Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେବାଳିଆ ଦ୍ଵାର ଦେଶରେ ଥିବା ଶ୍ରୀଲଙ୍କା ପାଇଁ ଅକ୍ସିଜେନ ପାଲଟିଲା ଭାରତ, ଦେଲା ଏତେ କୋଟି ସହାୟତା
  • ||
  • ପଞ୍ଚାୟତ ନିର୍ବାଚନ ପାଇଁ କଂଗ୍ରେସର ୧୮ ଜଣିଆ ନିର୍ବାଚନ କମିଟି, ନରସିଂହ ଅଧ୍ୟକ୍ଷ
  • ||
  • ପଞ୍ଚାୟତ ନିର୍ବାଚନ: ପ୍ରଥମ ଦିନରେ ନାମାଙ୍କନପତ୍ର ଦାଖଲ କଲେ ୮୭୭୨ ଜଣ ପ୍ରାର୍ଥୀ
  • ||
  • ପୁଣି ନିରାଶ ହେଲେ ସୁମିତ୍, ଆବେଦନ ଖାରଜ କଲେ ଏସଡିଜେଏମ କୋର୍ଟ
  • ||
  • ପଞ୍ଚାୟତ ନିର୍ବାଚନ ପୂର୍ବରୁ ହିଂସା ! ସମିତି ସଭ୍ୟାଙ୍କ ଗାଡି ଜାଳିଦେଲେ ଦୁର୍ବୃତ୍ତ
  • ||
  • ମହିଳାଙ୍କ ଦେହରେ ନିଆଁ ଲଗାଇ ଦେଲେ ଧରମ ଭାଇ ! ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି
  • ||
  • ବିଲଡର୍ ସଂସ୍ଥାର ଘର ଉପରେ ବୋମାମାଡ, ୩ ଶ୍ରମିକ ଆହତ
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||

ବିଜେଡି: ୩ ଆସନର ଟିକେଟ ଝୁଲିଛି, ୩ ଆସନରେ ବଦଳିପାରେ ଟିକେଟ: ଶଶୀଙ୍କ ଥଇଥାନ ପାଇଁ ଚାଲିଛି ବିଚାର

3/04/2019 at 6:09 PM

ଭୁବନେଶ୍ବର ୩|୪: ବିଜେଡି ଟିକେଟ କସରତ ଏବେ ରୋଚକ ସ୍ଥିତିରେ । ବାକିଥିବା ୩ ଆସନ ପାଇଁ ଏଯାଏଁ ଦଳ କାହା ନାଁ ଉପରେ ମୋହର ମାରିନଥିବା ବେଳେ କିଛି ନେତାଙ୍କ ଠାରୁ ଟିକେଟ ପ୍ରତ୍ୟାହାର କରିବା ଯୋଜନାରେ ଅଛି ବିଜେଡି । ଯାହାକୁ ନେଇ ଦଳ ଭିତରେ ନୂଆ ସମୀକରଣ ହେବାକୁ ଯାଉଛି ।

୧୪୭ରୁ ପୁଣି ବାକିଅଛି ୩ ।  କେନ୍ଦ୍ରାପଡ଼ା, ଚମ୍ପୁଆ, ବାରପଦାରେ ଝୁଲିଛି।  ସେପଟେ ଟିକେଟ ନେଇଥିବା କିଛି ନେତା ଏବେ ବି ସସପେନ୍ସ ଭିତରେ ଅଛନ୍ତି ଯେ ସେମାନଙ୍କୁ ନୋମିନେସନ କରିବାକୁ ଅନୁମତି ମିଳିବ କି ନାହିଁ । ଯେଉଁ କିଛି ନାଁ ଏବେ ଚର୍ଚାରେ ଅଛନ୍ତି ସେମାନଙ୍କ ଭିତରେ ନିଆଳିରୁ ଟିକେଟ ନେଇଥିବା ପ୍ରମୋଦ ମଲ୍ଲିକଙ୍କ ନାଁ ଆଗରେ ଅଛି । ତାଙ୍କ ନାଁ ଘୋଷଣା ହୋଇସାରିଥିଲେ ବି ତାଙ୍କ ଟିକେଟ କାଟି ଶଶୀଭୂଷଣ ବେହେରାଙ୍କୁ ସେଠି ଥଇଥାନ କରିବା ନେଇ ଆଲୋଚନା ହେଉଛି ।

