ନୂଆଦିଲ୍ଲୀ ୧୨/୦୯ : ପୂର୍ବତନ ଅଧିନାୟକ ଏମଏସ ଧୋନିଙ୍କୁ ଟି-20 ବିଶ୍ୱକପ ପାଇଁ ଟିମ ଇଣ୍ଡିଆର ମେଣ୍ଟର କରାଯାଇଛି । ବିସିସିଆଇର ଏହି ନିଷ୍ପତ୍ତି ନେଇ ପୂର୍ବତନ ଭାରତୀୟ ୱିକେଟ୍ କିପର-ବ୍ୟାଟ୍ସମ୍ୟାନ୍ ଫାରୁକ୍ ଇଞ୍ଜିନିୟର ଖୁସି ବ୍ୟକ୍ତ କରିଛନ୍ତି । ଫାରୁକ୍ ଇଞ୍ଜିନିୟର କହିଛନ୍ତି ଯେ ଧୋନିଙ୍କ ଅଭିଜ୍ଞତା ଟିମ୍ ଇଣ୍ଡିଆ ପାଇଁ ବହୁତ ଉପଯୋଗୀ ହେବ ।
ସେ କହିଛନ୍ତି, "ମୁଁ ଖୁସି ଯେ ଏମଏସ ଧୋନିଙ୍କୁ ଜଣେ ମେଣ୍ଟର ଭାବରେ ନିଯୁକ୍ତ କରାଯାଇଛି । ଏହାର ଅର୍ଥ କ’ଣ, ଜଣେ ପ୍ରଶିକ୍ଷକଙ୍କ ପରି ପରାମର୍ଶଦାତା ? ରବି ଶାସ୍ତ୍ରୀ କୋଚ ଏବଂ ଧୋନି ହେଉଛନ୍ତି ପରାମର୍ଶଦାତା । ଧୋନିଙ୍କୁ ତାଙ୍କ ଅଭିଜ୍ଞତା ହେତୁ ଦଳରେ ରଖାଯିବ ବହୁତ ଭଲ । ବିସିସିଆଇ ଏହି ନିଷ୍ପତ୍ତି ନେଇଥିବାରୁ ମୁଁ ଖୁସି । ଇଞ୍ଜିନିୟର ଆହୁରି କହିଛନ୍ତି ଯେ ଧୋନି ଟିମ୍ ଇଣ୍ଡିଆକୁ ଭଲ ପରାମର୍ଶ ଦେବେ ।
ତେବେ ମୁଁ ନିଶ୍ଚିତ ଯେ ସେ ରବି କିମ୍ବା ବିରାଟଙ୍କୁ ବହୁତ ଚତୁର ଉପାୟରେ ଧୋନୀ ପରାମର୍ଶ ଦେବେ । ମୋଟ ଉପରେ କହିବାକୁ ଗଲେ ମୁଁ ଭାବୁଛି ଆମର ଦଳ ବହୁତ ଭଲ ପ୍ରଦର୍ଶନ କରିବା । କାରଣ ଧୋନୀ ଜଣେ ବହୁତ ଭଲ ପରାମର୍ଶଦାତା, ପରିଚାଳକ ଏବଂ ସଫଳ ଅଧିନାୟକ । ଫାରୁକ୍ କୁହନ୍ତି ଭାରତ ନିକଟରେ ଏହି ହିଁ ଭଲ ସୁଯୋଗ ରହବି ବିଶ୍ୱକପ୍ ଜିତିବାର ।
ପୂର୍ବ ଖେଳାଳିଙ୍କୁ ମେଣ୍ଟର ରଖାଯିବା ଦଳ ପାଇଁ ବହୁତ ଭଲ କଥା । ଖାସ୍ କରି ମାହିଙ୍କ ପରାମର୍ଶ ଦଳ ପାଇଁ ବେଶ୍ ଗୁରୁତ୍ୱପୂର୍ଣ୍ଣ । ସେ ଆହୁରି କହିଛନ୍ତି । ଯେମିତି ଆଇପିଏଲରେ ମୁମ୍ୱାଇ ଇଣ୍ଡିଆନ୍ସର ପରାମର୍ଶ ଦାତା ରହିଛନ୍ତି ସଚିନ ତେନ୍ଦୁଲକର । ତାଙ୍କ ପରାମର୍ଶରେ ଦଳ ତାର ଶ୍ରେଷ୍ଠ ପ୍ରଦର୍ଶନ ବଜାର ରଖିଛି । ଠିକ୍ ସେହିପରି ଧୋନୀ ମଧ୍ୟ ଦଳ ପାଇଁ ବେଶ ଗୁରୁତ୍ୱ ବହନ କରନ୍ତି ।
ସୂଚନା ଥାଉି କି, ଏପର୍ଯ୍ୟନ୍ତ ୬ ଟି ଟି -20 ବିଶ୍ୱକପ ଖେଳାଯାଇଛି । ଏହି ସମସ୍ତ ବିଶ୍ୱକପ୍ରେ ଧୋନିଙ୍କ ଅଧିନାୟକତ୍ୱରେ ଟିମ୍ ଇଣ୍ଡିଆ ଅଂଶଗ୍ରହଣ କରିଥିଲା । କିନ୍ତୁ ଏବେ ଧୋନିଙ୍କ ଭୂମିକା ବଦଳିବାକୁ ଯାଉଛି । ୨୪ ଅକ୍ଟୋବରରେ ଦୁବାଇରେ ସୁପର ୧୨ ପର୍ଯ୍ୟାୟରେ ପାକିସ୍ତାନ ବିପକ୍ଷ ମ୍ୟାଚ୍ ସହିତ ଭାରତ ନିଜର ଅଭିଯାନ ଆରମ୍ଭ କରିବାକୁ ଯାଉଛି।