Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବଜେଟ୍ ଅଧିବେଶନ: ଜାନୁଆରୀ ୩୧ରେ ରାଷ୍ଟ୍ରପତିଙ୍କ ଅଭିଭାଷଣ, ଫେବୃଆରୀ ୧ରେ ଉପସ୍ଥାପନ ହେବ ବଜେଟ୍
  • ||
  • IPL 2022: ନିଜ ଟିମ୍‌ର ନାମ ଘୋଷଣା କଲା ଲକ୍ଷ୍ନୌ ଫ୍ରାଞ୍ଚାଇଜି, ରଖିଲା ଲକ୍ଷ୍ନୌ ସୁପର ଜିଆଣ୍ଟ୍ସ
  • ||
  • ରାଜ୍ୟରେ ସୁସ୍ଥହେଲେ ଆଉ ୧୦,୩୦୯ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୩୧୧୫ଜଣ ଡିସଚାର୍ଜ
  • ||
  • ରବିଚନ୍ଦ୍ରନ ଅଶ୍ବିନ ନିରାଶ, ଏହି ଖେଳାଳି ହେଲେ ‘ଟେଷ୍ଟ କ୍ରିକେଟର୍ ଅଫ୍‌ ଦି ଇୟର’
  • ||
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କରୋନା ସଂକ୍ରମିତ ହେଲେ ତବଲିଗୀ ଜମାତ ସଦସ୍ୟ, ବ୍ଲେଡ୍‌ରେ ଗଳାକାଟି କଲେ ଆତ୍ମହତ୍ୟା

12/04/2020 at 9:57 AM

ମୁମ୍ବାଇ ୧୨।୪: ଦେଶରେ କରୋନା ଭାଇରସ୍ ସଂକ୍ରମିତ ରୋଗୀଙ୍କ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି । ଏପର୍ଯ୍ୟନ୍ତ ୮ ହଜାରରୁ ଅଧିକ ଲୋକ କରୋନା ଭାଇରସ୍ ରେ ଆକ୍ରାନ୍ତ ହୋଇଛନ୍ତି । ଦେଶର ତବଲିଗୀ ଜମାତ ସହିତ ଜଡିତ ଅନେକ ଲୋକ ମଧ୍ୟ କରୋନା ସଂକ୍ରମିତ ହୋଇଥିବା ଜଣାପଡିଛି । ଏମିତି ସମୟରେ କରୋନା ଭାଇରସ୍ ସଂକ୍ରମିତ ଜଣେ ଜମାତ ସଦସ୍ୟ ଆତ୍ମହତ୍ୟା କରିଥିବା ମାମଲା ସାମ୍ନାକୁ ଆସିଛି ।

ମହାରାଷ୍ଟ୍ରରେ ଦେଶରେ ସର୍ବାଧିକ କରୋନା ଭାଇରସ୍ ସଂକ୍ରମିତ ରୋଗୀ ଅଛନ୍ତି । ଜଣେ ୩୦ ବର୍ଷ ବୟସ୍କ ତବଲିଗୀ ଜମାତର ସଦସ୍ୟ ରାଜ୍ୟର ଆକୋଲା ଡାକ୍ତରଖାନାରେ ଆତ୍ମହତ୍ୟା କରିଦେଇଛନ୍ତି । ବ୍ୟକ୍ତି ଜଣଙ୍କ ବାଥରୁମ୍ ଭିତରକୁ ଯାଇ ବ୍ଲେଡରେ ଗଳା କାଟି ଆତ୍ମହତ୍ୟା କରିଥିବା ଜଣାପଡିଛି ।

ଏହି ବ୍ୟକ୍ତି ଶୁକ୍ରବାର ଦିନ କୋଭିଡ-୧୯ରେ ପଜିଟିଭ୍ ଥିବା ଜଣାପଡିଥିଲା । କରୋନା ଭାଇରସ୍ ସଂକ୍ରମଣ ନିଶ୍ଚିତ ହେବା ପରେ ବ୍ୟକ୍ତି ଜଣଙ୍କ ଶନିବାର ଆତ୍ମହତ୍ୟା କରିଛନ୍ତି। ସୂଚନା ଅନୁସାରେ ମୃତ ବ୍ୟକ୍ତି ଆସାମର ବାସିନ୍ଦା । ଏହି ବ୍ୟକ୍ତି ୬ରୁ ୮ମାର୍ଚ୍ଚ ପର୍ଯ୍ୟନ୍ତ ଦିଲ୍ଲୀର ନିଜାମୁଦ୍ଦିନରେ ତବଲିଗୀ ଜମାତ ମରକଜରେ ସାମିଲ୍ ହୋଇଥିଲେ ।

ଏହାପରେ ତବଲିଗୀ ଜମାତର ସଦସ୍ୟମାନଙ୍କ ସହିତ ଅକୋଲା ଆସିଥିଲେ । ଅକୋଲାକୁ ଆସିବା ପରେ ସେ ନିଜ ଶରୀରରେ କରୋନା ଭାଇରସ୍ ସମ୍ବନ୍ଧୀୟ ଲକ୍ଷଣ ଦେଖିବାକୁ ପାଇଥିଲେ । ଫଳରେ ସେ ନିଜେ ଡାକ୍ତରଖାନା ଯାଇଥିଲେ । ସଂପୃକ୍ତ ବ୍ୟକ୍ତିଙ୍କୁ କିଛି ଦିନ ପୂର୍ବରୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତେବେ ସଂକ୍ରମଣ ନିଶ୍ଚିତ ହେବାପରେ ସେ ଆତ୍ମହତ୍ୟା କରିଦେଇଛନ୍ତି । ଏହାପରେ ପୋଲିସ ଦୁର୍ଘଟଣାଜନିତ ମୃତ୍ୟୁ ମାମଲା ରୁଜୁ କରିଛି ।

   Related Posts