ବିସ୍ତାର ସମ୍ବନ୍ଧରେ WHO ରୁ ସୂଚନା ମାଗିଥିଲା ​​। କିନ୍ତୁ ତାଇୱାନ କହିଛି ଯେ WHO ପର୍ଯ୍ୟାପ୍ତ ସୂଚନା ଦେବାକୁ ମନା କରିଦେଇଥିଲା ।

ତାଇୱାନ ପ୍ରଥମେ ଚୀନ ଉହାନର ୭ଟି ମାମଲା ସମ୍ବନ୍ଧରେ ଦର୍ଶାଇ WHOକୁ ଚେତାବନୀ ଦେବାକୁ ଚେଷ୍ଟା କରିଥିଲା । କିନ୍ତୁ ତାଇୱାନ ଅଭିଯୋଗ କରିଛି ଯେ WHO ଭାଇରସ୍ ବିପଦକୁ କମ୍ ଭାବରେ ଦେଖିଥିଲା । ଏହା ଚୀନକୁ ଖୁସି କରିବା ପାଇଁ କରିଥିଲା ବୋଲି ତାଇଓ୍ବାନ ଅଭିଯୋଗ କରିଛି ।

ତାଇୱାନ ଚୀନ୍ ଠାରୁ ପ୍ରାୟ ୧୩୦କିଲୋମିଟର ଦୂରରେ ଅବସ୍ଥିତ । ପ୍ରାୟ ୭୦ ବର୍ଷ ପୂର୍ବେ ତାଇୱାନ ନିଜକୁ ଏକ ସ୍ବାଧୀନ ଦେଶ ଭାବରେ ଘୋଷଣା କରିଥିଲା । ତେବେ ଚୀନ୍ ତାଇୱାନକୁ ଏକ ସ୍ବାଧୀନ ଦେଶ ଭାବେ ଗ୍ରହଣ କରେ ନାହିଁ । WHO ଉପରେ ଚାପ ପକାଇ ଚୀନ୍ ତାଇୱାନକୁ WHO ସଦସ୍ୟ ଦେଶ ତାଲିକାରୁ ବାହାର କରିଦେଇଛି ।

ଅନ୍ୟପକ୍ଷରେ ତାଇୱାନର ଅଭିଯୋଗ ପରେ WHO ଅସ୍ବୀକାର କରିଛି ଯେ ତାଇୱାନ ଜଣେ ବ୍ୟକ୍ତିଙ୍କଠାରୁ ଅନ୍ୟ ଜଣଙ୍କୁ କରୋନା ବିସ୍ତାର କରିବାକୁ ନେଇ ଚେତାବନୀ ଦେଇଥିଲା ।

ବର୍ତ୍ତମାନ ପର୍ଯ୍ୟନ୍ତ ତାଇୱାନରେ କେବଳ ୩୯୩ ଜଣ କରୋନା ସଂକ୍ରମିତ ହୋଇଥିବା ଜଣାପଡିଛି। କେବଳ ୬ ଜଣଙ୍କର ମୃତ୍ୟୁ ଘଟିଛି । ସାରା ବିଶ୍ବରେ କରୋନା ସଂକ୍ରମିତ ଲୋକଙ୍କ ସଂଖ୍ୟା ୧,୯୩୭,୨୬୮ ଅତିକ୍ରମ କରିଛି ।

   Related Posts