Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୫କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୨୯୧ କୋଭିଡ୍ ପଜିଟିଭ୍, ୧୨୧୧୯୫୧ରେ ପହଞ୍ଚିଲା ସଂଖ୍ୟା
  • ||
  • ଖଲ୍ଲିକୋଟ : ଅଟୋକୁ ପଛ ପଟୁ ଧକ୍କା ଦେଲା ଟ୍ରକ, ଜଣେ ମୃତ
  • ||
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

କରୋନା ପାଇଁ ଏବେ ଟି୨୦ ବିଶ୍ୱକପର ଆୟୋଜନକୁ ନେଇ ଅନିଶ୍ଚିତତା, ଚିନ୍ତାରେ ଆଇସିସି

14/04/2020 at 3:32 PM

ସିଡନୀ, ୧୪|୦୪:  ଭାରତରେ ଲକଡାଉନର ଅବଧି ମେ’ ମାସ ୩ ତାରିଖ ଯାଏଁ ବୃଦ୍ଧି କରାଯାଇଛି । ଫଳରେ ଆଇପିଏଲକୁ ରବ୍ଦ କିମ୍ବା ସ୍ଥଗିତ କରାଯିବ ବୋଲି କୁହାଯାଉଛି । ଆଇପିଏଲକୁ କରୋନା ପ୍ରଭାବିତ କରିଥିବା ବେଳେ ଏବେ ଟି୨୦ ବିଶ୍ୱକପର ଆୟୋଜନକୁ ନେଇ ଅନିଶ୍ଚିତତା ଦେଖିବାକୁ ମିଳିଛି । ଚଳିତ ବର୍ଷର ଶେଷରେ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ମଧ୍ୟ କରୋନା ଭୟ ରହିଛି ।

ଚଳିତ ବର୍ଷ ଅକ୍ଟୋବର, ନଭେମ୍ବରରେ ଅଷ୍ଟ୍ରେଲିଆରେ ଟି୨୦ ବିଶ୍ୱକପ ଆୟୋଜନ ହେବ ବୋଲି ଯୋଜନା ଚାଲିଛି । କିନ୍ତୁ କରୋନାର ଭୟଙ୍କରସ ସ୍ଥିତିକୁ ଦେଖି ଏବେ ସମସ୍ତେ ଭୟଭୀତ ।ପୂର୍ବରୁ ମଧ୍ୟ ଅନେକ ସ୍ପୋର୍ଟସ୍ ଟୁର୍ଣ୍ଣାମେଣ୍ଟ ରବ୍ଦ କରିବାକୁ ପଡିଛି । ଏପରିକି ଟୋକିଓ ଅଲମ୍ପିକର ଆୟୋଜନ ମଧ୍ୟ ସ୍ଥଗିତ ରହିଛି । ସାରା ବିଶ୍ୱର ଦୁଇ ତୃତୀୟାଂଶ ଲୋକ ଘରେ ଆବଦ୍ଧ ହୋଇ ରହିଛନ୍ତି ।

ଓ୍ୱିମ୍ବଲଡନ୍ ଟୁର୍ଣ୍ଣାମେଣ୍ଟ ଜୁନ ୨୯ରୁ ଆରମ୍ଭ ହେବାକୁ ଥିଲା । ଯାହାକୁ ରବ୍ଦ କରି ଦିଆଯାଇଚି । ସେହିପରି ଜାପାନରେ ହେବାକୁ ଥିବା ଅଲମ୍ପିକ୍ ଗେମସ୍ ମଧ୍ୟ ଆସନ୍ତା ବର୍ଷକୁ ଘୁଞ୍ଚାଇ ଦିଆଯାଇଛି ।ଏପରି ସ୍ଥିତିରେ ଟି୨୦ ବିଶ୍ୱକପର ଆୟୋଜନକୁ ନେଇ ଆଇସିସି ଚିନ୍ତିତ ରହିଛି । କ୍ରିକେଟ ଅଷ୍ଟ୍ରେଲିଆ କିନ୍ତୁ ଏହାକୁ ନେଇ ଚିନ୍ତା ପ୍ରକଟ କରିଥିବା ବେଳେ ଏବେ ବିଶ୍ୱକପ ପାଇଁ ଅଧିକ ସମୟ ରହିଥିବା କହିଛି । ବୋର୍ଡର ସଭାପତି କେଭିନ୍ ରବର୍ଟସ୍ ଏହି ଟୁର୍ଣ୍ଣାମେଣ୍ଟ ବେଳକୁ ସବୁ ଠିକ ହୋଇଯାଇଥିବ ବୋଲି ଆଶା କରିଛନ୍ତି ।

ସୂଚନାଯୋଗ୍ୟ, ଆଇସିସି ଟି୨୦ ବିଶ୍ୱକପ ଅକ୍ଟୋବର ୧୮ରୁ ନଭେମ୍ବର ୧୫ ମଧ୍ୟରେ ଖେଳାଯିବ ।

   Related Posts