Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଫୁଟବଲ ମ୍ୟାଚ୍ ଦେଖିବା ପାଇଁ ଦଳାଚକଟା : ୬ ମୃତ, ୫୦ରୁ ଅଧିକ ଗୁରୁତର
  • ||
  • ବଲାଙ୍ଗୀର : ଭିଜିଲାନ୍ସ ଜାଲରେ ଆଗଲପୁର ବ୍ଲକ୍ ସେକ୍ସନ୍ ଅଫିସର୍, ଏକକାଳୀନ ୩ଟି ସ୍ଥାନରେ ଚଢାଉ
  • ||
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ପ୍ରଥମ ମହିଳା ପ୍ରଧାନମନ୍ତ୍ରୀ ଭାବେ ନିର୍ବାଚିତ ହେଲେ, କିନ୍ତୁ ମାତ୍ର ୭ଘଣ୍ଟା ବି ସମ୍ଭାଳି ପାରିଲେନି ପଦବୀ

27/11/2021 at 7:59 PM

ନୂଆଦିଲ୍ଲୀ ୨୭/୧୧ : ସ୍ବିଡେନ୍‌ର ନୂଆ ମହିଳା ପ୍ରଧାନମନ୍ତ୍ରୀଙ୍କୁ ନେଇ ଚର୍ଚ୍ଚା ଜୋର ଧରିଛି । ଦେଶର ଇତିହାସରେ ପ୍ରଥମ ଥର ପାଇଁ ଜଣେ ମହିଳା ମାତ୍ର ୭ ଘଣ୍ଟା ପାଇଁ ଦେଶର ପ୍ରଧାନମନ୍ତ୍ରୀ ପଦରେ ରହିଥିଲେ । ସେଣ୍ଟର ଲେପ୍ଟ ସୋସିଆଲ ଡେମୋକ୍ରାଟିକ୍‌ ପାର୍ଟିର ନେତ୍ରୀ ମାଗ୍‌ଡାଲେନା ଆଣ୍ଡରସନ୍‌ ଦେଶର ପ୍ରଥମ ମହିଳା ପ୍ରଧାନମନ୍ତ୍ରୀ ହେବାର ସୌଭାଗ୍ୟ ଅର୍ଜ କରିଥିଲେ । ଅବଶ୍ୟ ୭ ଘଣ୍ଟା ପାଇଁ ସେ ଏହି ପଦବୀରେ ରହିଥିଲେ କିନ୍ତୁ ସ୍ବିଡେନ୍‌ ଇତିହାସରେ ଏହା ପ୍ରଥମ ଘଟଣା ।

ପ୍ରଧାନମନ୍ତ୍ରୀ ଭାବେ ଆଣ୍ଡରସନ୍‌ ଶପଥ ନେବାର ପରେ ପ୍ରଥମ ଥର ସଂସଦ ମଧ୍ୟରେ ବଜେଟ୍‌ ଉପସ୍ଥାପନ ଉପରେ ପ୍ରସ୍ତାବ ରଖିଥିଲେ । କିନ୍ତୁ ସଂସଦରେ ସେ ଉପସ୍ଥାପନ କରିଥିବା ବଜେଟ୍‌କୁ ସଂଖ୍ୟାଗରିଷ୍ଠତା ମିଳିନଥିଲା । ବିରୋଧୀ ସଦସ୍ୟ ଏହାକୁ ବିରୋଧ କରିବାକୁ ସଂସଦରେ ଏହା ପାରିତ ହୋଇନଥିଲା । ଯାହା ଫଳରେ ଗ୍ରୀନ୍‌ ପାର୍ଟି ନାମକ ଏକ ରାଜନୈତିକ ଦଳ ସମର୍ଥନରେ ପ୍ରଧାନମନ୍ତ୍ରୀ ହୋଇଥିବା ମାଗ୍‌ଡାଲେନା ଆଣ୍ଡରସନ୍‌ ନିରାଶ ହୋଇଥିଲେ । ସଂସଦରେ ବଜେଟ୍‌ ପାରିତ ନହେବାରୁ ଗ୍ରୀନ୍ ପାର୍ଟି ମଧ୍ୟ ମେଣ୍ଟରୁ ଓହରିଯାଇଥିଲା । ଯାହା ଫଲରେ ଆଣ୍ଡରସନ୍‌ଙ୍କୁ ସମର୍ଥନ କରିବା ପାଇଁ କୌଣସି ଦଳ ନଥିଲେ କିମ୍ବା ନିଜ ଦଳର ସାଂସଦ ମଧ୍ୟ ସମର୍ଥନ କରିନଥିଲେ । ଯାହା ଫଳରେ ବାଧ୍ୟ ହୋଇ ତାଙ୍କୁ ଇସ୍ତଫା ଦେବାକୁ ପଡିଥିଲା ।

