ନୂଆଦିଲ୍ଲୀ ୨୭/୧୦: ହାଥରସ ଗଣଦୁଷ୍କର୍ମ ଘଟଣା ଓ ମୃତ୍ୟୁ ମାମଲାକୁ ନେଇ ସୁପ୍ରିମକୋର୍ଟ ଆଜି ବଡ଼ ନିଷ୍ପତ୍ତି ଶୁଣାଇଛନ୍ତି। ଏବେ ମାମଲାର ଟ୍ରାଏଲ ଉତ୍ତର ପ୍ରଦେଶ ବାହାରେ କରାଯିବ ନାହିଁ ବୋଲି କୋର୍ଟ କହିଛନ୍ତି। ଆହ୍ଲାବାଦ ହାଇକୋର୍ଟ ଏ ମାମଲା ଉପରେ ଦୃଷ୍ଟି ରଖିବ ଓ ସିବିଆଇ କୋର୍ଟକୁ ରିପୋର୍ଟ ଦେବେ। ଏହା ବାଦ୍ ପୀଡ଼ିତାଙ୍କ ସାକ୍ଷୀଙ୍କ ସୁରକ୍ଷା ଉପରେ ମଧ୍ୟ ହାଇକୋର୍ଟ ଦୃଷ୍ଟି ରଖିବେ। ସୁପ୍ରିକୋର୍ଟରେ ପୀଡ଼ିତାଙ୍କ ପରିବାର ଅନୁରୋଧ କରିଥିଲେ କି ଏ ମାମଲାର ଟ୍ରାଏଲ ଦିଲ୍ଲୀରେ କରାଯାଉ। ମାତ୍ର ଅଦାଲତ କହିଥିଲେ ମାମଲା ତଦନ୍ତ ପରେ କୋର୍ଟ ସ୍ଥିର କରିବେ ମାମଲାକୁ ଟ୍ରାନ୍ସଫର ଉତ୍ତର ପ୍ରଦେଶ ନା ଦିଲ୍ଲୀକୁ କରାଯିବ।
ଏହା ପୂର୍ବରୁ ବିଚାରପତି ଏସ ଏ ବୋବଡେ, ଜଷ୍ଟିସ୍ ଏ ବୋପନ୍ନା ଓ ଜଷ୍ଟିସ୍ ରାମାସୁବ୍ରମଣିୟନଙ୍କ ବେଞ୍ଚ ଅକ୍ଟୋବର ୧୫ରୁ ରାୟକୁ ସୁରକ୍ଷିତ ରଖିଥିଲେ। ଯାଚିକାକର୍ତା ଆବେଦନ କରିଥିଲେ ଯେ ୟୁପିରେ ନିଷ୍ପକ୍ଷ ଶୁଣାଣି ସମ୍ଭବ ନୁହେଁ, କାରଣ ତଦନ୍ତରେ ବାଧା ଦିଆଯାଇଛି।
ଉଲ୍ଲେଖନୀୟଯେ ସେପ୍ଟେମ୍ବର ୧୪ରେ ହାଥରସରେ ଜଣେ ଦଳିତ ଝିଅ ସହ ଚାରିଜଣ ଯୁବକ ଗଣଦୁଷ୍କର୍ମ କରିଥିଲେ। ଏହା ପରେ ତାଙ୍କ ଜିଭ କାଟି ଦେଇ ମେରୁଦଣ୍ଡ ଅସ୍ଥି ମଧ୍ୟ ଭାଙ୍ଗି ଦେଇଥିଲେ। ଦିଲ୍ଲୀର ସଫରଦରଗଞ୍ଜ ହସପିଟାଲରେ ଚିକିତ୍ସିତ ହେବା ସମୟରେ ତାଙ୍କ ମୃତ୍ୟୁ ହୋଇଥିଲା। ଅବଶ୍ୟ ୪ ଜଣ ଅଭିଯୁକ୍ତଙ୍କୁ ପୋଲିସ୍ ଗିରଫ କରି ଜେଲରେ ରଖିଛି।
