Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

ପରୀ ବିବାଦ ଥମିନି ଏବେ ସ୍ଵାତୀ ନିଖୋଜ, ସକାଳୁ ସନ୍ଧ୍ୟା ଟପିଲା ସୁରାକ ମିଳୁନି, ପୋଲିସ ପ୍ରଶାସନ ପାଇଁ ବଡ ଚ୍ୟାଲେଞ୍ଜ

12/12/2020 at 6:42 PM

ଭୁବନେଶ୍ଵର/ନୟାଗଡ ୧୨।୧୨: ପରୀ ହତ୍ୟାକାରୀକୁ ଧରିବାକୁ ଆନ୍ଦୋଳନ ଚାଲିଛି । ଆଉ ଏପଟେ ସେହି ନୟାଗଡରୁ ପୁଣି ଏକ ଶିଶୁ ନିଖୋଜ। ନୟାଗଡ ରଣପୁର ଥାନା ବଧିପାଟଣା ଗାଁର ତିନି ବର୍ଷର ଶିଶୁ ଗତକାଲି ଖେଳୁଥିବା ବେଳେ ଅପରାହ୍ନରୁ ନିଖୋଜ ହୋଇଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ପୋଲିସ ଗଁ।ରେ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ଯାଜପୁର ମଧୁସୁଦନପୁର ଗାଁରୁ ୫ ମାସ ତଳୁ ନିଖୋଜ ଶିଶୁ ପିହୁ ଗାଁରେ ପହଞ୍ଚିଛି କଂଗ୍ରେସର ଏକ ପ୍ରତିନିଧି ଦଳ । ପିହୁ ପରିବାର ଓ ଏସ୍‌ପିଙ୍କୁ ଭେଟି ଆଲୋଚନା କରିଛନ୍ତି।.

ନୟାଗଡରୁ ପୁଣି ଜଣେ ୩ବର୍ଷର ଶିଶୁ ନିଖୋଜ ।  ପରୀ ହତ୍ୟାକାରୀକୁ ଧରିବାରେ ବିଫଳ ନୟାଗଡ ପୋଲିସକୁ ପୁଣି ଏକ ଚ୍ୟାଲେଞ୍ଜ । ରଣପୁର ବଧିପାଟଣା ଗଁ।ର ସଞୟ ସାହୁଙ୍କ  ୩ ବର୍ଷର ଝିଅ ସ୍ବାତୀ କେଉଁଆଡେ ନିଖୋଜ ହୋଇଯାଇଛି। ସଞ୍ଜୟଙ୍କର ଦୁଇଟି ଯାଆଁଳା ଝିଅ ମଧ୍ୟରୁ ସ୍ବାତୀ ସାନ । ଦିନ ଦୁଇଟା ସମୟରେ ସ୍ବାତୀ ତାର ଅନ୍ୟ ଭାଇ ଭଉଣୀଙ୍କ ସହ ଘର ବାଡିପଟେ ଖେଳୁଥିବା ତାର ବଡବାପା ଦେଖିଥିଲେ। ପରେ ସ୍ବାତୀ ଦାଣ୍ଡପଟକୁ ଚାଲିଆସିଥିଲା । ତେବେ କିଛି ସମୟ ପରେ ବଡବାପା  ସ୍ବାତୀକୁ ଖୋଜିବାବେଳକୁ ସେ ମିଳିନଥିଲା। 

ଗତକାଲି ଗାଁରେ ଦୁଇଟି ବାହାଘର ଏବଂ ଗୋଟିଏ ଦଶାହ ଭୋଜି ଥିଲା । ଏଥିପାଇଁ ଗଁ।ରେ ଗହଳି ଥିଲା । ଏହା ସହିତ ଗତକାଲି ଗାଁକୁ ୫ଜଣ ବାହାର ଲୋକ କମ୍ବଳ ବିକିବାକୁ ଆସିଥିଲେ। ସ୍ବାତୀର ମା ସେମାନଙ୍କ ଠାରୁ କମ୍ବଳ କିଣିଥିଲେ । ପୂର୍ବରୁ ସେହି ଫେରିବାଲାମାନଙ୍କୁ  ଗଁ। ଲୋକ କେବେ ଦେଖିନଥିଲେ। ତେଣୁ ସେମାନଙ୍କ ଉପରେ ଲୋକଙ୍କ ସନ୍ଦେହ ଆସିଛି।