ସେହିଭଳି ଭଦ୍ରକରୁ ସଂଜୀବ ମଲ୍ଲିକଙ୍କ ଟିକେଟ ପ୍ରତ୍ୟାହାର ହୋଇପାରେ ବୋଲି ଚର୍ଚା ହେଉଛି । ସେଠି ବିଧାୟକ ଯୁଗଳ ପଟନାୟକଙ୍କ ପୁଅ ଅସିତ ପଟ୍ଟନାୟକ ଟିକେଟ ପାଇପାରନ୍ତି ବୋଲି କଥା ଉଠିଲାଣି । ସେହିଭଳି କାକଟପୁରରୁ ବିଜେଡି ଟିକେଟ ନେଇଥିବା ସୁରେନ୍ଦ୍ର ସେଠୀଙ୍କୁ ଡ୍ରପ କରି ବିଜେପି ଟିକେଟ ଫେରାଇ ବିଜେଡିରେ ମିଶିଥିବା ତୁଷାରକାନ୍ତ ବେହେରାଙ୍କୁ ଦଳ ଲଢେଇବ ବୋଲି ଆଲୋଚନା ହେଉଛି ।

ସେପଟେ ବାକିଥିବା ୩ ବିଧାନସଭା ପାଇଁ କାହାକୁ ଟିକେଟ ମିଳିବ ସେନେଇ ବଡ କସରତ ଜାରି ରହିଛି । ଚମ୍ପୁଆରୁ ସନା ମହାକୁଡ଼ଙ୍କ ପ୍ରାର୍ଥିଙ୍କୁ ଟିକେଟ ଦେବାକୁ ଦଳ ବିଚାର କରୁଥିବା ନେଇ ଆଲୋଚନା ହେଉଛି । ଏଭଳି ହେଲେ ସେଠାରୁ ବିଜେଡି ଟିକେଟ ଆଶାୟି କୁଶ ଆପଟ ଶଙ୍ଖ ଛାଡି ପଦ୍ମ ପୋଖରିକୁ ଡିଆଁ ମାରିବା ଯୋଜନାରେ ଅଛନ୍ତି । ସେହିଭଳି ବାରିପଦା ସିଟକୁ ନେଇ ଏବେ ବି ଦ୍ବନ୍ଦରେ ଅଛି ଦଳ । ସେଠାରେ ଉପବାଚସ୍ପତି ସାନନ୍ଦ ମାରାଣ୍ଡିଙ୍କୁ ହଟାଇ ନୂଆ ମୁହଁକୁ ଆଣିବାକୁ ଦଳ ଚିନ୍ତା କରୁଛି ।

ସେପଟେ କେନ୍ଦ୍ରାପଡା ଆସନରୁ କାହାକୁ ଟିକେଟ ଦିଆଯିବ ତାକୁ ନେଇ ବି ଅଙ୍କ ଛିଣ୍ଡୁନି । କିଶୋର ତରାଇଙ୍କୁ ହଟାଇ ସିପ୍ରା ମଲ୍ଲିକଙ୍କୁ ଦିଆଯିବ ନା ନୂଆ ମୁହଁ ଆସିବ ତାଉପରେ ବି  ଆଲୋଚନା ଜାରି ରହିଛି ।ଯେଉଁଥିପାଇଁ ଏହି ୩ ସିଟ ଉପରେ କସରତ ଚାଲିଛି ।…

   Related Posts