ମୁମ୍ବାଇ, ୧୫|୦୮: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାର ଯାଞ୍ଚ ସିବିଆଇ କରୁଛି । କିନ୍ତୁ ପ୍ରତିଦିନ କିଚି ନା କିଛି ନୂଆ ତଥ୍ୟ ସାମ୍ନାକୁ ଆସୁଛି । ସୁଶାନ୍ତଙ୍କ ପିତା କେକେ ସିଂଙ୍କ ଓକିଲ ବିକାଶ ସିଂ ପୋଷ୍ଟମଟର୍ମକୁ ନେଇ ଚକିତ କଲାଭଳି ତଥ୍ୟ ସାମ୍ନାକୁ ଆଣିଛନ୍ତି । ତାଙ୍କୁ ଯେଉଁ ପୋଷ୍ଟ ମଟର୍ମ ରିପୋର୍ଟ ମିଳିଛି ସେଥିରେ ଟାଇମ୍ ଅଫ୍ ଡେଥ୍ ବା ମୃତ୍ୟୁ ସମୟ ଉଲ୍ଲେଖ ନାହିଁ । ଯାହା ଅତି ଗୁରୁତ୍ୱପୂର୍ଣ୍ଣ ବୋଲି ବିକାଶ ସିଂ କହିଛନ୍ତି ।
wp:html/wp:htmlसुशांत सिंह राजपूत की जो पोस्टमार्टम रिपोर्ट मुझे देखने को मिली है उसमें टाइम ऑफ डेथ नहीं है। टाइम ऑफ डेथ बहुत महत्वपूर्ण है, इसी से स्पष्ट हो सकता है कि उन्हें मार के लटकाया गया या लटककर मरे :विकास सिंह, सुशांत सिंह राजपूत के पिता के वकील #SushantSinghRajputCase pic.twitter.com/TK2DFR9Zkg
— ANI_HindiNews (@AHindinews) August 15, 2020
ବିକାଶ କହିଛନ୍ତି ଯେ, ରିପୋର୍ଟରେ ମୃତ୍ୟୁର ସମୟ ବାବଦରେ କୌଣସି ସୂଚନା ନାହିଁ । ଏଥିରୁ ହିଁ ସୁଶାନ୍ତଙ୍କୁ ହତ୍ୟା କରାଯାଇ ଲଟକା ଯାଇଛି ନା ସେ ଆତ୍ମହତ୍ୟା କରିଛନ୍ତି ତାହା ସ୍ପଷ୍ଟ ହେବ । ମୁମ୍ବାଇ ପୋଲିସ ଓ କୁପର ହସ୍ପିଟାଲକୁ ଏନେଇ ଜବାବ ଦେବାକୁ ପଡିବ । ମାମଲା ଏବେ ସିବିଆଇ ପାଖରେ ରହିଛି । କିନ୍ତୁ ସବୁ ଦିଗରୁ ତଦନ୍ତ ହେବା ଆବଶ୍ୟକ । ଗଭୀରକୁ ନଗଲେ ସତ୍ୟ ସାମ୍ନାକୁ ଆସିବ ନାହିଁ ବୋଲି ସେ କହିଛନ୍ତି।
ସୁଶାନ୍ତ ସିଂହ ରାଜପୁତଙ୍କ ନିଧନକୁ ୨ ମାସ ହୋଇଯାଇଛି । ଗତ ଜୁନ ୧୪ ତାରିଖରେ ତାଙ୍କର ମୃତ୍ୟୁ ହୋଇଥିଲା । ସେ ରହୁଥିବା ଫ୍ଲାଟର ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର କରାଯାଇଥିଲା । ତାଙ୍କ ମୃତ୍ୟୁ ଏବେ ମଧ୍ୟ ପ୍ରଶ୍ନ ଘେରରେ ରହିଛି । ଏହି ଅଭିନେତାଙ୍କ ମୃତ୍ୟୁ କାହିଁକି ଏବଂ କିପରି ହୋଇଛି ତାହା ଏବେବି ରହସ୍ୟଘେରରେ ରହିଛି ।