Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସୁରଟ ଫେରନ୍ତା କ୍ଵାରାଣ୍ଟାଇନରେ ରହିଲେ : କୋଟାରୁ ଆସୁଛନ୍ତି ଛାତ୍ରଛାତ୍ରୀ, ତାମିଲନାଡୁରେ ଅଟକିଥିବା ଓଡ଼ିଆ ଶ୍ରମିକଙ୍କ ପାଇଁ ମୁଖ୍ୟମନ୍ତ୍ରୀଙ୍କ ସହ ଆଲୋଚନା

30/04/2020 at 7:20 PM

ଭୁବନେଶ୍ୱର ୩୦/୦୪ : ପ୍ରବାସୀ ଓଡ଼ିଆଙ୍କୁ ଓଡ଼ିଶା ଫେରାଇ ଆଣିବା ଚିନ୍ତା । ପ୍ରଥମେ ଗୁଜରାଟ ଓ ମହାରାଷ୍ଟ୍ର ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବା ପରେ ଆଜି ତାମିଲନାଡୁ ମୁଖ୍ୟମନ୍ତ୍ରୀଙ୍କ ସହ କଥା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସେପଟେ ସୁରଟ ପରେ  ଆଜି କୋଟାରୁ ବସରେ ଘର ବାହୁଡ଼ା ହୋଇଛନ୍ତି ଛାତ୍ରଛାତ୍ରୀ ।…

ତାମିଲନାଡୁରେ ଫଶିଥିବା ଓଡ଼ିଆ ଶ୍ରମିକଙ୍କୁ ଫେରାଇ ଆଣିବା ପାଇଁ କସରତ । ତାମିଲନାଡୁ ମୁଖ୍ୟମନ୍ତ୍ରୀ ଇ.କେ. ପାଲାନିସ୍ବାମୀଙ୍କ ସହ ଭିଡିଓ କନଫରେନ୍ସିଂ ମାଧ୍ୟମରେ କଥା ହୋଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଭିଡିଓ କନଫରେନ୍ସିଂ ଯୋଗେ ସାମିଲ ହୋଇଥିଲେ । ଓଡ଼ିଶା ଯେଉଁ ଲୋକମାନେ ତାମିଲନାଡୁରେ ରହିଯାଇଛନ୍ତି ସେମାନେ ଓଡ଼ିଶା ଫେରିବା ପର୍ଯ୍ୟନ୍ତ ସେମାନଙ୍କ ରହିବା, ଖାଇବା ଓ ଅନ୍ୟାନ୍ୟ ବ୍ୟବସ୍ଥା ନେଇ ତିନି ନେତା ଆଲୋଚନା କରିଛନ୍ତି । ଏହାସହ ସେମାନଙ୍କୁ ଓଡ଼ିଶା ଫେରାଇ ଆଣିବା ପାଇଁ ବସ୍ ବ୍ୟବସ୍ଥାରେ ଯେଭଳି ଅସୁବିଧା ନହୁଏ ସେନେଇ ମଧ୍ୟ ଆଲୋଚନା ହୋଇଛି । …

ସେପଟେ ସୁରଟରୁ ନିଜ ଆୟୋଜନରେ ଓଡ଼ିଶା ଫେରୁଥିବା ଓଡ଼ିଆ ରାଜ୍ୟରେ ପହଞ୍ଚିଲେଣି । ଓଡ଼ିଶାରେ ପହଞ୍ଚିବା ପରେ ସେମାନଙ୍କୁ ସରକାରଙ୍କ ପକ୍ଷରୁ କରାଯାଇଥିବା କ୍ବାରାଣ୍ଟାଇନ ୱାର୍ଡରେ ରଖାଯାଇଛି । କ୍ବାରାଣ୍ଟାଇନ କେନ୍ଦ୍ରରେ ରହିବା ପାଇଁ ଯେଉଁ ନିୟମ ସରକାର କରିଛନ୍ତି ସେହି ଅନୁଯାୟୀ ସୁରଟ ଫେରନ୍ତାଙ୍କ ବ୍ୟବସ୍ଥା ହୋଇଛି ।

ସେହିଭଳି ରାଜସ୍ଥାନର କୋଟାରେ ଫଶି ରହିଥିବା ଛାତ୍ରଛାତ୍ରୀ ମଧ୍ୟ ଓଡ଼ିଶା ଆସିବା ଆରମ୍ଭ କଲେଣି । କୋଟାରେ ମେଡିକାଲ ଓ ଇଂଜିନିୟରିଂ କୋଚିଂ ପାଇଁ ଯାଇଥିବା ଛାତ୍ରଛାତ୍ରୀମାନେ ନିଜ ଖର୍ଚ୍ଚରେ ଫେରୁଛନ୍ତି । ଆଜି ୧୨୦ ଛାତ୍ରଛାତ୍ରୀ ବସ୍‌ରେ ରାଉରକେଲା ଅଭିମୁଖେ ବାହାରିଛନ୍ତି । ଏହି ଛାତ୍ରଛାତ୍ରୀ ଓ ସେମାନଙ୍କ ଅଭିଭାବକମାନେ ଓଡ଼ିଶା ଫେରିବା ନେଇ ସହଯୋଗ କରିବାକୁ ସରକାରଙ୍କୁ ଅପିଲ କରିଥିଲେ ।…

ଆଗକୁ ବିଭିନ୍ନ ରାଜ୍ୟରୁ ଓଡ଼ିଶା ଫେରିବେ ଫଶିଥିବା ଓଡ଼ିଆ । ଯେହେତୁ ୫ ଲକ୍ଷ ଓଡ଼ିଆ ରାଜ୍ୟକୁ ଫେରିବା ନେଇ ସେମାନଙ୍କ ନା ପଞ୍ଜିକରଣ କରିସାରିଲେଣି, ସେଥିପାଇଁ ସେମାନେ କିଭଳି ସୁବିଧାରେ ଓଡ଼ିଶା ଆସିବେ ସେନେଇ ସରକାର ପ୍ରୟାସ ଆରମ୍ଭ କରିଛନ୍ତି।…

   Related Posts