Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

୬ ମାସ ହେଲା ଡିପ୍ରେସନରେ ଥିଲେ ସୁଶାନ୍ତ : ଚାଲିଥିଲା ଚିକିତ୍ସା, ପୁଣି ହଠାତ ଏମିତି କ’ଣ ହେଲା ଯେ…

14/06/2020 at 3:44 PM

ମୁମ୍ବାଇ ୧୪/୦୬ : ବଲିଉଡର ଲୋକପ୍ରିୟ କଳାକାର ସୁଶାନ୍ତ ସିଂହ ରାଜପୁତ ରବିବାର ଦିନ ବେକରେ ରସି ଲଗାଇ ଆତ୍ମହତ୍ୟା କରିଛନ୍ତି | ତାଙ୍କ ଘରୋଇ ସହାୟକ ତାଙ୍କ ମୃତଦେହ ପଙ୍ଖାରେ ଝୁଲିଥିବା ଦେଖି ପୋଲିସକୁ ସୂଚନା ଦେଇଥିଲେ | ସୂଚନା ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ମାମଲାର ତଦନ୍ତ ଜାରି ରହିଛି |

ସୂତ୍ରରୁ ଜଣାପଡିଛି , ସୁଶାନ୍ତ ଗତ ୬ ମାସ ହେଲା ଡିପ୍ରେସନରେ ଥିଲେ | ସେଥିପାଇଁ ସେ ଡାକ୍ତରଙ୍କୁ ପରାମର୍ଶ କରି ଔଷଧ ମଧ୍ୟ ଖାଉଥିଲେ | ଯେତେବେଳେ ସୁଶାନ୍ତ ଆତ୍ମହତ୍ୟା କରିଛନ୍ତି ସେତେବେଳେ ତାଙ୍କ ସାଙ୍ଗ ତାଙ୍କ ଘରେ ଥିଲେ | କିନ୍ତୁ ସେ ଅଲଗା କୋଠରୀରେ ଥିଲେ | ପୋଲିସ ତାଙ୍କ ସାଙ୍ଗକୁ ପଚରାଉଚୁରା କରିପାରେ | ୩ ଡାକ୍ତରଙ୍କ ଟିମ ମୃତଦେହ ବ୍ୟବଚ୍ଛେଦ କରୁଛନ୍ତି |

ତାଙ୍କ ଘରେ କାମ କରୁଥିବା ସହାୟକ ପୋଲିସକୁ କହିଛନ୍ତି ଯେ ଗତକାଲି ସେ ବହୁତ ଚିନ୍ତାରେ ଥିଲେ | ସହାୟକ ଆସି ବେଲ ମାରିଥିଲେ | କିନ୍ତୁ ବହୁତ ସମୟ ଯାଏଁ କବାଟ ନ ଖୋଲିବାରୁ ସେ ଅଲଗା ଚାବିରେ କବାଟ ଖୋଲିଥିଲେ | ଘର ଭିତରକୁ ପ୍ରବେଶ କରି ସେ ଦେଖିଲେ ସୁଶାନ୍ତଙ୍କ ମୃତଦେହ ପଙ୍ଖାରେ ଝୁଲୁଛି | 

ସୂଚନାଯୋଗ୍ୟ ଯେ, ୬ ଦିନ ପୂର୍ବରୁ, ଜୁନ ୮ ତାରିଖରେ ସୁଶାନ୍ତଙ୍କ ପୂର୍ବତନ ମ୍ୟାନେଜର ଦିଶା ସଲିୟନ ମୁମ୍ବାଇର ଏକ କୋଠାରୁ ଡେଇଁ ଆତ୍ମହତ୍ୟା କରିଥିଲେ | ମୁମ୍ବାଇ ମଲାଡ଼ ସ୍ଥିତ ଏକ ଆପାର୍ଟମେଣ୍ଟର ୧୪ ମହଲାରୁ ଡେଇଁ ଆତ୍ମହତ୍ୟା କରିଥିଲେ | ତାଙ୍କୁ ତୁରନ୍ତ ହସ୍ପିଟାଲକୁ ନିଆଯାଇଥିଲା | ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ |

ସୁଶାନ୍ତ ୧୯୮୬ ମସିହା ଜାନୁଆରୀ ୨୧ ତାରିଖରେ ବିହାର ପାଟଣାରେ ଜନ୍ମ ହୋଇଥିଲେ | ୨୦୦୦ ମସିହା ଆରମ୍ଭ ଆଡକୁ ତାଙ୍କ ପରିବାର ଦିଲ୍ଲୀକୁ ସ୍ଥାନାନ୍ତର କରିଥିଲେ | ସୁଶାନ୍ତଙ୍କ ୪ ଭଉଣୀ | ୪ ଭଉଣୀରେ ସେ ଜଣେ ଭାଇ ଥିଲେ | 

   Related Posts