Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାରବାଟୀରେ ହେବନି ଭାରତ-ଓ୍ଵେଷ୍ଟଇଣ୍ଡିଜ ଟି-୨୦ ମ୍ୟାଚ୍, ଦର୍ଶକ ନିରାଶ
  • ||
  • ଆଇପିଏଲ ନିଲାମୀ ତାଲିକାରୁ କ୍ରିସ୍ ଗେଲ୍‌ଙ୍କ ସମେତ ଏହି ଖେଳାଳି ବାହାର
  • ||
  • Syed Modi International: ଫାଇନାଲ୍‌ରେ ପହଞ୍ଚିଲେ ପିଭି ସିନ୍ଧୁ, ମାଲଭିକାଙ୍କ ସହ ଟାଇଟଲ୍‌ ମୁକାବିଲା
  • ||
  • IPLରେ ଜଲଓ୍ବା ଦେଖାଇବେ ଶ୍ରୀସନ୍ତ, ନିଲାମୀ ପାଇଁ ବେସ୍‌ ପ୍ରାଇସ୍ ରହିଛି ୫୦ ଲକ୍ଷ ଟଙ୍କା
  • ||
  • ଜାମ୍ମୁ କାଶ୍ମୀରରେ ଭାରତୀୟ ସେନା ପକ୍ଷରୁ ଏନକାଉଣ୍ଟର, ଜଣେ ଆତଙ୍କବାଦୀ ସଫା, ସର୍ଚ୍ଚ ଅପରେସନ ଜାରି
  • ||
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||

ଭଉଣୀ ଦେଲେ ସୂଚନା: ସୁଶାନ୍ତଙ୍କର ନଥିଲା କିଛି ଆର୍ଥିକ ସମସ୍ୟା, ପୋଲିସକୁ ଜଣାଇଲେ ଗୁରୁତ୍ଵପୂର୍ଣ୍ଣ କଥା

15/06/2020 at 3:04 PM

ମୁମ୍ବାଇ ୧୫।୦୬: ସୁଶାନ୍ତ ସିଂହ ରାଜପୁତଙ୍କ ପରଲୋକ ଖବର ସମସ୍ତଙ୍କୁ ସବ୍ଧ କରିଛି। ୩୪ ବର୍ଷୀୟ ବଲିଉଡର ଏହି ଉଦୟମାନ ଗତ କିଛି ମାସ ହେବ ମାନସିକ ଚିନ୍ତାରେ ଥିଲେ ଏବଂ ଡିପ୍ରେସନର ଚିକିତ୍ସା କରାଉଥିଲେ। ତାଙ୍କ ମୃତ୍ୟୁ ପରେ ପୂରା ପରିବାର ଭାଙ୍ଗି ପଡିଛି। ଫିଲ୍ମ ଇଣ୍ଡଷ୍ଟ୍ରିରେ ଶୋକର ଲହରି ଖେଳି ଯାଇଛି। ଏବେ ନୂତନ ରିପୋର୍ଟରୁ ଜାଣିବାକୁ ମିଳିଛି ଯେ, ତାଙ୍କ ଭଉଣୀ ସୁଶାନ୍ତ ସିଂହ ମାନସିକ ଦୁଶ୍ଚିନ୍ତାରେ ରହୁଥିବା ଜାଣିଥିଲେ।

ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁର ରହସ୍ୟ ଖୋଲିବା ଲାଗି ମୁମ୍ବାଇ ପୋଲିସର ତଦନ୍ତ ଜାରି ରହିଛି। ଏହି କ୍ରମରେ ପୋଲିସ ସୁଶାନ୍ତଙ୍କ ଉଭଣୀଙ୍କ ସହ କଥାବାର୍ତ୍ତା ହୋଇଛନ୍ତି। ଏହି ଆଲୋଚନାରୁ କିଛି ମହତ୍ଵପୂର୍ଣ୍ଣ କଥା ସାମ୍ନାକୁ ଆସିଛି। ଭଉଣୀ ପୋଲିସଙ୍କୁ କହିଛନ୍ତି ଯେ, ସୁଶାନ୍ତଙ୍କ କୌଣସି ଆର୍ଥିକ ସମସ୍ୟା ନଥିଲା। ଆର୍ଥିକ ରୂପେ ସବୁ କିଛି ଠିକ୍ ଥିଲା। ମାତ୍ର ଗତ ସପ୍ତାହରୁ ସୁଶାନ୍ତ ଅଣନିଃଶ୍ଵାସୀ ଅନୁଭବ କରୁଥିଲେ।

