Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୁଶାନ୍ତ ସିଂହ ମୃତ୍ୟୁ ମାମଲାରେ ତତ୍କାଳ ତଦନ୍ତ ପାଇଁ ପ୍ରଧାନମନ୍ତ୍ରୀ ମୋଦିଙ୍କୁ ଟ୍ୱିଟ୍ କରି ଅନୁରୋଧ କଲେ ଭଉଣୀ ଶ୍ଵେତା ସିଂହ

1/08/2020 at 11:51 AM

ମୁମ୍ବାଇ ୦୧/୦୮ : ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁକୁ ନେଇ ନାନା ପ୍ରଶ୍ନ ଛିଡା ହୋଇଛି | ସୁଶାନ୍ତ ସିଂହଙ୍କ ମୃତ୍ୟୁକୁ ନେଇ ପ୍ରତିଦିନ ନୂଆ ନୂଆ ମାମଲା ସାମ୍ନାକୁ ଆସୁଛି | ସୁଶାନ୍ତଙ୍କ ପିତା କେକେ ସିଂହ ରିୟା ଚକ୍ରବର୍ତ୍ତୀଙ୍କ ବିରୋଧରେ ମାମଲା ରୁଜ୍ଜୁ କରିବା ପରେ ମାମଲା ଗମ୍ଭୀର ରୂପ ନେଇଛି | ସୁଶାନ୍ତ ସିଂହଙ୍କ ପିତା ରିୟାଙ୍କ ବିରୋଧରେ ଗମ୍ଭୀର ଆରୋପ ଲଗାଇଛନ୍ତି | ବିହାର ପୋଲିସ ମାମଲାର ତଦନ୍ତ କରୁଛି | ବର୍ତ୍ତମାନ ସୁଶାନ୍ତ ସିଂହଙ୍କ ଭଉଣୀ ଶ୍ଵେତା ସିଂହ କୀର୍ତ୍ତି ମୁହଁ ଖୋଲିଛନ୍ତି | ସେ ସୋସିଆଲ ମିଡିଆରେ ଏକ ପୋଷ୍ଟ ଜରିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନ୍ୟାୟ ପାଇଁ ଅପିଲ କରିଛନ୍ତି |

ସୁଶାନ୍ତ ସିଂହଙ୍କ ଭଉଣୀ ଶ୍ଵେତା ସିଂହ ଇନ୍ସଟାଗ୍ରାମରେ ଏକ ପୋଷ୍ଟ ସେୟାର କରିଛନ୍ତି | ପୋଷ୍ଟରେ ଶ୍ଵେତା ମୋଦିଙ୍କୁ ଏହି ମାମଲାରେ ନ୍ୟାୟ ପାଇଁ ଅପିଲ କରିଛନ୍ତି | ସେ ଲେଖିଛନ୍ତି, ‘ଇଣ୍ଡଷ୍ଟ୍ରିରେ ସୁଶାନ୍ତଙ୍କ କିଏ ଗଡଫାଦର ନଥିଲେ | ଆମେ ଅତ୍ୟନ୍ତ ସାଧରଣ ପରିବାରରୁ ଆସିଛୁ | ତାଙ୍କ ପରିବାରରେ କେବଳ ତାଙ୍କ ଭାଇ ଜଣେ ହିଁ ଥିଲେ ଯିଏ ବାଲିଯଦ ଇଣ୍ଡଷ୍ଟ୍ରିରେ ଷ୍ଟାର ଥିଲେ | ମାମଲାର ତଦନ୍ତ ପାଇଁ ମୁଁ ଆପଣଙ୍କୁ ଅନୁରୋଧ କରୁଛି | ଆମେ ଦେଶର ନ୍ୟାୟ ବ୍ୟବସ୍ଥା ଉପରେ ବିଶ୍ୱାସ କରୁ | ଏହି ମାମଲାରେ ମଧ୍ୟ ନ୍ୟାୟ ଆଶା କରୁଛି | ଆପଣ ତତ୍କାଳ ମାମଲାର ତଦନ୍ତ ଆରମ୍ଭ କରନ୍ତୁ ଏବଂ ସବୁ ତଦନ୍ତ ସୁଚାରୁ ରୂପରେ ହେବ ଏବଂ କୌଣସି ପ୍ରମାଣ ଏପଟସେପଟ ନ କରାଯିବ ସେନେଇ ଆଶ୍ୱାସନା ଦିଅନ୍ତୁ | ଆମେ ଆପଣଙ୍କ ଠାରୁ ନ୍ୟାୟ ଆଶା କରୁଛି |’

ସୁଶାନ୍ତ ସିଂହ ରାଜପୁତଙ୍କୁ ନ୍ୟାୟ ଦେବା ପାଇଁ ତାଙ୍କ ଭଉଣୀ ଶ୍ଵେତା ସିଂହ ଲଗାତାର ସୋସିଆଲ ମିଡ଼ିଆରେ ଆକ୍ଟିଭ ଅଛନ୍ତି | ନିକଟରେ ଶ୍ଵେତା ଏକ ପୋଷ୍ଟ ସେୟାର କରିଥିଲେ ଯେଉଁଥିରେ ସେ ଲେଖିଥିଲେ, ‘ସୁଶାନ୍ତ ଶିବ ଭକ୍ତ ଥିଲେ | ସେଥିପାଇଁ ମୁଁ ଚାହୁଁଛି ସମସ୍ତେ ଭଗବାନ ଶିବଙ୍କୁ ପ୍ରାର୍ଥନା କରନ୍ତୁ ଯେପରିକି ଭଗବାନ ଆମକୁ ସତ୍ୟ ଆଡକୁ ନେଇଯିବେ ଏବଂ ଆମକୁ ଲଢ଼ିବା ପାଇଁ ଶକ୍ତି ପ୍ରଦାନ କରିବେ |’

   Related Posts