Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ସଂରକ୍ଷଣ ଉପରେ ସୁପ୍ରିମକୋର୍ଟଙ୍କ ବଡ ନିଷ୍ପତ୍ତି, କହିଲେ- କୋଟା ପଲିସିର ଅର୍ଥ ଯୋଗ୍ୟତାକୁ ଅଣଦେଖା କରିବା ନୁହେଁ

19/12/2020 at 5:34 PM

ନୂଆଦିଲ୍ଲୀ ୧୯।୧୨:  ସୁପ୍ରିମକୋର୍ଟ ଶୁକ୍ରବାର ଜାତିଗତ ସଂରକ୍ଷଣ ମାମଲାରେ ନିଜର ନିଷ୍ପତ୍ତି ଶୁଣାଇଛନ୍ତି। ସର୍ବୋଚ୍ଚ ଅଦାଲତ କହିଛନ୍ତି କୋଟା ପଲିସିର ଅର୍ଥ ଏହା ନୁହେଁ ଯେ ଯୋଗ୍ୟତାକୁ ଅଣଦେଖା କରିବା। ଏହାର ଅର୍ଥ ମେଧାବୀ ଆଶାୟୀଙ୍କୁ ଚାକିରିରୁ ବଞ୍ଚିତ କରିବା ନୁହେଁ,  ହୋଇପାରେ ସେ ସଂରକ୍ଷଣ ଶ୍ରେଣୀରୁ ଆସି ଥାଆନ୍ତୁ ନା କାହିଁକି। ବିଚାରପତି ଉଦୟ ଲଳିତଙ୍କ ନେତୃତ୍ଵାଧୀନ ଖଣ୍ଡପୀଠ ସଂରକ୍ଷଣର ଫାଇଦାକୁ ନେଇ ଦାଖଲ ଆବେଦନ ଉପରେ ନିଜର ନିଷ୍ପତ୍ତି ଶୁଣାଇଛନ୍ତି।

ଅଦାଲତ ନିଜର ନିଷ୍ପତ୍ତିରେ କହିଛନ୍ତି ପଦ ଭରିବା ସମୟରେ ଆବେଦକଙ୍କ ଜାତି ପରିବର୍ତ୍ତେ ତାର ଯୋଗ୍ୟତା ଉପରେ ଧ୍ୟାନ ଦେବା ଦରକାର। ମେଧାବୀ ଆଶାୟୀଙ୍କୁ ସାହାଯ୍ୟ କରିବା ଉଚିତ୍। କୌଣସି ବି ପ୍ରତିଯୋଗିତାରେ ଆବେଦକଙ୍କ ଚୟନ ସଂପୂର୍ଣ୍ଣ ଭାବେ ଯୋଗ୍ୟତା ଉପରେ ରହିବା ଉଚିତ୍।

ସରକାରୀ ଚାକିରିରେ ସଂରକ୍ଷଣ ବ୍ୟବସ୍ଥା ରହି ଆସିଛି। ସଂରକ୍ଷଣକୁ ସାଧାରଣ ଶ୍ରେଣୀର ଯୋଗ୍ୟ ଆଶାୟୀ ପାଇଁ ସୁଯୋଗକୁ ସମାପ୍ତ କରିବାର ନିୟମ ହିସାବରେ ଦେଖିବା ଉଚିତ୍ ନୁହେଁ। ଏହି କଥା ସୁପ୍ରିମକୋର୍ଟର ଆଉ ଏକ ପୀଠର ବିଚାରପତି ଏସ ରବୀନ୍ଦ୍ର ଭଟ୍ଟ ନିଜର ଟିପ୍ପଣୀରେ କହିଥିଲେ।

ସେ ଲେଖିଛନ୍ତି ଏମିତି କଲେ ଫଳାଫଳ ସର୍ବଦା ଜାତିଗତ ଉପରେ ଆସି ଅଟକିବ। ଏଥିସହ ପ୍ରତ୍ୟେକ ସାମାଜିକ ଶ୍ରେଣୀ ସଂରକ୍ଷଣ ପରିଧିରେ ରହିଯିବେ ଏବଂ ଯୋଗ୍ୟତାକୁ ସର୍ବଦା ଅଣଦେଖା କରି ଚାଲିବେ। ସମସ୍ତଙ୍କ ପାଇଁ ଓପନ କାଟାଗୋରୀ ହେବା ଉଚିତ୍। କେବଳ ସେଥିରେ ଗୋଟିଏ ସର୍ତ୍ତ ରହିବ ଯେ ଆବେଦକଙ୍କୁ ନିଜର ଯୋଗ୍ୟତା ଦେଖାଇବାର ସୁଯୋଗ ଦିଆଯାଉ, ତାଙ୍କ ପାଖରେ ଯେ କୌଣସି ସଂରକ୍ଷଣର ଲାଭ ଥାଉନା କାହିଁକି।

ସୂଚନାଯୋଗ୍ୟ, ଅନେକ ହାଇକୋର୍ଟ ନିଜର ନିଷ୍ପତ୍ତିରେ ମାନିଛନ୍ତି ଯେ, ସଂରକ୍ଷଣ ବର୍ଗ ସମ୍ବନ୍ଧିତ କୌଣସି ଆବେଦକ ଯଦି ଯୋଗ୍ୟ ତେବେ ସେ ସାଧାରଣ ବର୍ଗରେ ମଧ୍ୟ ଆବେଦନ କରି ପାରିବେ। ସେ ଅନୁସୂଚିତ ବର୍ଗ, ଅନୁସୂଚିତ ଜନଜାତି କିମ୍ଵା ଅନ୍ୟ ପଛୁଆ ବର୍ଗର ହୋଇ ଥାଆନ୍ତୁ ନା କାହିଁକି।

   Related Posts