Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ୟାଟସମ୍ୟାନଙ୍କ ପରେ ବିଫଳ ହେଲେ ଆରସିବି ବୋଲର, ‘କର ବା ମର’ ମ୍ୟାଚରେ ୫ ଓ୍ୱିକେଟରେ ଜିତିଲା ହାଇଦ୍ରାବାଦ
  • ||
  • ଗହଣା ଦୋକାନରୁ ଚୋରି, ଛାତ କଣା କରି ଲୁଟିନେଲେ ୨ କିଲୋର ସୁନା ଅଳଙ୍କାର
  • ||
  • ସାରୁଅ ଜମି କେଳେଙ୍କାରୀ : ଓଡିଶା ଇନଫ୍ରାଟେକ୍‌ର ଦୁଇ କର୍ମଚାରୀ ଗିରଫ, ଶ୍ରମିକଙ୍କୁ ଧମକ ଅଭିଯୋଗରେ ବାନ୍ଧିଲା ବାଘମାରୀ ପୋଲିସ
  • ||
  • IPL 2020: ବୁମରା ଓ ବୋଲ୍ଟଙ୍କ ଶାଣିତ ବୋଲିଂ ପରେ ଇଶାନଙ୍କ ଅର୍ଦ୍ଧଶତକ, ୯ ଓ୍ଵିକେଟ୍‌ରେ ଜିତିଲା ମୁମ୍ବାଇ ଇଣ୍ଡିଆନ୍ସ, ଦିଲ୍ଲୀର କ୍ରମାଗତ ଚତୁର୍ଥ ପରାଜୟ
  • ||
  • ଭୁବନେଶ୍ୱର : ଆସିଲା ଅନଲକ୍ ୬.୦ ଗାଇଡ଼ଲାଇନ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୧୨ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ଭୁବନେଶ୍ୱର : ରାଜ୍ୟରେ ୧୪୭୦ କରୋନା ସଂକ୍ରମିତ ଚିହ୍ନଟ
  • ||
  • ଭୁବନେଶ୍ୱର : ୧୬ତାରିଖରେ ଖୋଲିବ ସ୍କୁଲ, ନବମରୁ ଦ୍ୱାଦଶ ଶ୍ରେଣୀ ଯାଏଁ ପିଲା ପଢିବାକୁ ଆସିବେ
  • ||
  • ଝରକା ତାଡ଼ି ବ୍ୟାଙ୍କରୁ ଲୁଟ୍ ! ପୋଲିସର ତଦନ୍ତ ଜାରି
  • ||
  • ଭୟଙ୍କର ଭୂକମ୍ପରେ ଥରିଲା ତୁର୍କୀ ଓ ଗ୍ରୀସ : ମୃତ୍ୟୁ ସଂଖ୍ୟା ୧୭କୁ ବୃଦ୍ଧି, ୭ ଶହରୁ ଅଧିକ ଆହତ
  • ||

ବିଜେପି ନେତାଙ୍କ ବିରୋଧରେ ଯାଇଥିଲେ କୋର୍ଟ, ନିଜେ ଅଡୁଆରେ ପଡିଲେ ହର୍ଷ ମନ୍ଦର.. ସୁପ୍ରିମକୋର୍ଟଙ୍କ ଭର୍ତ୍ସନା, ମାଗିଲେ ରେକର୍ଡ

4/03/2020 at 7:15 PM

ନୂଆଦିଲ୍ଲୀ ୦୪।୦୩- ବିଜେପିର ତିନି ନେତା ଅନୁରାଗ ଠାକୁର, କପିଲ ମିଶ୍ର ଓ ପରବେଶ ବର୍ମାଙ୍କ ବିରୋଧରେ ଉତ୍ତେଜନାମୂଳକ ଭାଷଣ ନେଇ ଏଫଆଇଆର ରୁଜୁ କରିବା ଦାବି ନେଇ ସୁପ୍ରିମକୋର୍ଟ ପହଞ୍ଚିଥିବା ପୂର୍ବତନ ପ୍ରଶାସନିକ ଅଧିକାରୀ ତଥା ସାମାଜିକ କାର୍ଯ୍ୟକର୍ତ୍ତା ହର୍ଷ ମନ୍ଦର ନିଜେ ଅଡୁଆରେ ପଡିଛନ୍ତି। କୋର୍ଟ ହର୍ଷ ମନ୍ଦରଙ୍କୁ ତାