Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଗହଣା ବ୍ୟବସାୟୀଙ୍କ ନୂଆ ବ୍ୟବସାୟ : ତିଆରି କରୁଛନ୍ତି ହୀରା ଖଚିତ ମାସ୍କ, ଦାମ୍ ୪ ଲକ୍ଷ ଟଙ୍କା

10/07/2020 at 6:32 PM

ସୁରଟ ୧୦/୦୭ : ଭୟାବହ କରୋନା ଭାଇରସ୍ ଠାରୁ ସୁରକ୍ଷିତ ରହିବା ପାଇଁ ମାସ୍କ ଅତ୍ୟନ୍ତ ଜରୁରୀ ବୋଲି ସ୍ୱାସ୍ଥ୍ୟ ବିଭାଗ ସୂଚନା ଦେଇଛନ୍ତି | ଏଥିପାଇଁ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି | ମାସ୍କ ବ୍ୟବହାର ନ କଲେ ଜରିମାନା ଦେବାକୁ ସରକାର ଗାଇଡଲାଇନ ଜାରି କରିଛନ୍ତି | ବର୍ତ୍ତମାନ ଭାରତୀୟମାନେ ଏହି ଜରୁରୀ ଜିନିଷ ଉପରେ ନଗଦ ଟଙ୍କା ପାଇବା ପାଇଁ ଏକ ଉପାୟ ଖୋଜିଛନ୍ତି । ମହାମାରୀ ସମୟରେ ମଧ୍ୟ ବାହାଘର ଜୋରସୋରରେ ଚାଲିଛି | ନା ବାହାଘର ତାରିଖ ସ୍ଥଗିତ ହେଉଛି ନା ବାହାଘର ବନ୍ଦ ହେଉଛି | ଏହି ସଙ୍କଟ ସମୟରେ ମଧ୍ୟ ବାହାଘର ଚାଲିଛି | ଏହାର ଫାଇଦା ଉଠାଉଛନ୍ତି ଗହଣା ବ୍ୟବସାୟୀ | ଏକ ରିପୋର୍ଟ ଅନୁଯାୟୀ, ବାହାଘର ଶୀଜନ ପାଇଁ ସୁରଟର ଜଣେ ଗହଣା ବ୍ୟବସାୟୀ ହୀରା ଖଚିତ ମାସ୍କ ତିଆରି କରି ବିକ୍ରି କରୁଛନ୍ତି | ଏହି ହୀରା ଖଚିତ ମାସ୍କର ଦାମ ଶୁଣିଲେ ଆପଣଙ୍କ ମୁଣ୍ଡ ବୁଲେଇବ | ମାସ୍କର ଦାମ ଏକ ଲକ୍ଷରୁ ଆରମ୍ଭ କରି ୪ ଲକ୍ଷ ଯାଏଁ ରହିଛି |

ଜୁଲାଇ ମାସରେ ୧୦ ଦିନରେ ଗୁଜରାଟରେ ୬ ହଜାର ୬୦୦ ନୂଆ କରୋନା ମାମଲା ସାମ୍ନାକୁ ଆସିଛି | ପ୍ରତିଦିନ ୭୩୭ ହାରରେ ନୂଆ ମାମଲା ସାମ୍ନାକୁ ଆସୁଛି | ଚଳିତ ମାସରେ ରାଜ୍ୟରେ ୬ ହଜାର ୬୩୭ ମାମଲା ପଞ୍ଜିକୃତ ହୋଇଛି | ରାଜ୍ୟରେ କରୋନା ଭାଇରସର ନୂଆ ହଟସ୍ପଟ ଭାବେ ଚିହ୍ନଟ ହୋଇଛି ସୁରଟ | ବର୍ତ୍ତମାନ ଅହମଦାବାଦରେ କରୋନା ସଂକ୍ରମଣ ମାମଲା ଧୀରେ ଧୀରେ ହ୍ରାସ ପାଇଛି | 

ନିକଟରେ ପୁଣେ ଜିଲ୍ଲାର ପିମ୍ପ୍ରି-ଚିଞ୍ଚୱାଡର ବାସିନ୍ଦା ଶଙ୍କର କୁରାଡେ ନିଜର ୨.୮୯ ଲକ୍ଷ ଟଙ୍କା ମୂଲ୍ୟର ସୁନାର ମାସ୍କକୁ ନେଇ ଚର୍ଚ୍ଚାର କେନ୍ଦ୍ରବିନ୍ଦୁ ସାଜିଥିଲେ | ସେ କହିଥିଲେ ଯେ ନିଶ୍ୱାସ ନେବା ପାଇଁ ମାସ୍କରେ କିଛି ଛିଦ୍ର ରହିଛି କିନ୍ତୁ ଏହା କେତେ ପ୍ରଭାବଶାଳୀ ସେ ନେଇ ସେ ନିଶ୍ଚିତ ନୁହନ୍ତି |

   Related Posts