Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀ ନାଳରୁ ଛାତ୍ର ନିଖୋଜ ଘଟଣା, ୧୮ଘଣ୍ଟା ପରେ ମିଳିଲା ଜ୍ୟୋତିଙ୍କ ମୃତଦେହ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୬ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୧୦ କୋଭିଡ୍ ପଜିଟିଭ୍
  • ||
  • ବାରବାଟୀରେ ଭାରତ-ଓ୍ୱେଷ୍ଟଇଣ୍ଡିଜ୍ ଟି୨୦ ! ବିସିସିଆଇ ଆପେକ୍ସ ବୈଠକରେ ଲାଗିପାରେ ମୋହର
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩୦ ହଜାରରୁ ଅଧିକ କରୋନା ପଜିଟିଭ୍, ୨୯୬ ମୃତ
  • ||
  • ଭିସୁଟର କୂଳପତି ସମେତ ୨ଛାତ୍ର କୋଭିଡ଼ ପଜିଟିଭ, ସଂଗରୋଧରେ ସମସ୍ତେ
  • ||
  • ବିଦ୍ୟାଭାରତୀଙ୍କର ମିଛଧରା ପରୀକ୍ଷା ଆଜି, ବାହାରିବ କି ସତ ?
  • ||
  • ରାଜଧାନୀ ନାଳରେ ନାବାଳକ ଭାସିଯିବା ଘଟଣା : ଏବେସୁଦ୍ଧା ମିଳିନି ପତ୍ତା, ଉଦ୍ଧାରକାର୍ଯ୍ୟ ଜାରି
  • ||

ମୁଣ୍ଡରେ ଲାଗିଥିଲା ଆଘାତ, ପେଟ କାଟି ଅପରେସନ କରିଦେଲେ ଡାକ୍ତର

21/09/2020 at 5:33 PM

ରାଞ୍ଚି ୨୧।୯: ଝାଡଖଣ୍ଡ ରାଜଧାନୀ ରାଞ୍ଚିସ୍ଥିତ ସାମଫର୍ଡ ହସ୍ପିଟାଲ ପୁଣି ଚର୍ଚ୍ଚାରେ। ମସ୍ତିଷ୍କରେ ଆଘାତ ଲାଗିବା ଯୋଗୁ ବ୍ରେନହାମରେଜ ହୋଇଥିବା ଜଣେ ରୋଗୀଙ୍କୁ ଏଠାର ଡାକ୍ତର ପେଟ କାଟି ଅପରେସନ କରିଦେଇଛନ୍ତି। ରୋଗୀଙ୍କର ମୃତ୍ୟୁ ହୋଇଥିବା ବେଳେ ଏବେ ପରିବାର ଲୋକେ ହସ୍ପିଟାଲ ବିରୋଧରେ କିଡନି ଚୋରି ଅଭିଯୋଗ ଆଣିବା ହସ୍ପିଟାଲର ପ୍ରତିଷ୍ଠାରେ କଳଙ୍କ ବୋଳିଛି। କିଛି ଦିନ ପୂର୍ବରୁ ଏଠାରେ କରୋନା ମୃତକଙ୍କ ଶବକୁ ନେଇ ହଙ୍ଗାମା ହୋଇଥିଲା। ଏଥିରେ ନୂଆ ଅଭିଯୋଗ ହସ୍ପିଟାଲ ଓ ଡାକ୍ତରଙ୍କ ଚିକିତ୍ସାକୁ ନେଇ ପ୍ରଶ୍ନଚିହ୍ନ ଲଗାଇଛି।

ମୃତକଙ୍କ ପରିଜନଙ୍କ ଅନୁସାରେ ସେପ୍ଟେମ୍ବର ୧୮ ତାରିଖ ଦିନ ଗୁଲଜାର ଅନସାରୀ ନାମକ ବ୍ୟକ୍ତି ହଜାରୀବାଗର ସୁତଲାନାରେ ସଡକ ଦୁର୍ଘଟଣାରେ ଆହତ ହୋଇଥିଲେ। ତାଙ୍କ ମୁଣ୍ଡରେ ଶକ୍ତ ଆଘାତ ଲାଗିଥିଲା। ପରିବାର ଲୋକେ ତାଙ୍କୁ ସାମଫର୍ଡ ହସ୍ପିଟାଲରେ ଭର୍ତି କରିଥିଲେ। ଡାକ୍ତର ପରୀକ୍ଷା କରି ତୁରନ୍ତ ଅପରେସନର ଆବଶ୍ୟକତା ଥିବାରୁ ଟଙ୍କା ଜମା କରିବାକୁ କହିଥିଲେ। ସେମାନେ ତୁରନ୍ତ ଟଙ୍କା ଜମା ମଧ୍ୟ କରିଥିଲେ। ସେହି ଅନୁସାରେ ଡାକ୍ତର ତାଙ୍କୁ ଅପରେସନ ଥିଏଟରକୁ  ନେଇଥିଲେ। ହେଲେ ଯେବେ ରୋଗୀ ବାହାରକୁ ବାହାରିଲେ ତାଙ୍କ ମୁଣ୍ଡ ବଦଳେ ପେଟ ଅପରେସନ ହୋଇଥିବା ପରିଜନ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ।

ସେପ୍ଟେମ୍ବର ୧୯ ତାରିଖରେ ରୋଗୀର ଶରୀରରେ କୌଣସି କ୍ରିୟା ମଧ୍ୟ ନଥିଲା। ଡାକ୍ତର ରୋଗୀଙ୍କ ପେଟରେ ମାର୍କର ମାରି ମଧ୍ୟ ଦେଖାଇଥିଲେ ରୋଗୀ କୌଣସି ପ୍ରତିକ୍ରିୟା ଦେଉ ନାହିଁ। ଏହା ସତ୍ତ୍ୱେ ତାଙ୍କୁ ଭେଣ୍ଟିଲେଟରରେ ରଖିଥିଲେ। ତାଙ୍କ ସ୍ୱାସ୍ଥ୍ୟରେ ସୁଧାର ନ ହେବାରୁ ପରିବାର ଲୋକେ ଅନ୍ୟ ହସ୍ପିଟାଲକୁ ରୋଗୀଙ୍କୁ ନେଇ ଯିବାକୁ ଚାହିଁବାରୁ ହସ୍ପିଟାଲ କର୍ତ୍ତୃପକ୍ଷ ତାଙ୍କୁ ମୃତ ଘୋଷଣା କରିଦେଇଥିଲେ।

   Related Posts