ଭଉଣୀ କହିଛନ୍ତି ସେ, ସୁଶାନ୍ତଙ୍କୁ ଭେଟିବାକୁ ତାଙ୍କ ବାନ୍ଦ୍ରା ସ୍ଥିତ ବାସଭବନକୁ ଯାଇଥିଲେ। ସେ ଏହାର ମଧ୍ୟ ଖୁଲାସା କରିଛନ୍ତି ଯେ, ସେ ସୁଶାନ୍ତଙ୍କ ଡିପ୍ରେସନ ବିଷୟରେ ଜାଣିଥିଲେ। ମାତ୍ର ତାଙ୍କୁ ଜଣା ନଥିଲା ଯେ, ସୁଶାନ୍ତ ଏତେ ବଡ ଏବଂ ଭୟାନକ ପଦକ୍ଷେପ ଉଠାଇବେ। ଭଉଣୀଙ୍କ ଅନୁଯାୟୀ ସୁଶାନ୍ତ ମାଟିର ସନ୍ତାନ ଥିଲେ। ସେ ସର୍ବଦା ସାଧାସିଧା କଥା ହେଉଥିଲେ।

ସୂତ୍ର ଅନୁଯାୟୀ ସୁଶାନ୍ତ ଗତ କିଛି ଦିନରୁ ଡିପ୍ରେସନ ଔଷଧ ଖାଇବା ବନ୍ଦ କରି ଦେଇଥିଲେ। ସେ କ୍ଲିନିକାଲି ଡିପ୍ରେସନର ଶିକାର ଥିଲେ। କିନ୍ତୁ ପୋଲିସକୁ ଏହାର ଆନୁଷ୍ଠାନିକ ସୂଚନା ଦେବା ବାକି ରହିଛି। ସୁଶାନ୍ତଙ୍କ ମ୍ୟାନେଜରଙ୍କୁ ତାଙ୍କ ଫୋନର ପାସଓ୍ଵାର୍ଡ ଜଣା ଥିଲା, ଯାହା ଜରିଆରେ ପୋଲିସ ଜାଣିବାକୁ ପାଇଥିଲା ଯେ, ସୁଶାନ୍ତ ଶେଷ କଲ୍ ନିଜ ସାଙ୍ଗ ମହେଶ କୃଷ୍ଣା ସେଟ୍ଟୀଙ୍କୁ କରିଥିଲେ। ଏହା ପରେ ସେ ନିଜ ଭଉଣୀଙ୍କୁ ମଧ୍ୟ ଫୋନ କରିଥିଲେ ଏବଂ କିଛି ସମୟ କଥା ହୋଇଥିଲେ। ମହେଶ ସୁଶାନ୍ତଙ୍କୁ ପାଲଟା କଲ୍‌ ମଧ୍ୟ କରିଥିଲେ। କିନ୍ତୁ ସେତେବେଳକୁ ସୁଶାନ୍ତ ଆତ୍ମହତ୍ୟା କରି ସାରିଥିଲେ। ଏଥିପାଇଁ ମହେଶଙ୍କକୁ କଲ୍‌ର ଜବାବ ମିଳିନଥିଲା।

ଏହି ମାମଲାରେ ସୁଶାନ୍ତଙ୍କ ଫୋନ୍‌ ଯାଞ୍ଚରେ ମହତ୍ଵପୂର୍ଣ୍ଣ ଭୂମିକା ନିଭାଇ ପାରେ। ପୋଲିସ ତାଙ୍କ ଫୋନ୍ କଲ୍‌ର ରେକର୍ଡ ଯାଞ୍ଚ କରୁଛି। ପୋଲିସ ନିଜ ତଦନ୍ତରୁ ଆର୍ଥିକ ସମସ୍ୟାକୁ ହଟାଇ ଦେଇଛି। ପୋଲିସ ସଂପ୍ରତି ସୁଶାନ୍ତଙ୍କ ସାଙ୍ଗ ଏବଂ ସଂପର୍କୀୟଙ୍କ ଉପରେ ଫୋକସ୍‌ କରୁଛି। ସେମାନଙ୍କୁ ପୋଲିସ ପଚରାଉଚୁରା କରିବାକୁ ଯାଉଛି।

   Related Posts