Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଜିଏସପିରୁ ଭାରତକୁ ବାଦ ଦେଲା ଆମେରିକା, ଜୁନ ୫ରୁ ଆଉ ମିଳିବନି ଆମଦାନୀ ଶୁଳ୍କ ରିହାତି

1/06/2019 at 5:24 PM

ନୂଆଦିଲ୍ଲୀ ୬।୫: ଆମେରିକାକୁ ଉତ୍ପାଦ ରପ୍ତାନୀ ନିମନ୍ତେ ଭାରତକୁ ମିଳୁଥିବା ଜେନେରାଲାଇଜଡ୍ ସିଷ୍ଟମ ଅଫ ପ୍ରିଫରେନସେଜ୍ ଜିଏସପି ସୁବିଧା ଆଉ ମିଳବନି। ଏଥିପାଇଁ ଟ୍ରମ୍ଫ ପ୍ରଶାସନ ଜାରି କରିଥିବା ୬୦ ଦିନିଆ ନୋଟିସର ଅବଧି ପୁରଣ ହୋଇଥିବା ବେଳେ ଭାରତ ପକ୍ଷରୁ ଏ ନେଇ ଆମେରିକାକୁ କୌଣସି ଜବାବ ଦିଆଯାଇନାହିଁ । ଏଣୁ ଆମେରିକାରେ ଭାରତଈୟ ଉତ୍ପାଦକୁ ମିଳୁଥିବା ଶୁଳ୍କ ସୁବିଧା ଜୁନ ୫ ତାରିଖରୁ ସମାପ୍ତ କରିଦିଆଯିବ ବୋଲି ପ୍ରଶାସନ ଘୋଷଣା କରିଛି ।

ବାଣିଜ୍ୟ ପାଇଁ ବିକାଶଶୀଳ ଦେଶମାନଙ୍କୁ ଆମେରିକା ଦେଉଥିବା ସୁବିଧା ମଧ୍ୟରେ ଜିଏସପି ଅନ୍ୟତମ। ଏଥିରେ ଆମେରିକା ବିଶ୍ବର  ବିଭିନ୍ନ ଦେଶରୁ ଆମଦାନୀ କରୁଥିବା ଉତ୍ପାଦ ପାଇଁ ସେମାନଙ୍କଠାରୁ ଶୁଳ୍କ ଅସୁଲ କରୁନଥଲା। ବିକାଶଶୀଳ ରାଷ୍ଟ୍ରଙ୍କ ଆର୍ଥିକ ଅଭିବୃଦ୍ଧି ପାଇଁ ୧୯୭୬ ମସିହାରୁ ଆମେରିକା ଏହି ସୁବିଧା ପ୍ରଦାନ କରିଆସୁଥିବା ବେଳେ  ମାନ୍ୟତାପ୍ରାପ୍ତ ଦେଶଙ୍କ ହଜାର ହଜାର ଉତ୍ପାଦ ବିନାଶୁଳ୍କରେ ରପ୍ତାନୀ ସୁବିଧା ପାଉଛନ୍ତି। ଭାରତ ସମେତ ବିଶ୍ବର ୧୨୯ଟି ଦେଶର ୪ହଜାର ୮ଶହ ପ୍ରକାର ସାମଗ୍ରୀକୁ ଜିଏସିପର ଲାଭ ମିଳୁଛି।

ଗତ ୨୦୧୭ ମସିହାରେ ଭାରତ ଜିଏସପି ସୁବିଧାର ସବୁଠାରୁ ବଡ ଲାଭାର୍ଥି ହୋଇପାରିଥିଲା। ଏହି ସମୟରେ ଭାରତ ପ୍ରାୟ ୪୦ ହଜାର କୋଟି ଟଙ୍କାର ଶୁଳ୍କ ରିହାତି ପାଇଥିଲା।  ତେବେ ଗତ ମାର୍ଚ୍ଚ ୪ ତାରିଖରେ ଆମେରିକା ଭାରତ ସମେତ କେତେକ ଦେଶଙ୍କୁ ବାଣିଜ୍ୟରେ ଦେଉଥିବା ପ୍ରାଥମିକତା ସମାପ୍ତ କରିବା ପାଇଁ ନିଷ୍ପତ୍ତି ନେବା ସହ ନୋଟିସ ଜାରି କରିଥିଲା। ହେଲେ ନୋଟିସ୍ ଅବଧିରେ ଭାରତ ସନ୍ତୋଷଜନକ ଉତର ଦେଇ ନଥିବାରୁ ନୋଟିସ ଅନୁସାରେ ଜୁନ ୫ରୁ ଭାରତକୁ ଆଉ ଆମେରିକା ଶୁଳ୍କ ସୁବିଧା ପ୍ରଦାନ କରିପାରିବ ନାହିଁ ବୋଲି ଟ୍ରମ୍ଫ ପ୍ରଶାସନ ଘୋଷଣା କରିଛନ୍ତି ।

ତେବେ ଭାରତ ନିର୍ଦ୍ଧାରିତ ସମୟ ମଧ୍ୟରେ ନିଜର ଜବାବ ରଖିଥିଲା ବୋଲି କହିଛନ୍ତି କେନ୍ଦ୍ର ବାଣିଜ୍ୟ ମନ୍ତ୍ରାଳୟ। ହେଲେ ଆମେରିକା ଏହାକୁ ସ୍ବୀକାର କରିନଥିବା ଅଧିକାରୀ କହିଛନ୍ତି । କିନ୍ତୁ ପ୍ରସଙ୍ଗରେ ଭାରତ ସହ ଆଲୋଚନା ପାଇଁ ଆମେରିକା ଆଗ୍ରହୀ ଥିବା ଜଣପଡିଛି । ଏଣୁ ମୋଦି ସରକାରଙ୍କ ଦ୍ବିତିୟପାଳିରେ ଭାରତ-ଆମେରିକା ସମ୍ପର୍କ କିପରି ରହିବ ତାହା ଆଗାମୀ ଦିନରେ ଜଣାପଡିବ।  

   Related Posts