ମାଗ୍‌ଡାଲେନା ଆଣ୍ଡରସନ୍‌ ୭ ଘଣ୍ଟା ପ୍ରଧାନମନ୍ତ୍ରୀ ରହି ଇସ୍ତଫା ଦେବାପରେ ସ୍ବିଡେନ୍‌ରେ ରାଜନୈତିକ ଅସ୍ଥିରତା ଦେଖାଦେଇଛି । ପୂର୍ବରୁ ମଧ୍ୟ ଗତ ଜୁନ୍‌ ମାସରେ ପ୍ରଧାନମନ୍ତ୍ରୀ ଷ୍ଟିଫେନ୍‌ ଲୋଫ୍‌ଭେନ୍‌ଙ୍କ ବିରୁଦ୍ଧରେ ସଂସଦରେ ଅବିଶ୍ବାସ ପ୍ରସ୍ତାବ ଆଗତ ହୋଇଥିଲା । ଯାହାକି ସ୍ବିଡେନ୍‌ରେ ଲାଗିରହିଥିବା ରାଜନୈତିକ ଅସ୍ଥିରତାକୁ ପଦାରେ ପକାଇଥିଲା ।

ସ୍ୱିଡେନରେ ଗୋଟିଏ ସମୟରେ ଅନ୍ୟ ୟୁରୋପୀୟ ରାଷ୍ଟ୍ରମାନଙ୍କ ତୁଳନାରେ ଅଧିକ ମୁଣ୍ଡପିଛା ଆୟ ରହିଥିଲା । କିନ୍ତୁ ଏହାର ପ୍ରଗତିଶୀଳ ଭାବମୂର୍ତ୍ତିକୁ ସ୍ୱିଡେନ ଡେମୋକ୍ରାଟ୍ସ ପାର୍ଟିର ନେତୃତ୍ୱ ନେଇଥିବା ଦକ୍ଷିଣପନ୍ଥୀ ଜନପ୍ରିୟ ଭାବନା ଧୀରେ ଧୀରେ ନଷ୍ଟ ହେବାକୁ ଲାଗିଥିଲା । ସେଠାରେ ଏବେ ରାଜନୈତିକ ଅସ୍ଥିରତା ବୃଦ୍ଧିପାଇଛି ଏବଂ ଇମିଗ୍ରାଣ୍ଟ ବିରୋଧୀ ତଥା ୟୁରୋପୀୟ ବିରୋଧୀ ସ୍ୱର ବୃଦ୍ଧି ସହିତ ।

ଗତ ବୁଧବାର ସକାଳ ପ୍ରାୟ ୧୦ଟା ସମୟରେ ସାମାଜିକ ଗଣମାଧ୍ୟମରେ ଲାଇଭ୍‌ ମାଧ୍ୟମରେ ‘ସେ ସ୍ବିଡେନ୍‌ର ନୂଆ ପ୍ରଧାନମନ୍ତ୍ରୀ ’ ଘୋଷଣା କରିଥିଲେ ମାଗ୍‌ଡାଲେନା ଆଣ୍ଡରସନ୍‌ । ଏହାର କିଛି ଘଣ୍ଟା ପରେ ଅର୍ଥାତ ଅପରାହ୍ନ ୪.୩୦ ମିନିଟ୍‌ରେ ସେ ଆଉ ଏକ ଷ୍ଟେଟମେଣ୍ଟ ଜାରିକରି ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇଥିଲେ ।

ତେବେ ବର୍ତ୍ତମାନ ସ୍ବିଡେନ୍‌ରେ ନୂଆ ସରକାର ଗଠନ ହେବା ପର୍ଯ୍ୟନ୍ତ ନେତୃତ୍ବ ନେବେ ମାଗ୍‌ଡାଲେନା ଆଣ୍ଡରସନ୍‌ । ସେ ୨୦୧୪ ମସିହାରୁ ଦେଶର ଅର୍ଥ ମନ୍ତ୍ରୀ ଭାବେ କାର୍ଯ୍ୟଭାର ସମ୍ଭାଳୁଛନ୍ତି । ସେ କହିଛନ୍ତି, ବର୍ତ୍ତମାନ ମଧ୍ୟ ପ୍ରଧାନମନ୍ତ୍ରୀ ଭାବେ ଦେଶର ସେବା କରିବା ପାଇଁ ରାଜି ଅଛି କିନ୍ତୁ ଏକକ ରାଜନୈତିକ ଦଳ କ୍ଷମତାକୁ ଆସିବା ପରେ ସେ ଏହି ପଦରେ ରହିବେ ବୋଲି ଘୋଷଣା କରିଛନ୍ତି ।

   Related Posts