ନୂଆଦିଲ୍ଲୀ, ୨୫|୦୮: ଆଇପିଏଲ ୨୦୨୦ ପାଇଁ ଏବେ ସମସ୍ତ ଦଳ ୟୁଏଇରେ କ୍ୱାରେଣ୍ଟାଇନରେ ରହିଛନ୍ତି । ଏହି ଲିଗ୍ ସେପ୍ଟେମ୍ବର ୧୯ରୁ ଆରମ୍ଭ ହେବ । ନଭେମ୍ବର ୧୦ରେ ଫାଇନାଲ୍ ମ୍ୟାଚ୍ ଖେଳାଯିବ ।
କ୍ୱାରେଣ୍ଟାଇନରେ ରହି ମଧ୍ୟ ଖେଳାଳିମାନେ କଠିନ ପରିଶ୍ରମ କରୁଛନ୍ତି। ଫିଟ୍ ରହିବା ପାଇଁ ଅନେକ କିଛି ଟ୍ରେନିଂ କରୁଛନ୍ତି । ଚେନ୍ନାଇ ସୁପର କିଙ୍ଗସ୍ର ବ୍ୟାଟସମ୍ୟାନ୍ ସୁରେଶ ରାଇନା ଇନଷ୍ଟାଗ୍ରାମରେ ନିଜ ଓ୍ୱର୍କଆଉଟର ଭିଡିଓ ସେୟାର କରିଛନ୍ତି ।
wp:html/wp:html
ରାଇନା ନିଜ ହୋଟେଲ ରୁମ୍କୁ ଜିମ୍ କରି ଦେଇଛନ୍ତି । ରୁମରେ ହିଁ ସେ ଅଭ୍ୟାସ ଓ ବ୍ୟାୟାମ କରୁଛନ୍ତି । ଏହାସହ ତାଙ୍କ ରୁମ୍ରେ ଅନେକ ଗୁଡିଏ ଟୋପି ରହିଛି । ଏହାକୁ ନେଇ ତାଙ୍କ ପତ୍ନୀ ପ୍ରିୟଙ୍କା ମଧ୍ୟ ଟ୍ୱିଟ୍ କରିବା ସହ ଭଲ କଲେକ୍ସନ ବୋଲି କହିଛନ୍ତି ।
ସୂଚନାଯୋଗ୍ୟ, ମହେନ୍ଦ୍ର ସିଂ ଧୋନୀ ଅଗଷ୍ଟ ୧୫ରେ ଅନ୍ତର୍ଜାତୀୟ କ୍ରିକେଟରୁ ଅବସର ଗ୍ରହଣ କରିଥିଲେ । ଧୋନୀଙ୍କ ପରେ ରାଇନା ମଧ୍ୟ କ୍ରିକେଟରୁ ବାଏ ବାଏ କରିଥିଲେ । କେବେ ଉଭୟ ଖେଳାଳି ଆଇପିଏଲ ଖେଳିବେ ବୋଲି କହିଥିଲେ ।
