Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରାଟ କୋହଲିଙ୍କ ଘୋଷଣା, ଟି-୨୦ ୱାର୍ଲ୍ଡ କପ୍‌ ପରେ ଛାଡ଼ିବେ କ୍ୟାପ୍ଟେନ୍‌ ପଦ
  • ||
  • ସାନଖେମୁଣ୍ଡି : ଭିଜିଲାନ୍ସ ଜାଲରେ ଆସିଷ୍ଟାଣ୍ଟ ଇଂଜିନିୟର, ଠିକାଦାରଙ୍କଠୁ ନେଉଥିଲେ ୫୦ହଜାର ଟଙ୍କା ଲାଞ୍ଚ
  • ||
  • ନୂଆଦିଲ୍ଲୀ : ବଙ୍ଗୋପସାଗରରେ ଦାନା ବାନ୍ଧୁଛି ଆଉ ଏକ ଲଘୁଚାପ, ୧୯ ଓ ୨୦ରେ ପ୍ରବଳ ବର୍ଷା ସମ୍ଭାବନା : IMD ଡିଜି
  • ||
  • ମାଲକାନଗିରି : ମାଲକାନଗିରିରେ ସୁରକ୍ଷାକର୍ମୀ-ମାଓବାଦୀ ଗୁଳିବିନିମୟ, ଛତ୍ରଭଙ୍ଗ ଦେଲେ ମାଓବାଦୀ : କ୍ୟାମ୍ପ୍‌ରୁ ବିପୁଳ ପରିମାଣର ମାଓ ସାମଗ୍ରୀ ଠାବ
  • ||
  • ପୁରୀ : ଶୁକ୍ରବାର ବନ୍ଦ ରହିବ ଶ୍ରୀମନ୍ଦିର, ବିଶେଷ ନୀତି ଯୋଗୁଁ ଶ୍ରୀଜିଉଙ୍କୁ ଦର୍ଶନ କରିପାରିବେନି ଶ୍ରଦ୍ଧାଳୁ
  • ||
  • ସୋର : ଫୁଲୁଛି କାଂଶ ବାଂଶ ନଦୀ, ବଢୁଛି ଜଳସ୍ତର : ଚିନ୍ତାରେ ତଳିଆ ଅଞ୍ଚଳବାସୀ
  • ||
  • ଖଣ୍ଡପଡା : ରଥିଆ ନାଳରେ ଭାସି ବୃଦ୍ଧ ନିଖୋଜ, ମାଛ ଧରିବାକୁ ଯାଇ ନାଳରେ ଭାସିଯାଇଥିବା ସନ୍ଦେହ
  • ||
  • ଜଗତସିଂହପୁର : ମହାନଦୀ ବନ୍ୟାଜଳରେ ବୁଡି ଗାଡି ଚାଳକ ନିଖୋଜ, ଇଟାଭାଟିକୁ ଯାଉଥିବା ବେଳେ ଅଘଟଣ
  • ||
  • ଯାଜପୁର : ପାଣିରେ ଭାସି ଯାଇଥିଲେ ବାପା-ପୁଅ, ଠାବ ହେଲା ମୃତଦେହ
  • ||
  • ଉପରତଳ ହେଉଛି କରୋନା ଗ୍ରାଫ : ୨୪ ଘଣ୍ଟାରେ ବାହାରିଲେ ୫୮୦ କୋଭିଡ୍ ପଜିଟିଭ୍
  • ||

ଯୁବକଙ୍କ ସନ୍ଦେହଜନକ ମୃତ୍ୟୁ, ପୋଲିସ ପିଟିପିଟି ମାରିଦେଇଥିବା ଅଭିଯୋଗ

5/05/2020 at 1:35 PM

ଭଦ୍ରକ ୫।୫: ଗାଡି ଅଟକାଇଲେ । ସଂଘବଦ୍ଧ ହୋଇ ଡ୍ରାଇଭରଙ୍କୁ ପିଟିଲେ । ତାଙ୍କ ବଡ ଭାଇ ଦେଖିବା ପରେ ଗୁରୁତର ସାନ ଭାଇଙ୍କୁ ମେଡିକାଲ ନେବା ପାଇଁ କହିବାରୁ ପୋଲିସ ବାରଣ କରିଥିବା ଅଭିଯୋଗ ହୋଇଛି । ପରେ ନିଜେ ଆଣି ଡାକ୍ତରଖାନାରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଏମିତି ଅଭିଯୋଗ ଆସିଛି ଭଦ୍ରକ ଜିଲ୍ଲା ତିହିଡି ଥାନା ଅଞ୍ଚଳରେ ।

