Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ମିଠା ଦୋକାନୀଙ୍କ ଖୋଲିଗଲା ଭାଗ୍ୟ : ୨୫୦ ଟଙ୍କା ଦେଇ କିଣିଥିଲେ ଲଟେରୀ, ଜିତିଲେ ଦେଢ଼ କୋଟି ଟଙ୍କା

21/08/2020 at 1:14 PM

ସିରସା ୨୧/୦୮ : କଥାରେ ଅଛି ଯେତେବେଳେ ଭଗବାନ ଦିଅନ୍ତି, ଛପ୍ପର ଫାଡ଼ି ଦିଅନ୍ତି | କଲାନୱାଲିରେ ଏକ ମିଠା ଦୋକାନ ଚଳାଉଥିବା ଧର୍ମପାଲଙ୍କ ସହ ଏହିଭଳି ଏକ ସମାନ ଘଟଣା ଘଟିଛି। ଗତକାଲି ପଞ୍ଜାବ ରାଜ୍ୟ ରାଖୀ ବମ୍ପରର ଫଳାଫଳ ଘୋଷଣା କରାଯାଇଛି। ଶୁକ୍ରବାର ସକାଳେ ଧର୍ମପାଲ ଜାଣିବାକୁ ପାଇଲେ ଯେ ତାଙ୍କର ଦେଢ଼ କୋଟି ଟଙ୍କାର ଲଟେରୀ ଲାଗିଛି । ଏହା ଜାଣି ସେ ବହୁତ ଖୁସି ହୋଇଥିଲେ। ଏହା ଶୁଣିବା ପରେ ଧର୍ମପାଲଙ୍କ ସମ୍ପର୍କୀୟ ଓ ବନ୍ଧୁମାନେ ତାଙ୍କୁ ଶୁଭେଚ୍ଛା ଜଣାଇଥିଲେ |

ଧର୍ମପାଲ କହିଛନ୍ତି ଯେ ସେ ବହୁତ ଖୁସି ଅଛନ୍ତି ଯେ ସେ କିଛି ଦିନ ପୂର୍ବରୁ ଲଟେରୀ କିଣିଥିଲେ। ଶୁକ୍ରବାର ଦିନ ଯେତେବେଳେ ଫଳାଫଳ ଦେଖିଲେ ତାଙ୍କ ଖୁସିର ଠିକଣା ନଥିଲା | ଧର୍ମପାଲ କହିଛନ୍ତି ଯେ ସେ ଏହି ଅର୍ଥର କିଛି ଅଂଶ ଗରିବ ଲୋକଙ୍କୁ ଦାନ କରିବେ। ସୂଚନାଯୋଗ୍ୟ ଯେ, କାଲାନୱାଲି ମାଣ୍ଡିରେ ଏହା ତୃତୀୟ ଥର, ଯେତେବେଳେ କାହାର ଦେଢ଼ କୋଟିର ଲଟେରୀ ଲାଗିଛି | ଏହା ପୂର୍ବରୁ ଜଣେ ପନିପରିବା ବିକ୍ରେତା ଏବଂ ଜଣେ ତେଜରାତି ଦୋକାନୀଙ୍କର  ଲଟେରୀ ଲାଗିଥିଲା |

ଧର୍ମପାଲ କହିଛନ୍ତି ଯେ ପ୍ରାୟ ଏକ ସପ୍ତାହ ପୂର୍ବରୁ ସେ ସିରସା ଜଣେ ଏଜେଣ୍ଟ ଜରିଆରେ ରାଖୀ ବମ୍ପର ଲଟେରୀର ୫ ଟି ଟିକେଟ କିଣିଥିଲେ। ଏହା ପରେ ୫ ଦିନ ପୂର୍ବରୁ ସେହି ଏଜେଣ୍ଟ ପୁଣିଥରେ ତାଙ୍କ ଦୋକାନକୁ ଆସି କହିଲେ ଯେ ଆଉ ଗୋଟିଏ ଶେଷ ଟିକେଟ୍ ବାକି ଅଛି, ତୁମେ ବି କିଣିଦିଅ | ଏହି ଶେଷ ଟିକେଟ୍ ନମ୍ବରରୁ ତାଙ୍କୁ ଦେଢ଼ କୋଟି ଟଙ୍କା ଲଟେରୀ ମିଳିଛି।

ଗୁରୁବାର ସନ୍ଧ୍ୟାରେ ଲଟେରୀ ଏଜେଣ୍ଟ ତାଙ୍କୁ ଫୋନ କରି କହିଥିଲେ ଯେ ତାଙ୍କର ଦେଢ଼ କୋଟି ଟଙ୍କାର ଲଟେରୀ ଲାଗିଛି । ପ୍ରଥମେ ତାଙ୍କୁ ଏଜେଣ୍ଟଙ୍କ କଥାରେ ବିଶ୍ୱାସ ହୋଇନଥିଲା | କିନ୍ତୁ ପରେ ଶୁକ୍ରବାର ସକାଳେ ଏଜେଣ୍ଟ ପୁନର୍ବାର ଫୋନ୍ କରି କହିଥିଲେ ଯେ ସେହି ନମ୍ବରରେ ଲଟେରୀ ଲାଗିଛି ଏବଂ ସେ ଦେଢ଼ କୋଟି ଟଙ୍କା ଜିତିଛନ୍ତି |

   Related Posts