Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆସନ୍ତାକାଲି ସ୍ବାମୀ ଲକ୍ଷ୍ମଣାନନ୍ଦଙ୍କ ଦଶମ ଶ୍ରାଦ୍ଧବାର୍ଷିକୀ, ଜଲେସପଟା ଓ ଚକାପାଦ ଆଶ୍ରମରେ ସ୍ବତନ୍ତ୍ର ବ୍ୟବସ୍ଥା

1/09/2018 at 5:32 PM

ଫୁଲବାଣୀ ୧|୯: ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ଦଶମ ଶ୍ରାଦ୍ଧବାର୍ଷିକୀ ପାଳନ ପାଇଁ କନ୍ଧମାଳର ଜଲେସପଟା ଓ ଚକାପାଦ ଆଶ୍ରମରେ ଏଥିପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି । ସକାଳୁ କଳସ ଶୋଭାଯାତ୍ରା, ନାମଯଜ୍ଞ, ଧ୍ରୁତଯଜ୍ଞ, ଅନ୍ନଯଜ୍ଞ ଓ ଶ୍ରଦ୍ଧାଞ୍ଜଳି ସଭା ଆଦି ଅନୁଷ୍ଠିତ ହେବ । ଯେଉଁଥିରେ ବହୁ ସାଧୁସନ୍ଥ ଓ ଶ୍ରଦ୍ଧାଳୁ ଯୋଗ ଦେବେ । ୧୦ ବର୍ଷ ତଳେ, ୨୦୦୮ ସେପ୍ଟେମ୍ବର ୨୩ ତାରିଖ ଜନ୍ମାଷ୍ଟମୀ ଦିନ ରାତିରେ ଜଲେସପଟା ଆଶ୍ରମରେ ପୂଜାର୍ଚ୍ଚନା ଚାଲିଥିବା ବେଳେ ଦୁର୍ବୃତ୍ତଙ୍କ ଆକ୍ରମଣରେ ପ୍ରାଣ ହରାଇଥିଲେ ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ସମେତ ୫ ଜଣ । ତା ପରେ ଜିଲ୍ଲାରେ ସାମ୍ପ୍ରଦାୟିକ ହିଂସା ଦେଖା ଦେଇଥିଲା । ଯେଉଁଥିରେ ୫୨ ଜଣଙ୍କର ମୃତ୍ୟୁ ହୋଇଥିବା ବେଳେ ପୋଡ଼ାଜଳା ଓ ଭଙ୍ଗାରୁଜାରେ ୧୪୪୫ ଘର ସମ୍ପୂର୍ଣ୍ଣ ଏବଂ ୧୩୫୭ ଘର ଆଂଶିକ ନଷ୍ଟ ହୋଇଥିଲା । ତେଣୁ ଜନ୍ମାଷ୍ଟମୀ ଓ ସ୍ବାମୀ ଲକ୍ଷ୍ମଣାନନ୍ଦ ସରସ୍ବତୀଙ୍କ ଶ୍ରାଦ୍ଧବାର୍ଷିକୀ ପାଳନ ବଳେ କୌଣସି ପ୍ରକାର ସମ୍ଭାବ୍ୟ ଅଘଟଣ ଏଡ଼ାଇବାକୁ କନ୍ଧମାଳ ପୋଲିସ ପୁରା ସଜାଗ ।

   Related Posts