Prameya News7

Prameya News7, News7 Odia, Odisha Latest News, Odisha Current Headlines, Odisha News Online

‘ରାଇନାଙ୍କ ଅନ୍ତରାଷ୍ଟ୍ରୀୟ କ୍ୟାରିଅର ଶେଷ ହୋଇଯାଇଛି, ଦଳରେ ଆଉ ସ୍ଥାନ ନାହିଁ’, ଏମିତି କାହିଁକି କହିଲେ ଅଷ୍ଟ୍ରେଲିଆର ଏହି ମହାନ ବୋଲର

28/07/2020 at 3:46 PM

ନୂଆଦିଲ୍ଲୀ, ୨୮|୦୭: ବିଶ୍ୱର ଜଣେ ଚମତ୍କାର ଫିଲ୍ଡର୍ ଭାବେ ଜଣାଶୁଣା ସୁରେଶ ରାଇନା ଗତ କିଛି ବର୍ଷ ଧରି ଭାରତୀୟ ଦଳରୁ ବାହାରେ ରହିଛନ୍ତି । ତେବେ ସେ ଦଳକୁ ଫେରିବା ନେଇ ଆଶା ଏଯାଏଁ ଛାଡି ନାହାଁନ୍ତି । ସେ ଦଳକୁ ଫେରିବା ନେଇ ନିୟମିତ ଭାବେ ଚେଷ୍ଟା ଚଳାଇଛନ୍ତି । ତେବେ ଅଷ୍ଟ୍ରେଲିଆର ମହାନ ବୋଲର ବ୍ରାଡ୍ ହଗ୍‌ଙ୍କୁ ରାଇନା ଆଉ ଅନ୍ତରାଷ୍ଟ୍ରୀୟ ମ୍ୟାଚ୍ ଖେଳିପାରିବେ ବୋଲି ଲାଗୁନାହିଁ । ରାଇନାଙ୍କ କ୍ୟାରିଅର ଶେଷ ହୋଇଯାଇଥିବା  ସେ କହିଛନ୍ତି ।

ହଗ୍ ନିଜ ୟୁଟ୍ୟୁବ୍ ଚ୍ୟାନେଲରେ କହିଛନ୍ତି ଯେ, ଭାରତୀୟ ଦଳରେ ରାଇନାଙ୍କର ଆଉ କୌଣସି ଭୂମିକା ନାହିଁ । ସେ ୪ ନମ୍ବରରେ ବ୍ୟାଟିଂ କରିପାରିବେ । କିନ୍ତୁ ଏହି କ୍ରମରେ ଶ୍ରେୟାସ ଆୟାର ଭଲ ପ୍ରଦର୍ଶନ କରୁଛନ୍ତି। ରାଇନା ନିମ୍ନକ୍ରମରେ ବ୍ୟାଟିଂ କରିପାରିବେ ନାହିଁ । ସେ ଏପରି ବ୍ୟାଟସମ୍ୟାନ୍ ଯିଏ ୩ ଓ ୪ ନମ୍ବରରେ ବ୍ୟାଟିଂ କରିବା ପସନ୍ଦ କରନ୍ତି । ଏପରି ଭାବେ ତାଙ୍କର ଦଳକୁ ପ୍ରତ୍ୟାବର୍ତ୍ତନ ଏକପ୍ରକାର ଅସମ୍ଭବ ।

ସେ ଆହୁରି କହିଛନ୍ତି ଯେ, ଯଦି ଶିଖର ଧାଓ୍ୱନ ଦଲରୁ ବାଦ୍ ପଡନ୍ତି ତେବେ ରାଇନାଙ୍କୁ ସୁଯୋଗ ମିଳିପାରେ । ଏପରି ହେଲେ ରୋହିତ ଶର୍ମା ଓ କେଏଲ ରାହୁଲ ଓପନିଂ କରିବେ । ରାଇନା ଟି୨୦ରେ ଖେଳିପାରିବେ ବୋଲି ସେ କହିଛନ୍ତି ।

ରାଇନା ଶେଷ ଥର ପାଇଁ ୨୦୧୮ରେ ଦଳ ପାଇଁ ଶେଷ ଦିନିକିଆ ଓ ଟି୨୦ ଖେଳିଥିଲେ । କିନ୍ତୁ ଖରାପ ପ୍ରଦର୍ଶନ ପାଇଁ ତାଙ୍କୁ ଦଳରୁ ବାଦ୍ କରାଯାଇଥିଲା । ଏବେ ରାଇନା କେବଳ ଆଇପିଏଲ ଖେଳୁଛନ୍ତି ।

   Related Posts