Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଲୋକସଭାରେ ପାସ୍ ହେଲା ସରୋଗାସୀ ରେଗୁଲେସନ ବିଲ୍

20/12/2018 at 10:38 AM

ନୂଆଦିଲ୍ଲୀ ୨୦|୧୨:  ଲୋକସଭାରେ ପାସ୍ ହେଲା ସରୋଗାସୀ ରେଗୁଲେସନ ବିଲ୍ । ଏହାଦ୍ବାରା ବ୍ୟବସାୟୀକ ଗର୍ଭ ଭଡ଼ା ଉପରେ ଲାଗିବ ରୋକ୍ । ଲୋକସଭାରେ ଏହି ବିଲ୍‌କୁ ନେଇ ବେଶ୍ ବିତର୍କ ହୋଇଥିଲା । ଏଥିଯୋଗୁଁ ଗୃହରେ ବାରମ୍ବାର ହଟ୍ଟଗୋଳ ମଧ୍ୟ ହୋଇଥିଲା । ତେବେ ଶେଷରେ ବାଚନିକ ଭୋଟ୍‌ରେ ଏହି ସରୋଗାସୀ ବିଲ୍ ପାସ୍ ହୋଇଛି ।

ବିଲ୍‌ରେ ଥିବା ବ୍ୟବସ୍ଥା ଅନୁସାରେ ଯେଉଁ ଦମ୍ପତ୍ତିଙ୍କର ସନ୍ତାନ ଜନ୍ମ ଦେବାର ଦକ୍ଷତା ନଥିବ କେବଳ ସେହିମାନେ ହିଁ ସରୋଗାସୀ ବା ଭଡ଼ାରେ ଗର୍ଭ ଧାରଣ କରିପାରିବେ । ଏଥିପାଇଁ ଗର୍ଭ ଧାରଣ କରୁଥିବା ମହିଳା ଓ ସନ୍ତାନଚାହୁଁଥିବା ଦଂପତ୍ତି ନିର୍ଦ୍ଦିଷ୍ଟ କର୍ତ୍ତୃପକ୍ଷଙ୍କର ଅନୁମତି ନେବେ । ସରୋଗେଟ୍ ମଦର୍ ଏହି ଦଂପତ୍ତିଙ୍କର ନିକଟ ସଂପର୍କୀୟ ହୋଇଥିବା ଆବଶ୍ୟକ । ବିଲ୍‌ରେ ଥିବା ବ୍ୟବସ୍ଥା ଅନୁସାରେ ଜାତୀୟ ସରୋଗାସୀ ବୋର୍ଡ ଗଠନ ପାଇଁ ବ୍ୟବସ୍ଥା ରହିଛି । ରାଜ୍ୟସ୍ତରରେ ସରୋଗାସୀ ବୋର୍ଡ ଏବଂ ଏଥିପାଇଁ ଆଇନ ପ୍ରଣୟନ କରିବାକୁ ଆବଶ୍ୟକ ଅଧିକାରୀଙ୍କୁ ନିଯୁକ୍ତ କରିବାକୁ ବିଲ୍‌ରେ ବ୍ୟବସ୍ଥା ରହିଛି । ଦେଶରେ ବ୍ୟବସାୟୀକ ଗର୍ଭଭଡାକୁ ରୋକିବାକୁ ଏହି ବିଲ୍ ଅଣାଯାଇଥିବା କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ଜେପି ନଡ୍ଡା କହିଛନ୍ତି ।

   Related Posts