Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ପୋଲିସ ପତ୍ନୀଙ୍କ ମୃତ୍ୟୁକୁ ନେଇ ସସ୍‌ପେନ୍ସ, ହତ୍ୟା ଅଭିଯୋଗ ଆଣିଲେ ବାପଘର ଲୋକେ

13/11/2019 at 6:32 PM

ବ୍ରହ୍ମପୁର ୧୩।୧୧: ପୋଲିସ୍ କର୍ମଚାରୀଙ୍କ ପତ୍ନୀଙ୍କ ମୃତ୍ୟୁକୁ ନେଇ ସନ୍ଦେହ । ଅଭିଯୋଗ ଆସିଛି ବ୍ରହ୍ମପୁର ସଦର ଥାନା ଅଞ୍ଚଳରୁ । ମୃତକ ହେଲେ ସନିକା ଗମାଙ୍ଗ । ତେବେ ଶ୍ବଶୁର ଘର ଲୋକେ ଏହାକୁ ଆତ୍ମହତ୍ୟା କହୁଥିବା ବେଳେ, ସନିକାଙ୍କ ବାପ ଘର ଲୋକେ ଏହାକୁ ହତ୍ୟା ବୋଲି ଅଭିଯୋଗ କରିଛନ୍ତି । 

ପୋଲିସ କର୍ମଚାରୀଙ୍କ ପତ୍ନୀଙ୍କ ମୃତ୍ୟୁ । ବ୍ରହ୍ମପୁରରେ କାର୍ଯ୍ୟରତ ପୋଲିସ କର୍ମଚାରୀ ମନୋଜ ରଇତଙ୍କ ପତ୍ନୀ ସନିକାଙ୍କ ମୃତ୍ୟୁକୁ ନେଇ ସସପେନ୍ସ । ରିଜର୍ଭ ପୋଲିସ ଆମ୍ବପୁଆରେ କାର୍ଯ୍ୟରତ ମନୋଜଙ୍କ ପତ୍ନୀ  ସନିକାଙ୍କ ମୃତ୍ୟୁ ୧୦ ତାରିଖରେ ହୋଇଛି । ବେକରେ ରଶି ଲଗାଇ ସନିକା ଆତ୍ମହତ୍ୟା କରିଛି ବୋଲି ତାଙ୍କ ବାପ ଘରକୁ ଖବର ଦେଇଥିଲେ ଶ୍ବଶୁର ଘର ଲୋକେ । ତେବେ ଯୌତୁକ ପାଇଁ  ଝିଅକୁ ନିର୍ଯାତନା ଦିଆଯାଉଥିଲା । ଝିଅକୁ ସ୍ବାମୀ, ଶାଶୁ, ଶ୍ବଶୁର, ଦେଢ଼ଶୁର ସମସ୍ତେ ମିଶି ହତ୍ୟା କରିଥିବା ଅଭିଯୋଗ କରିଛନ୍ତି ସନିକାଙ୍କ ବାପ ଘର ଲୋକେ । ଘଟଣାର ତଦନ୍ତ କରି ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ପରିବାର ଲୋକେ । 

ତେବେ ହତ୍ୟା ଅଭିଯୋଗକୁ ଖଣ୍ଡନ କରିଛନ୍ତି ଶ୍ବଶୁର ଘର ପରିବାବର୍ଗ। ଭାଇ ଏବଂ ବୋହୂ ମଧ୍ୟରେ ଝଗଡା ଲାଗୁଥିଲା। ତାହା ସାମାନ୍ୟ କଳହ। କିନ୍ତୁ ବୋହୂ ବୋଧେ ହୁଏ ରାଗରେ ବେକରେ ଦଉଡି ଦେଇ ଆତ୍ମହତ୍ୟା କରିଛି ବୋଲି ଶ୍ବଶୁର ଘର ପରିବାରବର୍ଗ କହିଛନ୍ତି। ସେପଟେ ପୋଲିସ ମୃତଦେହ ଜବତ କରିବା ସହ ପୋଷ୍ଟମର୍ଟମ ପାଇଁ ବ୍ରହ୍ମପୁର ବଡ ମେଡିକାଲକୁ ପଠାଇଛି। ପୋଷ୍ଟମର୍ଟମ ରିପୋର୍ଟ ମିଳିବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ବ୍ରହ୍ମପୁର ଏସପି କହିଛନ୍ତି।

ହତ୍ୟା ନା ଆତ୍ମହତ୍ୟା ଏହାକୁ ନେଇ ସନ୍ଦେହ ସୃଷ୍ଟି ହୋଇଥିବା ବେଳେ ପୋଲିସ ତଦନ୍ତ ଜାରି ରହିଛି । ଏବେ କେବଳ ଅପେକ୍ଷା ପୋଷ୍ଟମର୍ଟମ୍ ରିପୋର୍ଟକୁ  ।

   Related Posts