Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସତ ହେଲା ଧୋନୀଙ୍କ ଭବିଷ୍ୟବାଣୀ, ୫ ବର୍ଷ ତଳେ କହିଥିଲେ- ଦିନେ ଏମିତି ହେବ…
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୨୫ କୋଭିଡ୍ ପଜିଟିଭ୍
  • ||
  • ପଡୋଶୀ ଘରୁ ମିଳିଲା ଯୁବକଙ୍କ ଝୁଲନ୍ତା ମୃତଦେହ, ହତ୍ୟା ନା ଆତ୍ମହତ୍ୟା ?
  • ||
  • ୨ ପରିବାର ମଧ୍ୟରେ ରକ୍ତାକ୍ତ ସଙ୍ଘର୍ଷ : ୮ ଗୁରୁତର, ବୁଲିଲା ଟାଙ୍ଗିଆ ଓ କଟୁରୀ
  • ||
  • କାର୍ତ୍ତିକ ମାସର ପ୍ରଥମ ସୋମବାର : ଧବଳେଶ୍ୱର ପୀଠରେ ୧୪୪ ଧାରା, ମନ୍ଦିର ଖାଁ ଖାଁ
  • ||
  • ୫ ଦିନ ଯାଏଁ ଖସିବନି ପାରଦ, ୨୮ରୁ କାଁ ଭାଁ ବର୍ଷା
  • ||

୯ ମାସର ଶିଶୁ ମୃତ୍ୟୁ ଘଟଣା : ଚତୁର୍ଥ ଦିନରେ ଆନ୍ଦୋଳନ

30/07/2019 at 7:09 PM

ଝାରସୁଗୁଡ଼ା ୩୦|୭: ଝାରସୁଗୁଡା ସହାରାଞ୍ଚଳରେ ସଫେଇ କର୍ମଚାରୀଙ୍କ କାର୍ଯ୍ୟବନ୍ଦ ଆନ୍ଦୋଳନ ଆଜି ଚତୁର୍ଥ ଦିନରେ ପହଂଚିଛି। ଫଳରେ ସହରର ବିଭିନ୍ନ ସ୍ଥାନରେ କୁଢ଼ କୁଢ଼ ମଇଳା ଗଦା ହୋଇଛି। ପୌର ପ୍ରଶାସନ ସଫେଇ କର୍ମଚାରୀଙ୍କ ଆନ୍ଦୋଳନ ଯୋଗୁଁ ଅଡୁଆ ପରିସ୍ଥିତିର ସମ୍ମୁଖୀନ ହେଉଛନ୍ତି। ଝାରସୁଗୁଡା ସହରର ମଙ୍ଗଳ ବଜାର ଠାରେ ଥିବା ପୁରାତନ ଜିଲ୍ଲା ମୁଖ୍ୟ ଚିକିତ୍ସାଳୟକୁ ୨୪ ଘଣ୍ଟା ଖୋଲା ରଖିବା ସହ ସମ୍ପୂର୍ଣ୍ଣ କାର୍ଯ୍ୟକ୍ଷମ କରିବା ଦାବି ସହ ଚିକିତ୍ସାରେ ଅବହେଳା କରିଥିବା ଡାକ୍ତର ଶଶୀ ଭୁଷଣ ପଟେଲଙ୍କ ଗିରଫ ଦାବିରେ ନିଜ ଜିଦରେ ଅଡ଼ି ବସିଥିବାରୁ ସଫେଇ କାର୍ଯ୍ୟ ସମ୍ପୂର୍ଣ୍ଣ ଠପ୍ ହୋଇଯାଇଛି।

ଗତ ଶନିବାର ଦିନ ଚିକିତ୍ସାଧୀନ ଅବସ୍ଥାରେ ଜଣେ ୯ ମାସର ଶିଶୁ ମୃତ୍ୟୁକୁ ନେଇ ୪ ଦିନ ହେଲା ଡାକ୍ତରଖାନାରେ ଧାରଣା ଦେଇଛନ୍ତି ମୃତକଙ୍କ ପରିବାର ଓ ସମ୍ପର୍କୀୟ । ଚିକିତ୍ସାରେ ଅବହେଳା ଅଭିଯୋଗ କରି ଜାରି ରହିଛି ଆନ୍ଦୋଳନ।

ଗତ ୨୦ ତାରିଖରେ ରେଳବାଇ କଲୋନୀ ବାସିନ୍ଦା ଶନି ଷଣ୍ଢଙ୍କ ୯ ମାସର ଶିଶୁ ଦେହରେ ଗରମ ଡାଲି ପଡି ପୋଡି ଯାଇଥିଲା। ତାକୁ ମଙ୍ଗଳବଜାର ସ୍ଥିତ ପୁରୁଣା ଡାକ୍ତରଖାନାରେ ଭର୍ତ୍ତି କରାଇବା ପରେ ସେଠାରୁ ନୂତନ ଭାବେ ଚାଲୁ ହୋଇଥିବା ମାଲିମୁଣ୍ଡା ସ୍ଥିତ ୭ ମହଲା ବିଶିଷ୍ଟ ଡାକ୍ତରଖାନାକୁ ସ୍ଥାନାନ୍ତର କରାଯାଇ ଥିଲା। ସେଠାରେ ଚିକିତ୍ସା ଚାଲିଥିବା ବେଳେ ଶିଶୁଟିର ସେଠାରେ ମୃତ୍ୟୁ ହୋଇଥିଲା।ଶିଶୁଟିକୁ ଚିକିତ୍ସା ଅବହେଳା ଅଭିଯୋଗ କରି ମୃତ ଶିଶୁର ପରିବାର ଓ ସମ୍ପର୍କୀୟ ସେହିଦିନଠାରୁ ଡାକ୍ତରଖାନାରେ ଆନ୍ଦୋଳନ ଆରମ୍ଭ କରିଛନ୍ତି।

   Related Posts