ନୂଆଦିଲ୍ଲୀ ୨୫/୦୨: ଆମେରିକୀୟ ସ୍ପେସ୍ ଏଜେନ୍ସି ନାସାର ମହାକାଶଯାନ ଭାରତୀୟ ସମୟ ଅନୁଯାୟୀ ଗୁରୁବାର ରାତି ୨.୨୫ ରେ ମଙ୍ଗଳବାର ଜେଜେରୋ କ୍ରାଟରରେ ସଫଳତାର ସହ ଅବତରଣ କରିଛି । ପୃଥିବୀରୁ ୭ ମାସ ଉଡ଼ିବା ପରେ ଏହି ଯାନ ମଙ୍ଗଳ ଗ୍ରହରେ ପହଞ୍ଚିଛି । ଏହି ମିଶନ ପଛରେ ରହିଛି ଜଣେ ଭାରତୀୟ ବଂଶୋଭବ ମହିଳା ସ୍ୱାତୀ ମୋହନଙ୍କ ସଫଳତା । ସୂଚନା ଅନୁଯାୟୀ, ସ୍ୱାତୀ ମୁଖ୍ୟ ସିଷ୍ଟମ ଇଞ୍ଜିନିୟର ହେବା ସହିତ ପର୍ସିଭରେନ୍ସ ମାର୍ସରେ ଅବତରଣ କରିବା ସମୟରେ ଜିଏନ୍ ଆଣ୍ଡ ସି ସବ୍ ସିଷ୍ଟମ୍ ଏବଂ ସମଗ୍ର ପ୍ରୋଜେକ୍ଟ ଟିମ୍ ସହିତ ସମନ୍ୱୟ ରକ୍ଷା କରିଥିଲେ ।
ସ୍ୱାତୀ ମୋହନ ଜଣେ ଭାରତୀୟ ନାରୀ । ସ୍ୱାତୀଙ୍କୁ ୧ ବର୍ଷ ବୟସରେ ସେ ତାଙ୍କ ବାପା-ମାଙ୍କ ସହିତ ଆମେରିକା ଚାଲି ଯାଇଥିଲେ । ସ୍ୱାତୀ ସେଠାରେ ବଢିଥିଲେ । ସ୍ୱାତୀ ଆରମ୍ଭରୁ ନାସାର ଜେଟ୍ ପ୍ରପୁଲସନ୍ ଲାବୋରେଟୋରୀରେ ମାର୍ସ ରୋଭର ମିଶନର ସଦସ୍ୟ ରହିଆସିଛନ୍ତି । ସେ କର୍ଣ୍ଣେଲ ବିଶ୍ୱବିଦ୍ୟାଳୟରୁ ମେକାନିକାଲ୍ ଏବଂ ଏରୋସ୍ପେସ୍ ଇଞ୍ଜିନିୟରିଂରେ ବିଏସସି ଏବଂ ଏରୋନେଟିକ୍ସ, ଏଷ୍ଟ୍ରୋନାଟିକ୍ସରେ ଏମଆଇଟି ଏବଂ ପିଏଚଡି କରିଛନ୍ତି ।
ସ୍ୱାତୀ ମୋହନ କହିଛନ୍ତି, ଯେତେବେଳେ ସେ୧୬ ବର୍ଷର ହୋଇଥିଲେ, ହଲିଉଡ୍ ଫିଲ୍ମ 'ଷ୍ଟାର୍ ଟ୍ରେକ୍: ଦ ନେକ୍ସଟ୍ ଜେନେରେସନ୍’ ଦ୍ୱାରା ଖୁବ୍ ପ୍ରଭାବିତ ହୋଇଥିଲେ । ଏହା ଦେଖିବା ପରେ ସ୍ୱାତୀ ସ୍ଥିର କରିଥିଲେ ସେ ମହାକାଶକୁ ଯାଇ ତାହାର ଯାତ୍ରା କରିବେ । ଏହା ପରେ ସ୍ୱାତୀ ତାଙ୍କ ସ୍ୱପ୍ନକୁ ପୁରଣ କରିବାରେ ଲାଗିପଡିଥିଲେ ।
