ନୂଆଦିଲ୍ଲୀ ୨୩/୦୬: ପ୍ରସିଦ୍ଧ ଟିଭି ଧାରାବାହିକ 'ତାରକ ମେହେତା କା ଓଲଟା ଚଶମା'ରେ ନଟୁ କାକା ଭୂମିକାରେ ନଜର ଆସିଥିବା ଅଭିନେତା ଘନଶ୍ୟାମ ନାୟକଙ୍କ ବିଷୟରେ ଏକ ଖରାପ ଖବର ସାମ୍ନାକୁ ଆସିଛି। ସୂଚନା ଅନୁଯାୟୀ, ଘନଶ୍ୟାମ ନାୟକ କ୍ୟାନ୍ସର୍ ରୋଗରେ ପୀଡିତ। ସେ ଏହି ରୋଗ ପାଇଁ ଚିକିତ୍ସିତ ହେଉଛନ୍ତି। ଏକ ଇଣ୍ଟରଭ୍ୟୁ ସମୟରେ ଅଭିନେତାଙ୍କ ପୁଅ ବିକାଶ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ୩ ମାସ ପୂର୍ବେ ଅଭିନେତାଙ୍କ ବେକରୁ କିଛି ଦାଗ ମିଳିଥିଲା ଯାହା ପରେ ତାଙ୍କର ଚିକିତ୍ସା ଆରମ୍ଭ ହୋଇଥିଲା।
{"width":615,"height":420}ଘନଶ୍ୟାମଙ୍କ ପୁଅ କହିଛନ୍ତି, 'ଏପ୍ରିଲରେ ଆମେ ତାଙ୍କ ଗଳା ପୋଜିଟ୍ରନ୍ ଏମିସନ୍ ଟମୋଗ୍ରାଫି ସ୍କାନ୍ କରିଥିଲୁ। ଯେଉଁଥିରେ କିଛି ଦାଗ ଦେଖିବାକୁ ମିଳିଥିଲା । ଯଦିଓ ତାଙ୍କୁ କୌଣସି ପ୍ରକାରର ସମସ୍ୟାର ସମ୍ମୁଖୀନ ହେବାକୁ ପଡିନଥିଲା କିନ୍ତୁ ଆମେ କୌଣସି ବିପଦ ନେବାକୁ ଚାହୁଁନଥିଲୁ । ତେଣୁ ଆମେ ପୁଣି କେମୋଥେରାପି ଆରମ୍ଭ କଲୁ । ଗତ ବର୍ଷ ସେପ୍ଟେମ୍ବରରେ ଘନଶ୍ୟାମ ନାୟକଙ୍କ ବେକରେ ୮ ଟି କ୍ଲଟ୍ ଥିବା ଖବର ସାମ୍ନାକୁ ଆସିଥିଲା। ଯାହା ପରେ ଅସ୍ତ୍ରୋପଚାର ଦ୍ୱାରା ତାଙ୍କ ଗଳାରୁ ବାହାର କରାଯାଇଥିଲା ।
ନିକଟରେ ଅଭିନେତା ଗୁଜୁରାଟର ଦାମନକୁ 'ତାରକ ମେହେତା କା ଓଲଟା ଚଶମା'ର ସୁଟିଂ ପାଇଁ ଯାଇଥିଲେ। ଏହି ସମୟରେ ସୁଟିଂ କରିବାର ଅଭିଜ୍ଞତା ବାଣ୍ଟିବାବେଳେ ସେ କହିଥିଲେ, ‘ସ୍ୱାସ୍ଥ୍ୟ ଭଲ ଅଛି କିନ୍ତୁ ଚିକିତ୍ସା ପୁଣି ଆରମ୍ଭ ହୋଇଛି। କେମୋଥେରାପି ବର୍ତ୍ତମାନ ଚାଲିଛି ।‘ ଘନଶ୍ୟାମ ନାୟକ ବର୍ତ୍ତମାନ ପର୍ଯ୍ୟନ୍ତ ୩୦୦ ରୁ ଅଧିକ ଫିଲ୍ମ, ୨୫୦ ଥିଏଟର ଶୋ ଏବଂ ୧୦୦ ରୁ ଅଧିକ ଟିଭି ସୋ କରିଛନ୍ତି।