Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚାଷୀଙ୍କ ସହ ୧୦ମ ରାଉଣ୍ଡ ଆଲୋଚନା ଶେଷ, ସରକାର କହିଲେ ପ୍ରତ୍ୟାହାର ହେବନି କୃଷି ଆଇନ
  • ||
  • ପୋଖରୀରୁ ମିଳିଲା ମୁଣ୍ଡ ବିହୀନ ମୃତଦେହ, ପୋଲିସ ଆରମ୍ଭ କଲା ଖୋଳତାଡ଼
  • ||
  • ଢ଼େଙ୍କାନାଳ: ବନ ବିଭାଗର ଅତର୍କିତ ଚଢ଼ାଉ, ବିଭିନ୍ନ ବନ୍ୟଜନ୍ତୁଙ୍କ ଜାଲ ଜବତ, ୪ ଶିକାରୀ ଗିରଫ
  • ||
  • ବଲାଙ୍ଗୀର : ଟାଇଲ କାମ ବେଳେ ଅଘଟଣ, ଚାପି ହୋଇ ଜଣେ ଶ୍ରମିକ ମୃତ, ୨ ଗୁରୁତର
  • ||
  • ଢେଙ୍କାନାଳ : ଟ୍ରକ୍ ପଛରେ ଧକ୍କା ହେଲା ବାଇକ୍, ବାପା ମୃତ, ଝିଅ ଗୁରୁତର
  • ||
  • ଅନୁଗୋଳ : ଗଛ ତଳୁ ନବଜାତ ଶିଶୁ ପୁତ୍ର ଉଦ୍ଧାର
  • ||
  • ଭୁବନେଶ୍ବର : ବିଜେଡିରେ ମିଶିଲେ କରଞ୍ଜିଆ ଏନଏସିର ଶତାଧିକ ବିଜେପି ଓ କଂଗ୍ରେସ କର୍ମୀ
  • ||
  • ସମ୍ବଲପୁର : ସଞ୍ଜୀବ ମିତ୍ତଲ ସମ୍ବଲପୁର ବିଶ୍ୱବିଦ୍ୟାଳୟର ନୂତନ କୁଳପତି
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୭ କୋଭିଡ୍ ସଂକ୍ରମିତ, ୩୩୩୭୨୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭୁବନେଶ୍ୱର : ପରଲୋକରେ ବରିଷ୍ଠ ଅଭିନେତା ରବି ମିଶ୍ର
  • ||

National cow exam ଲାଗି ମନେ ରଖନ୍ତୁ- ଦେଶୀ ଗାଈ ଖୀରରେ ଅଛି ସୁନା, ଗୋ ହତ୍ୟା ଯୋଗୁ ହେଉଛି ଭୂମିକମ୍ପ !

6/01/2021 at 9:34 PM

ନୂଆଦିଲ୍ଲୀ ୬।୧: ଦେଶୀ ଗାଈଙ୍କ ଖୀରରେ ସୁନାର ଅଂଶ ରହୁଛି.. ଗୋ ହତ୍ୟା ଯୋଗୁ ଭୂମିକମ୍ପ ହୁଏ ! ଦେଶରେ ଗୋ ସଂରକ୍ଷଣ ଲାଗି ସ୍ଥାପିତ ଜାତୀୟ ସଂସ୍ଥା ପକ୍ଷରୁ ପ୍ରସ୍ତୁତ ନ୍ୟାସନାଲ କାଓ ଏକଜାମ ଲାଗି  ସିଲାବସରେ ଏପରି ଅନେକ କିଛି ଅଛି। ସାରା ଦେଶରେ ଫେବୃଆରୀ ୨୫ ତାରିଖ ଦିନ ଏହାର ପ୍ରଥମ ଅନଲାଇନ ପରୀକ୍ଷା ହେବାକୁ ଯାଉଛି। ଏଣୁ ଏଥିଲାଗି ପରୀକ୍ଷାର୍ଥୀଙ୍କୁ ସିଲାବସର ଏପରି କ୍ରମ ଅନୁସରଣ କରିବାକୁ ହେବ।   

