Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନା ବେଲଗାମ୍, ଦେଶରେ ୨୪ ଘଣ୍ଟାରେ ୩ ଲକ୍ଷ ୩୨ ହଜାରରୁ ଅଧିକ କେସ୍, ୨୨୬୩ ମୃତ
  • ||
  • ଦୁର୍ଘଟଣାରେ ଆହତ ହେଲେ ମଞ୍ଚ କଳାକାର ରତିକାନ୍ତ ବେହେରା, ହସ୍ପିଟାଲରେ ଭର୍ତ୍ତି
  • ||
  • ଚାଲିଥିଲା ଚୋରା ବନ୍ଧୁକ କାରବାର, ମାଡିବସିଲା ପୋଲିସ, ପିସ୍ତଲ ଜବତ
  • ||
  • ସଂକ୍ରମଣ ସାଙ୍ଘାତିକ, ୨୪ ଘଣ୍ଟାରେ ରାଜ୍ୟରେ ବାହାରିଲେ ୬୨୧୫ ପଜିଟିଭ୍
  • ||
  • ଏବେ ୪ ଘଣ୍ଟା ଖୋଲା ରହିବ ବ୍ୟାଙ୍କ୍, ଅଧା କର୍ମଚାରୀରେ ଚାଲିବ କାର୍ଯ୍ୟ
  • ||
  • ହସ୍ପିଟାଲ ଆଇସିୟୁରେ ଅଗ୍ନିକାଣ୍ଡ, ଜୀଅନ୍ତା ଜଳିଗଲେ ୧୨ କରୋନା ଆକ୍ରାନ୍ତ
  • ||
  • ୩ ଦିନ ପାଇଁ ପଞ୍ଚାୟତ ସଟଡାଉନ୍, ସଂକ୍ରମଣ ବୃଦ୍ଧି ପରେ ପ୍ରଶାସନର ବଡ ପଦକ୍ଷେପ
  • ||

ଶ୍ରୀମନ୍ଦିର ପରେ ମିଶନ ଲିଙ୍ଗରାଜ : ହଟିବ ଜବରଦଖଲ, ବଢିବ ସୌନ୍ଦର୍ଯ୍ୟ

15/10/2019 at 9:56 AM

ଭୁବନେଶ୍ବର ୧୫।୧୦: ଶ୍ରୀକ୍ଷେତ୍ର ପରେ ଏବେ ମିଶନ ଲିଙ୍ଗରାଜ ମନ୍ଦିର । ହଟିବ ଜବରଦଖଲ, ବଢିବ ସୌନ୍ଦର୍ଯ୍ୟ । ଆଜିଠାରୁ ମନ୍ଦିର ଚାରିପାଖରେ ଆରମ୍ଭ ହେବ ସର୍ଭେ । ଭୁବନେଶ୍ବରର ଆରାଧ୍ୟ ଦେବତା ପ୍ରଭୁ ଶ୍ରୀଲିଙ୍ଗରାଜ ମନ୍ଦିର ଶୋଭା ବୃଦ୍ଧି ସହ ଏହାର ଚତୁଃପାର୍ଶ୍ବରୁ ଜବରଦଖଲ ହଟାଯିବ । ଏନେଇ ବ୍ଲୁ-ପ୍ରିଣ୍ଟ ପ୍ରସ୍ତୁତ କରାଯାଇଛି । ମନ୍ଦିରର କେଉଁ ପାର୍ଶ୍ବରେ କେତେ ଜମି ଜବରଦଖଲ ହୋଇଛି ? କେତେ ସରକାରୀ ଜମି ରହିଛି ?  ସ୍ଥିତିବାନ ପ୍ଲଟ କେତେ ରହିଛି ? ଏସବୁ ବିଷୟରେ ଆଲୋଚନା ହୋଇଛି ।

ଆଜି ଏବଂ କାଲି ଦୁଇଦିନ ଧରି ମନ୍ଦିର ଚତୁଃପାର୍ଶ୍ବ ସର୍ଭେ କରାଯିବ । ଭୁବନେଶ୍ବର ମହାନଗର ନିଗମ, ଭୁବନେଶ୍ବର ଉନ୍ନୟନ କର୍ତ୍ତୃପକ୍ଷ, ସାଧାରଣ ପ୍ରଶାସନ ବିଭାଗ ଓ ଶ୍ରୀଲିଙ୍ଗରାଜ ମନ୍ଦିର ପ୍ରଶାସନ ମିଳିତ ଭାବେ ଏହି ସର୍ଭେ କରିବେ । ଅନୁଧ୍ୟାନ ପରେ ଚୂଡ଼ାନ୍ତ ରିପୋର୍ଟ ପ୍ରସ୍ତୁତ କରାଯିବ । କେଉଁ ପାର୍ଶ୍ବରେ କେତେକ ସ୍ଥିତିବାନ ପ୍ଲଟ ରହିଛି, ତାହାକୁ ଅଧିକ ପ୍ରାଧାନ୍ୟ ଦିଆଯିବ ।

ଏଥିସହ ସରକାରୀ ଜମିଗୁଡ଼ିକ ବି ସର୍ଭେ ହେବ । ସ୍ଥିତିବାନ ଓ ସରକାରୀ ଜମି ବ୍ୟତୀତ ଆଉ କେଉଁ ବର୍ଗର କେତେ ଜମି ରହିଛି, ତାହାକୁ ବି ଅନୁଧ୍ୟାନ ପରିସରଭୁକ୍ତ କରାଯିବ । ମନ୍ଦିର ବ୍ୟତୀତ ବିନ୍ଦୁସାଗର ଚତୁଃପାର୍ଶ୍ବ ଓ କୋଟିତୀର୍ଥ ଲେନ୍ ଅଞ୍ଚଳ ବି ସର୍ଭେ ହେବ । ସର୍ଭେରେ ୪ଟି ବିଭାଗର ଅଧିକାରୀ ସାମିଲ ହେବେ ।

   Related Posts