Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

ସ୍ୱାଭିମାନ ଅଞ୍ଚଳରେ ମାଓ ବିରୋଧୀ ଅପରେସନ୍‌କୁ ବଡ ସଫଳତା-ମାଓ ଆଡ୍ଡାରୁ ପ୍ରଥମଥର ପାଇଁ ମିଳଲା ଇନସାସ୍‌ ଲାଇଟ୍‌ ମେସିନ୍‌ ଗନ୍‌

7/02/2020 at 4:44 PM

ମାଲକାନଗିରି/ଭୁବନେଶ୍ୱର ୦୭।୦୨ –  ମାଲକାନଗିରି ସ୍ବାଭିମାନ ଅଞ୍ଚଳରେ ମାଓବାଦୀ ବିରୋଧୀ ଅପରେସନକୁ ବଡ ସଫଳତା । ଓଡିଶା ପୋଲିସ, ବିଏସ୍ଏଫ୍ , କୋବ୍ରା ଓ ଆନ୍ଧ୍ର ପୋଲିସର ମିଳିତ ଅପରେସନରେ ଠାବ ହୋଇଛି ସବୁଠୁ ବଡ ମାଓ କ୍ୟାମ୍ପ । ଜବତ ହୋଇଛି ବିପୁଳ ପରିମାରଣର ଅସ୍ତ୍ରଶସ୍ତ୍ର । ପ୍ରଥମ ଥର ପାଇଁ ମାଓ କ୍ୟାମ୍ପରୁ ମିଳିଛି ଇନସାସ୍ ଲାଇଟ ମେସିନ ଗନ୍ । ଏଭିତରୁ ଅନେକ ଅସ୍ତ୍ରଶସ୍ତ୍ର ଅତୀତରେ ପୋଲିସଠାରୁ ଲୁଟ ହୋଇଥିବା ଅନୁମାନ କରାଯାଉଛି ।

ଜବତ ଅନ୍ୟ ଅସ୍ତ୍ରଶସ୍ତ୍ର ମଧ୍ୟରେ ରହିଛି ୩ଟି ଇନସାସ ବନ୍ଧୁକ, ଗୋଟିଏ ଏସଏଲଆର ବନ୍ଧୁକ, ୩ ଟି କାର୍ବାଇନ ବନ୍ଧୁକ ସହ ଅନେକ ଗୁଳି, ଲ୍ୟାଣ୍ଡମାଇନ, ଡିଟୋନିଟର ଓ ଗ୍ରେନେଡ, ଟିଫିନ୍ ବୋମା, ଗନ୍ ପାଉଡର, ମାଗାଜିନ୍, କୋରେକ୍ସ ତାର ଇତ୍ୟାଦି । ଏହା ମାଓବାଦୀଙ୍କ ଦେଶ ବିରୋଧୀ କାର୍ଯ୍ୟକଳାପ ପ୍ରତି ଶକ୍ତ ଝଟକା ବୋଲି ପୋଲିସ ଡିଜି କହିଛନ୍ତି ।

ମାଓବାଦୀଙ୍କ ବିରୋଧରେ ବଡ଼ ଅପରେସନ୍ ସଫଳ । ଓଡିଶା ପୋଲିସ, ବିଏସ୍ଏଫ୍ , କୋବ୍ରା ଓ ଆନ୍ଧ୍ର ପୋଲିସକୁ ବିପୁଳ ସଫଳତା । ଚିତ୍ରକୋଣ୍ଡା ସ୍ଵାଭିମାନ ଅଞ୍ଚଳରେ ଠାବ ହେଲା ସବୁଠୁ ବଡ କ୍ୟାମ୍ପ । ସର୍ଚ୍ଚ ଅପରେସନ ବେଳେ ମାଓବାଦୀ ଛତ୍ରଭଙ୍ଗ ଦେଇଛନ୍ତି । ଜବତ ହୋଇଛି ବିପୁଳ ଅସ୍ତ୍ରଶସ୍ତ୍ର । ଏତେ ପରିମାରଣର ଅସ୍ତ୍ରଶସ୍ତ୍ର ଜବତ ହୋଇଛି ଯାହା ପୂର୍ବରୁ ହୋଇନଥିଲା । ମାଓବାଦୀଙ୍କ କ୍ୟାମ୍ପରୁ ପ୍ରଥମ କରି ମିଳିଛି ଇନଶାସ ଲାଇଟ୍ ମେସିନ୍ ଗନ୍ ଏବଂ ଅପଟିକାଲ୍ ସାଇଟ୍ ।

ଆନ୍ଧ୍ର ଓଡିଶା ସ୍ପେଶିଆଲ ଜୋନାଲ କମିଟିର ଏକ ବଡ ଟିମ ସ୍ଵାଭିମାନ ଅଞ୍ଚଳରେ ବେସ କିଛିଦିନ ଧରି କ୍ୟାମ୍ପ ଚଳାଇଥିବା ଗୁଇନ୍ଦା ରିପୋର୍ଟ ପରେ ଆରମ୍ଭ ହୋଇଥିଲା ଅପରେସନ୍ । ଏହାର ନେତୃତ୍ବ ନେଇଥିଲେ ମାକାଲକାନଗିରି ଏସ୍‌ପି । । ଜାନୁଆରୀ ୮ରୁ ୧୩ ତାରିଖ ପର୍ଯ୍ୟନ୍ତ ଚାଲିଥିଲା ପୋଲିସ ଅପରେସନ । ୧୫ ତାରିଖରେ ଗୋଇକୁଣ୍ଡା ନିକଟରେ ଏଏସଓଜି ଏବଂ ଡିଭିଏଫ୍ ବାହିନୀ ସହ ଲାଲ କ୍ୟାଡରଙ୍କ ଗୁଳି ବିନିମୟ ହୋଇଥିଲା । ଏହାପରେ ଜୋରଦାର ହୋଇଥିଲା ସର୍ଚ୍ଚ ଅପରେସନ । ଶେଷରେ ସୁରକ୍ଷା ବାହିନୀକୁ ମିଳିଛି ବଡ ସଫଳତା ।

ରାଜ୍ୟର ୧୮ ଟି ଜିଲ୍ଲାରୁ ୧୨ ଟି ଜିଲ୍ଲାକୁ ହ୍ରସା ପାଇଛି ମାଓବାଦୀଙ୍କ କାର୍ଯ୍ୟକଳାପ । ଆଗମାମୀ ଦିନରେ ଅପରେସନ ଜାରି ରହିବ ବୋଲି ଡିଜିପି ସୂଚନା ଦେଇଛନ୍ତି ।

   Related Posts