Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୧ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୪ କୋଭିଡ୍ ସଂକ୍ରମିତ, ୩୩୩୪୪୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଲକ୍ଷ୍ନୌ : ଟ୍ରାକ୍‌ରୁ ଖସିଲା ଟ୍ରେନ୍‌, ଶହିଦ ଏକ୍ସପ୍ରେସ୍‌ର ୨ଟି ବଗି ଲାଇନ୍‌ଚ୍ୟୁତ
  • ||
  • କେନ୍ଦୁଝର : ସ୍ତ୍ରୀକୁ ପିଟିପିଟି ମାରିଦେଲା ସ୍ବାମୀ, ଅଭିଯୁକ୍ତ ଅଟକ
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୭୮୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ବିଶିଷ୍ଟ ଶ୍ରମିକ ନେତା ଲଳିତ ନାୟକଙ୍କ ପରଲୋକ
  • ||
  • କେନ୍ଦୁଗୁଡ଼ା ଘାଟିରେ ଓଲଟିଲା ଟୁରିଷ୍ଟ ବସ୍ : ଜଣେ ମୃତ , ୧୦ ରୁ ଅଧିକ ଆହତ
  • ||

କୋଲକାତା ଏୟାରପୋର୍ଟର ରନଓ୍ଵେରେ ବିମାନ ଉପରେ ମହୁମାଛିଙ୍କ ଆକ୍ରମଣ, ଭୟରେ ଏଣେ ତେଣେ ଦୌଡିଲେ କର୍ମଚାରୀ, ଭିଡିଓ ପୋଷ୍ଟ କଲେ ଯାତ୍ରୀ

1/12/2020 at 5:17 PM

କୋଲକାତା ୦୧।୧୧: କୋଲକାତା ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ଏମିତି ଘଟଣା ଘଟିଛି ଯାହା ବର୍ତ୍ତମାନ ସାମାଜିକ ଗଣମାଧ୍ୟମରେ ଖୁବ୍ ଭାଇରାଲ ହେଉଛି। କୋଲକାତା ବିମାନ ବନ୍ଦରରେ ମହୁମାଛିଙ୍କ ଦଳ ବିମାନର ଝରକାକୁ ଘେରି ଯାଇଥିଲେ। ସେଠାରେ ଉପସ୍ଥିତ କୌଣସି ବ୍ୟକ୍ତି  ଏହାର ଭିଡିଓ କରିଥିଲେ। ଏହି ଭିଡିଓ ସାମାଜିକ ଗଣମାଧ୍ୟମରେ ଟ୍ରେଣ୍ଡ କରିବାରେ ଲାଗିଛି।

ସୂଚନା ଅନୁଯାୟୀ, ନଭେମ୍ଵର ୩୦ରେ କୋଲକାତାର ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ଏୟାର ଭିଷ୍ଟାରାର ଏକ ବିମାନ ପାର୍କିଂରେ ଛିଡା ହୋଇଥିଲା। ହେଲେ କିଛି ସମୟ ମଧ୍ୟରେ କେଉଁଆଡୁ ହଜାର ହଜାର ସଂଖ୍ୟାରେ ମହୁମାଛି ଆସି ବିମାନର ଦୁଇଟି ଝରକାକୁ ଘେରି ଯାଇଥିଲେ।

ତୁରନ୍ତ ବିମାନରୁ ସମସ୍ତ କର୍ମଚାରୀଙ୍କୁ ହଟା ଯାଇଥିଲା। ଏଥି ସହ ଆଖପାଖର ଗ୍ରାଉଣ୍ଡ ଷ୍ଟାଫଙ୍କୁ ଦୂରକୁ ପଠାଯାଇଥିଲା। ଏହା ପରେ ବିମାନ ବନ୍ଦରରେ ନିୟୋଜିତ ଅଗ୍ନିଶମ ବିଭାଗକୁ ଡକାଯାଇଥିଲା। ବିମାନ ଉପରେ ପାଣିମାଡ କରାଯାଇ ମହୁମାଛିଙ୍କୁ ହଟାଯାଇଥିଲା। ପାଣି ମାଡ ପରେ ମହୁମାଛି ତଳକୁ ଖସି ପଡିଥିଲେ। ଏହି ସମୟରେ ଅନେକ କର୍ମଚାରୀ ଭୟରେ ଏଣେ ତେଣେ ଦୌଡୁଥିବା ଦେଖିବାକୁ ମିଳିଥିଲା। କାରଣ ଭୟ ଥିଲା ଯେ, କାଳେ ମହୁମାଛି ତାଙ୍କୁ ନକାମଡନ୍ତୁ।

ସୂଚନାଯୋଗ୍ୟ, ଏମିତି ଘଟଣା କୋଲକାତା ବିମାନ ବନ୍ଦରରେ ଗତ ବର୍ଷ ଘଟିଥିଲା। କୋଲକାତାରୁ ଅଗରତାଲା ଯିବାକୁ ଥିବା ଏୟାର ଇଣ୍ଡିଆର ବିମାନକୁ ମହୁମାଛିଙ୍କ ଦଳ ଘେରି ଯାଇଥିଲେ।

   Related Posts