ଜାତୀୟ କାମଧେନୁ ଆୟୋଗଙ୍କ ସିଲାବସରେ ଅନେକ ବର୍ଷଧରି ଗାଈମାନଙ୍କୁ ହତ୍ୟା କରାଯାଉଥିବାରୁ ସେମାନଙ୍କ ଚିତ୍କାରରୁ ହେଉଥିବା କମ୍ପନରେ ଲହର ସୃଷ୍ଟି ହେବା ଯୋଗୁ ଭୂ ପୃଷ୍ଠରେ ଏହାର ପ୍ରଭାବ ପଡୁଛି ବୋଲି ଉଲ୍ଲେଖ ରହିଛି। ସେହିପରି ଗାଈ ଗୋବର ଯୋଗୁ ହାନିକାରକ ଗ୍ୟାସ ପ୍ରଭାବହୀନ ହୁଏ ବୋଲି ପ୍ରମାଣ କରିବାକୁ ୧୯୮୪ ଭୋପାଲ ଗ୍ୟାସ୍‌ ଦୁର୍ଘଟଣାର ଇତିହାସ ଅବତାରଣ କରାଯାଇଛି। ଏହି ଦୁର୍ଘଟଣାରେ ୨୦ ହଜାର ଲୋକଙ୍କ ମୃତ୍ୟୁ ହୋଇଥିଲା। ତେବେ ସିଲାବସ୍‌ରେ ଗାଈ ଗୋବର ଲିପା ଘରେ ରହୁଥିବା ଲୋକେ ଏହି ଗ୍ୟାସ୍‌ ଦୁର୍ଘଟଣାରୁ ବର୍ତ୍ତି ଯାଇଥିଲେ ବୋଲି ଉଲ୍ଲେଖ ରହିଛି।

ଏଥିରେ ଦେଶୀ ଓ ଅନ୍ୟ ଶଙ୍କର ଗାଈଙ୍କ ପ୍ରଭେଦ ମଧ୍ୟ ଦର୍ଶାଯାଇଛି। ଯେଉଁଥିରେ ଦେଶୀଗାଈ ଅଧିକ ବୁଧିମାନ ଓ ଶଙ୍କର ପ୍ରଜାତୀ ଗାଈ ଅଳସୁଆ ହୋଇଥିବାରୁ ରୋଗ ଗ୍ରସ୍ତ ହେବାର ଅନେକ ସମ୍ଭାବନା ଥିବାର କୁହାଯାଇଛି। ଅଧିକାରୀଙ୍କ ଅନୁସାରେ କାମଧେନୁ ଗୋ ବିଜ୍ଞାନ ପ୍ରଚାର ଓ ପ୍ରସାର ଲାଗି ପରୀକ୍ଷାର୍ଥୀଙ୍କୁ ସିଲାବସ ଆଧାରରେ ଅନେକ ବିକଳ୍ପ ପ୍ରଶ୍ନ ଦିଆଯିବ। ଏହି ପରୀକ୍ଷା ପ୍ରାଥମିକ, ମାଧ୍ୟମିକ, ଉଚ୍ଚ ମାଧ୍ୟମିକ ଓ କଲେଜ ଛାତ୍ରଛାତ୍ରୀଙ୍କ ଲାଗି ପୃଥକ ଅନୁଷ୍ଠିତ ହେବ। ଯେଉଁ ପରୀକ୍ଷାର୍ଥୀ ପରୀକ୍ଷାରେ ଉତୀର୍ଣ୍ଣ ହେବେ ତାଙ୍କୁ ଗୋ ବିଶେଷଜ୍ଞ ସାର୍ଟିଫିକେଟ ପ୍ରଦାନ କରାଯିବ।

ଏ ନେଇ ଜାତୀୟ କାମଧେନୁ ଆୟୋଗଙ୍କ ପକ୍ଷାରୁ ଜାରି ବିଜ୍ଞପ୍ତିରେ ଏହି ଅଭିଯାନରେ କେନ୍ଦ୍ର ଶିକ୍ଷାମନ୍ତ୍ରୀ, ମୁଖ୍ୟମନ୍ତ୍ରୀ, ରାଜ୍ୟମାନଙ୍କର ଶିକ୍ଷାମନ୍ତ୍ରୀ, ସବୁ ରାଜ୍ୟଙ୍କ ଗୋ ସେବା ଆୟୋଗ, ଜିଲ୍ଲା ଶିକ୍ଷା ଅଧିକାରୀ, ସମସ୍ତ ବିଦ୍ୟାଳୟଙ୍କ ପ୍ରଧାନଶିକ୍ଷକ, ଗଣମାଧ୍ୟମ, ଏନଜିଓ ଏବଂ ଗୋଦାନ କର୍ତ୍ତାମାନେ ସାମିଲ ହେବେ ବୋଲି କୁହାଯାଇଛି।  

   Related Posts