ନୂଆଦିଲ୍ଲୀ ୨୦/୦୪: ସ୍ୱର୍ଗତ ଅଭିନେତା ସୁଶାନ୍ତ ସିଂ ରାଜପୁତଙ୍କ ଜୀବନୀ ଉପରେ ବାୟୋପିକ୍ ପ୍ରସ୍ତୁତ କରିଥିବା ନିର୍ମାତାଙ୍କୁ ଦିଲ୍ଲୀ ହାଇକୋର୍ଟ ଏକ ନୋଟିସ୍ ଜାରି କରିଛନ୍ତି । ଫିଲ୍ମ ଉପରେ ପ୍ରତିବନ୍ଧକ ଲଗାଇବାକୁ ସୁଶାନ୍ତ ସିଂ ରାଜପୁତଙ୍କ ବାପା ଦାବି କରିଛନ୍ତି । ତାଙ୍କ ଆବେଦନର ଶୁଣାଣି କରି କୋର୍ଟ ନିର୍ମାତାଙ୍କୁ ଜବାବ ମାଗିଛନ୍ତି । ଏହି ଫିଲ୍ମ ଉପରେ ପ୍ରତିବନ୍ଧକ ଲଗାଇବା ସହିତ ତାଙ୍କ ଜୀବନୀ ଉପରେ ଅନ୍ୟ କୌଣସି ଫିଲ୍ମ ନିର୍ମାଣ ଉପରେ ପ୍ରତିବନ୍ଧକ ଲଗାଇବାକୁ ସୁଶାନ୍ତଙ୍କ ବାପା କୋର୍ଟକୁ ନିବେଦନ କରିଛନ୍ତି ।

{"width":632,"height":355}

ତାଙ୍କ ବାପାଙ୍କ କହିବା କଥା ସୁଶାନ୍ତଙ୍କ ଜୀବନ ଉପରେ କୌଣସି ଫିଲ୍ମ ନିର୍ମାଣ କରିବା ନିଜଶ୍ୱ ମୌଳିକ ଅଧିକାରର ଉଲଂଘନ ଅଟେ । ଅଭିନେତାଙ୍କ ଜୀବନ ଉପରେ କୌଣସି ଫିଲ୍ମ କିମ୍ବା ପ୍ରକାଶନ ପୂର୍ବରୁ ତାଙ୍କ ଉତ୍ତରାଧିକାରୀଙ୍କଠାରୁ ଅନୁମୋଦନ ପାଇବା ଆବଶ୍ୟକ । କେବଳ ଏତିକି ନୁହେଁ, ସୁଶାନ୍ତଙ୍କ ବାପାଙ୍କ ପକ୍ଷ ନେଇ ଓକିଲ ବିକାଶ ସିଂ କହିଛନ୍ତି ଯେ ଫିଲ୍ମକୁ ଭୁଲ ଢଙ୍ଗରେ ଚିତ୍ରଣ କରିବାକୁ ମଧ୍ୟ ଉଦ୍ୟମ କରାଯାଇଛି । ସେ କହିଛନ୍ତି ଯେ ଏହି କାର୍ଯ୍ୟ କେବଳ ସେହି ଲୋକମାନେ କରିଛନ୍ତି, ଯେଉଁମାନଙ୍କ ଉପରେ ସୁଶାନ୍ତ ସିଂ ରାଜପୁତଙ୍କୁ ଆତ୍ମହତ୍ୟା କରିବାକୁ ପ୍ରବର୍ତ୍ତାଇଥିବା ଅଭିଯୋଗ ରହିଛି ।

{"width":634,"height":423}

ସେ କହିଛନ୍ତି ଯେ ସୁଶାନ୍ତ ସିଂ ରାଜପୁତଙ୍କ ଉପରେ ନିର୍ମିତ କୌଣସି ଫିଲ୍ମ ତାଙ୍କ ମୃତ୍ୟୁ ମାମଲାରେ ସାକ୍ଷୀଙ୍କୁ ପ୍ରଭାବିତ କରିବ । ଏହା ବ୍ୟତୀତ ଜନସାଧାରଣଙ୍କ ମଧ୍ୟରେ ଧାରଣାକୁ ପରିବର୍ତ୍ତନ କରିବା ପାଇଁ ମଧ୍ୟ ଉଦ୍ୟମ କରାଯାଉଛି । ସୁଶାନ୍ତଙ୍କ ବାପା କହିଛନ୍ତି ଯେ ମୋ ପୁଅର ମୃତ୍ୟୁ ଦ୍ୱାରା ଅନେକ ଲୋକ ଚର୍ଚ୍ଚା ପାଇବାକୁ ଚେଷ୍ଟା କରିଛନ୍ତି । ଏହି ଲୋକମାନେ ପୁରା କାହାଣୀକୁ ନିଜ ଢଙ୍ଗରେ କରିଛନ୍ତି । ଏହା ଆମ ପରିବାରର ସମ୍ମାନର ମୂଲ୍ୟରେ କରାଯାଇଛି । ସୁଶାନ୍ତଙ୍କ ଉପରେ ନିର୍ମିତ କୌଣସି ଫିଲ୍ମ କିମ୍ବା ୱେବ୍ ସିରିଜ୍ ପରିବାରର ପ୍ରତିଷ୍ଠାକୁ କ୍ଷତି ପହଞ୍ଚାଇବ ।