ପରିବାର ଲୋକ ଏବଂ ଗ୍ରାମବାସୀ ବହୁ ଖୋଜାଖୋଜି କରି ବିଫଳ ହେବା ପରେ ସନ୍ଧ୍ୟାରେ ରାଜସୁନାଖଳା ଫାଣ୍ଡିରେ ଅଭିଯୋଗ କରିଥିଲେ । ରଣପୁର ପୋଲିସ ରାତିରେ ଗଁ।କୁ ଯାଇ ତଦନ୍ତ ଆରମ୍ଭ କରିଛି । ଦମକଳ କର୍ମଚାରୀଙ୍କୁ ଡାକି ଗାଁର ବିଭିନ୍ନ ପୋଖରୀ ଏବଂ କୁଅରେ ଖୋଜାଖୋଜି କରାଯାଇଥିଲେ ବି ଶିଶୁର କୌଣସି ପତ୍ତା ମିଳିନାହିଁ। ସନ୍ଦେହରେ ଥିବା କମ୍ବଳ ବେପାରୀଙ୍କୁ ମଧ୍ୟ ପୋଲିସ ପଚରାଉଚରା କରିଛି । ସେପଟେ ଜିଲ୍ଲାରେ ପିଲା ଚୋରି ରାକେଟ୍ ଚାଲିଛି ଏବଂ ସେମାନଙ୍କୁ ଧରିବାକୁ ଦାବି କରିଛି ଜିଲ୍ଲା ବିଜେପି । ପରୀ ହତ୍ୟାକାରୀକୁ ଧରିବାକୁ ବିରୋଧୀ ଦଳ ଆନ୍ଦୋଳନ ଚଳାଇଥିବାବେଳେ ପୁଣି ଜଣେ ଶିଶୁ ନିଖୋଜ ଘଟଣା ପୋଲିସ ପାଇଁ ମୁଣ୍ଡବିନ୍ଧାର କାରଣ ସାଜିଛି।

ସେପଟେ ଯାଜପୁର ମଧୁସୂଦନପୁର ଗାଁରୁ ଦୀର୍ଘ ୫ ମାସତଳୁ ନିଖୋଜ ଶିଶୁ ପିହୁ ଗାଁରେ ପହଞ୍ଚିଥିଲା କଂଗ୍ରେସର ଏକ ପ୍ରତିନିଧି ଦଳ। ଏହି ଟିମ ପିହୁଙ୍କ ବାପା ମାଙ୍କୁ ଭେଟି ପିହୁର ନିଖୋଜ ସମ୍ପର୍କରେ ପଚାରି ବୁଝିଥିଲେ। ଏଥିସହ ପୋଲିସର ନିଷ୍କ୍ରିୟତା ଉପରେ ମଧ୍ୟ ପ୍ରଶ୍ନ ଉଠାଇଥିଲେ । ଘଟଣାର ଫୁଙ୍ଖାନୁପୁଙ୍ଖ ତଦନ୍ତ କରାଯାଇ ନିଖୋଜ ପିହୁର ଖବର ପଦାକୁ ଆଣିବାକୁ ଦାବି କରିଛନ୍ତି ଗାଁ ଲୋକେ । ତେବେ ପିହୁ ନ ମିଳିବା ପର୍ଯ୍ୟନ୍ତ କଂଗ୍ରେସ ଘଟଣା ଉପରେ ନଜର ରଖିବ ଓ ଆଗାମୀ ଦିନରେ ରାଜ ରାସ୍ତାକୁ ଓହ୍ଲାଇବା ପାଇଁ ଚେତାବନୀ ଦେଇଛି। ଏହି ଟିମ୍ ଯାଜପୁର ଏସ୍ପିଙ୍କୁ ଭେଟି ଆଲୋଚନା କରିଥିଲେ।

ରାଜ୍ୟରେ ଶିଶୁ ନିଖୋଜ ଘଟଣା ଦିନକୁ ଦିନ ବୃଦ୍ଧି ପାଉଛି । ଯାହାକୁ ନେଇ ବିରୋଧୀ ହୋହାଲ୍ଲା ଚଳାଇଛନ୍ତି । ଜଗତସିଂହପୁର ଶିଶୁ ପିହୁର ନିଖୋଜ ପରେ ନୟାଗଡରୁ ଶିଶୁ ସ୍ବାତୀ ନିଖୋଜ ଘଟଣା ଲୋକଙ୍କ ମନରେ ଭୟ ସୃଷ୍ଟି କରିଛି।

   Related Posts