Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

ତବଲିଗି ଜମାତ କାର୍ଯ୍ୟକ୍ରମ ପରେ ସାରା ଏସିଆରେ ବ୍ୟାପିଥିଲା କରୋନା ଭାଇରସ, ଭାରତ ସହ ପାକିସ୍ତାନ ଓ ମାଲେସିଆରେ ମଧ୍ୟ ବଢିଥିଲା ସଂକ୍ରମିତଙ୍କ ସଂଖ୍ୟା

21/04/2020 at 7:37 PM

ନୂଆଦିଲ୍ଲୀ, ୨୧|୦୧:  କରୋନା ଭାଇରସ ପାଇଁ ସାରା ବିଶ୍ୱରେ ଆତଙ୍କ ଖେଳିଯାଇଛି । ଭାରତ ମଧ୍ୟ ଏଥିରୁ ବାଦ ପଡିନାହିଁ । ଦିଲ୍ଲୀ ତବଲିଗି ଜମାତ କେସ ପରଠାରୁ ଦେଶରେ ସଂକ୍ରମିତଙ୍କ ସଂଖ୍ୟା ଅହେତୁକ ବୃଦ୍ଧି ପାଇଛି । କେବଳ ଭାରତ ନୁହେଁ ପାକିସ୍ତାନ, ମାଲେସିଆ ଭଳି ଦେଶରେ ମଧ୍ୟ ତବଲିଗି ଜମାତ ପାଇଁ କରୋନା କେସ୍ ବଢିଛି । ବିଭିନ୍ନ ଦକ୍ଷିଣ ଏସିଆ ଦେଶରେ କରୋନା ସଂକ୍ରମଣ ପାଇଁ ପ୍ରାୟ ୭୦ ହଜାର ଜମାତ ସଦସ୍ୟ ଦାୟୀ ବୋଲି ମଧ୍ୟ ଅଭିଯୋଗ ହେଉଛି ।

ଡନ୍ ରିପୋର୍ଟ ଅନୁସାରେ, ପାକିସ୍ତାନର ପଞ୍ଜାବ ସରକାର ମନା କରିବା ସତ୍ତ୍ୱେ ରାୟବିଣ୍ଡ ସହରରେ ତବଲୀଗୀ ଜମାତର ସମାରୋହ ଅନୁଷ୍ଠିତ ହୋଇଥିଲା । ଏଥିରେ ସାରା ବିଶ୍ୱରୁ ଅଢେଇ ଲକ୍ଷ ଲୋକ ସାମିଲ ହୋଇଥିଲେ । ଏହା ମଧ୍ୟରୁ ୩୦୦୦ରୁ ଅଧିକ ବିଦେଶୀ ଥିଲେ । ସେମାନେ ୪୦ଟି ଭିନ୍ନ ଭିନ୍ନ ଦେଶରୁ ଆସିଥିଲେ । ଏହାପରେ ବିଭିନ୍ନ ଅନ୍ତରାଷ୍ଟ୍ରୀୟ ବିମାନ ସେବା ବନ୍ଦ ହେବା ପରେ ସେମାନେ ପାକିସ୍ତାନରେ ଫସି ରହିଥିଲେ । ପଞ୍ଜାବ ପୋଲିସ ଅନୁସାରେ, ଜମାତର ଅନେକ ବଡ ପ୍ରଚାରକ କରୋନା ପଜିଟିଭ ହୋଇଥିବା ସୂଚନା ମିଳିଛି । ଏହାସହ ୨୦ ହଜାର ସଦସ୍ୟଙ୍କୁ କ୍ୱାରେଣ୍ଟାଇନ ରଖାଯାଇଛି । ୧୦ ହଜାରରୁ ଅଧିକଙ୍କୁ ଠାବ କରିବା ପାଇଁ ପ୍ରୟାସ ଚାଲିଛି । ଜମାତକୁ କାର୍ଯ୍ୟକ୍ରମ ଆୟୋଜନ କରିବାକୁ ମନା କରାଯାଇଥିଲା । କିନ୍ତୁ ବାରଣ ସତ୍ୱେ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ସାମିଲ ସଦସ୍ୟଙ୍କ ମଧ୍ୟରୁ ଏବେସୁଦ୍ଧା ୫୦୦ରୁ ଅଧିକ କରୋନା ଭାଇରସ ସଂକ୍ରମିତ ହୋଇଛନ୍ତି ।

ଦକ୍ଷିଣ କୋରିଆରେ ମଧ୍ୟ ଏକ ଚର୍ଚ୍ଚରେ ପ୍ରାର୍ଥନା ପାଇଁ ଯୋଗଦେଇଥିବା ପ୍ରାୟ ୫ ହଜାରରୁ ଅଧିକ ବ୍ୟକ୍ତି କରୋନା ସଂକ୍ରମିତ ହୋଇଥିଲେ ।ଏହାପରେ ସିଙ୍ଗାପୁର ଦକ୍ଷିଣ କୋରିଆର ସମସ୍ତ ସ୍ଥାନୀୟ କାର୍ଯ୍ୟକଳାପକୁ ବାତିଲ କରିଦେଇଥିଲା ।ମାଲେସିଆରେ ମଧ୍ୟ ଫେବ୍ରୁଆରୀ ୨୭ରୁ ମାର୍ଚ୍ଚ ୧ ମଧ୍ୟରେ ତବଲୀଗୀ ଜମାତ କାର୍ଯ୍ୟକ୍ରମରେ ୧୬ ହଜାର ସଦସ୍ୟ ସାମିଲ ହୋଇଥିଲେ । ଏହି ସଦସ୍ୟଙ୍କ ମଧ୍ୟରୁ ୧୯୪୬ଜଣ କରୋନା ସଂକ୍ରମିତ ହୋଇଥିଲେ । 

ସେହିପରି ନ୍ୟୁୟର୍କ ଓ ଇସ୍ରାଏଲରେ ଅର୍ଥୋଡକ୍ସ ଜେଓ୍ୱିସ୍ କମ୍ୟୁନିଟୀ କରୋନା ଭାଇରସ ପାଇଁ ସଂକ୍ରମଣ ବୃ୍ଦ୍ଧି ପାଇଥିଲା ।ଭାରତରେ ମଧ୍ୟ ଜଣେ ସିଖ୍ ଧର୍ମଗୁରୁ କରୋନା ସଂକ୍ରମିତ ହେବା ପରେ ପ୍ରାୟ ୩୦ ହଜାର ଜଣଙ୍କୁ କ୍ୱାରେଣ୍ଟାଇନରେ ରଖାଯାଇଥିଲା । ଏହି ସିଖ୍ ଗୁରୁ ୟୁରୋପ ଗସ୍ତରୁ ଫେରି କରୋନା ସଂକ୍ରମିତ ହୋଇଥିଲେ । ଏତତ୍ ବ୍ୟତୀତ ଦିଲ୍ଲୀର ନିଜାମୁଦ୍ଦୀନରେ ଥିବା ତବଲିଗି ଜମାତ ପାଇଁ ଦେଶରେ କରୋନା ଭାଇରସ ସଂକ୍ରମଣ ମଧ୍ୟ ବୃଦ୍ଧି ପାଇଥିବା କୁହାଯାଉଛି । ସରକାର ମଧ୍ୟ ଏହାର ମୁଖ୍ୟ ମୌଲାନା ସାଦଙ୍କୁ ଗିରଫ କରିବା ପାଇଁ ପ୍ରୟାସ ଜାରି ରଖିଛନ୍ତି ।

   Related Posts