ଏହା ପ୍ରଥମ ନୁହେଁ ଯେ ସ୍ୱାତୀ ଭାରତର ନାମ ଆଲୋକିତ କରିଛନ୍ତି, ଏହାପୂର୍ବରୁ ସେ ଶନିଙ୍କୁ ପଠାଯାଇଥିବା କ୍ୟାସିନି ଯାନ ଏବଂ ନାସାର ଚନ୍ଦ୍ରକୁ ପଠାଯାଇଥିବା ମାଧ୍ୟାକର୍ଷଣ ପୁନରୁଦ୍ଧାର ଏବଂ ଆଭ୍ୟନ୍ତରୀଣ ଲାବୋରେଟୋରୀ (ଗ୍ରେଲ୍) ଯାନ ସହିତ ମଧ୍ୟ ଜଡିତ ହୋଇସାରିଛନ୍ତି ।
ଏହି ମିଶନ ପାଇଁ ସ୍ୱାତୀ ଏବଂ ତାଙ୍କ ଟିମ୍ ଅନେକ ଦିନ ହେବ ପରିଶ୍ରମ କରି ଆସୁଥିଲେ । ବହୁ ବର୍ଷର ପରିଶ୍ରମ କିଛି ମିନିଟ୍ ଉପରେ ନିର୍ଭର କରୁଥିଲା । ଏହି ମିଶନ ମଧ୍ୟ ବହୁ କଷ୍ଟସାଧ୍ୟ ଥିଲା କାରଣ ରୋଭରକୁ ଏପରି ଏକ ସ୍ଥାନରେ ଅବତରଣ କରିବାକୁ ପଡିଥିଲା ଯେଉଁଠାରେ ବହୁତ ବଡ ବଡ ପଥର ରହିଥିଲା । ଏହି ଜାଗାରେ ସେ ସମସ୍ତ ଜିନିଷ ଥିଲା ଯାହା ବିମାନକୁ କ୍ଷତି ପହଞ୍ଚାଇ ପାରିଥାନ୍ତା ।
ଏହି ମିଶନକୁ ସଫଳ କରିବାରେ ସ୍ୱାତୀଙ୍କର ପ୍ରମୁଖ ଭୂମିକା ରହିଥିଲା । ସ୍ୱାତୀଙ୍କ ବିନା ହୁଏତ ଏହି ମିଶନ ସମ୍ଭବ ହୋଇ ପାରିନଥାନ୍ତା । କାରଣ ମଙ୍ଗଳ ଗ୍ରହରେ ପହଞ୍ଚିଥିବା ରୋଭର କିଭଳି, କେଉଁ ସମୟରେ ଓ କେତେ ବେଗରେ ଅବତରଣ କରିବ ତାହାର ପୁରା ରିମୋଟ୍ କଣ୍ଟ୍ରୋଲ୍ ସ୍ୱାତୀଙ୍କ ହାତରେ ରହିଥିଲା । ବେଶ ସଫଳତାର ସହ ଦାୟିତ୍ୱ ତୁଲାଇଥିଲେ ସ୍ୱାତୀ।
ସ୍ୱାତୀଙ୍କ ଏକ ଫଟୋ ସୋସିଆଲ୍ ମିଡିଆରେ ବେଶ ଭାଇରାଲ୍ ହେବାରେ ଲାଗିଛି । ଏହି ଫଟୋରେ ସେ କଣ୍ଟ୍ରୋଲ୍ ରୁମ୍ ରେ ବସିଥିବା ନଜର ଆସିଛନ୍ତି । ସେ ତାଙ୍କ ମୁଣ୍ଡରେ ଏକ ବିନ୍ଦୀ ପିନ୍ଧିଥିବା ଦେଖାଯାଇଛି । ବୈଜ୍ଞାନିକ ହୋଇ ମଧ୍ୟ ଭାରତୀୟ ସଂସ୍କୃତିର ନାରୀ ଭାବରେ ସେ ନିଜକୁ ପ୍ରମାଣୀତ କରିଛନ୍ତି ।
