ଘଟଗାଁ,୧୬/୦୫: ସ୍ତ୍ରୀକୁ ପିଟିପିଟି ହତ୍ୟା କଲା ସ୍ୱାମୀ । କେନ୍ଦୁଝର ଜିଲ୍ଲା ହରିଚନ୍ଦନପୁର ଥାନା ଅଧିନସ୍ଥ ସତ୍ୟପାଳ ଗ୍ରାମରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା |
ସୂଚନା ଅନୁସାରେ, ଗାଁର ବିମ୍ବାଧର ପାତ୍ର, ଯିଏକି ସତ୍ୟପାଳ ଗ୍ରାମର ଗ୍ରାମରକ୍ଷୀ(ଚଉକିଆ) ଭାବେ କାର୍ଯ୍ୟ କରନ୍ତି | ସେ ଶନିବାର ରାତିରେ ତାଙ୍କ ନିଜ ସ୍ତ୍ରୀ ଦୁଃଖି ପାତ୍ରଙ୍କୁ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି |
ଶନିବାର ରାତିରେ ଉଭୟ ସ୍ବାମୀ ସ୍ତ୍ରୀ ରାତି ଖାଇସାରି ଶୋଇଥିଲେ | ପରେ ପରେ ଉଭୟଙ୍କ ମଧ୍ୟରେ ଝଗଡା ହୋଇଥିଲା | ଯାହାଫଳରେ ରାତିର. ବିମ୍ବାଧର ତାଙ୍କ ସ୍ତ୍ରୀକୁ ପିଟିପିଟି ହତ୍ୟା କରିଥିଲେ | ସକାଳୁ ପଡୋଶୀ ଲୋକ ଦୁଃଖି ପାତ୍ରଙ୍କୁ ହରିଚନ୍ଦନପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣିଥିଲେ | ସେଠାରେ ଡାକ୍ତର ତାଙ୍କୁ ମ୍ରୁତ ଘୋଷଣା କରିଥିଲେ | ଖବର ପାଇ ହରିଚନ୍ଦନପୁର ପୋଲିସ ଅଭିଯୁକ୍ତ ବିମ୍ବାଧରକୁ ଗିରଫ କରିବା ସହିତ ସମ୍ପୁର୍ଣ୍ଣ ଘଟଣାର ତଦନ୍ତ ଚଳାଇଛି |