ଅଭିଯୋଗ ଅନୁଯାୟୀ ତିହିଡି ଥାନା ବାଲିଦାଣ୍ଡି ଗ୍ରାମର ଦୈତାରି ନାୟକ ପେଶାରେ ଡ୍ରାଇଭର । ସେ ଚଳାଉଥିବା ପିକଅପ ଭ୍ୟାନ୍ ନେଇ ବିଳମ୍ବିତ ରାତିରେ କୌଣସି ସାମଗ୍ରୀ ନେବା ପାଇଁ ଗାଁରୁ ଭଦ୍ରକ ଆସୁଥିଲେ । ସେହି ସମୟରେ ଗାଡିକୁ ଅଟକାଇ ପୋଲିସ ତାଙ୍କୁ ମାଡ ମାରିଥିବା ଅଭିଯୋଗ ହୋଇଛି । ଦୈତାରିଙ୍କୁ ୧୦ ରୁ ୧୨ ଜଣ ପୋଲିସ ସଂଘବଦ୍ଧ ହୋଇ ଆକ୍ରମଣ କରିଥିଲେ । ସେହି ସମୟରେ ତାଙ୍କ ବଡ ଭାଇ କୈଳାଶ ଏକ ଟେମ୍ପୋ ନେଇ ପରିବା ନେଇ ବେପାରୀଙ୍କୁ ଦେବା ପାଇଁ ଆସୁଥିଲେ । ସେଠାରେ ଦୁଇଟି ପୋଲିସ ଗାଡି ଥିବା ସହ କୌଣସି ଲୋକଙ୍କୁ ମାଡ ହେଉଥିବା ଦେଖିଥିଲେ ।

ପରେ ଚିତ୍କାର ଶୁଣି ନିଜ ଭାଇ ବୋଲି ଜାଣି ତାଙ୍କୁ ଛାଡିବା ପାଇଁ ଅନୁରୋଧ କରିଥିଲେ । ଗୁରୁତର ଭାଇଙ୍କୁ ମେଡିକାଲ ଆଣିବା ପାଇଁ ଉଦ୍ୟମ କରିବାରୁ ପୋଲିସ ବାରଣ କରିଥିଲା । ପରେ ପୋଲିସ ତାଙ୍କୁ ଆଣି ମେଡିକାଲରେ ଭର୍ତ୍ତି କରିଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ମୃତ ଯୁବକଙ୍କ ଗୁପ୍ତାଙ୍ଗ ଓ ଦେହସାରା ଚିହ୍ନ ଦେଖିବାକୁ ମିଳିଛି । ପରିବାର ଲୋକେ ତିହିଡି ଥାନା ଅଧିକାରୀ ଓ ଅନ୍ୟ କର୍ମଚାରୀ ଓ ମେଡିକାଲର ଡାକ୍ତରଙ୍କ ନାଁରେ ଲିଖିତ ଅଭିଯୋଗ କରିଛନ୍ତି ।

ଘଟଣା ପରେ ଭଦ୍ରକ ଏସପି ତିହିଡି ଯାଇ ତଦନ୍ତ କରିଛନ୍ତି । ଏଚଆରପିସିକୁ ତଦନ୍ତ ଦାୟିତ୍ବ ଦିଆଯାଇଛି । ତେବେ ଦୁଇଟି ଗାଡିରେ ଚୋରା କୋଇଲା ଚାଲାଣ ହେଉଥିବା ଖବର ପାଇ ପୋଲିସ ଯାଇଥିଲା । ସେଠାରେ ପୋଲିସକୁ ଦେଖି ମୃତ ଯୁବକ ନିଜ ଗାଡିକୁ ନେଇ ଟ୍ରେନ୍ ଲାଇନ୍ ଉପରେ ପଳାଉଥିବା ବେଳେ ଗାଡି ଖସି ପଡିଥିଲା । ତଥାପି ଅଭିଯୋଗ ଆଧାରରେ ପୋଲିସ ତଦନ୍ତ କରୁଛି । କାହାର ସମ୍ପୃକ୍ତି ଥିବା ଜଣାପଡିଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ କହିଛି ।

   Related Posts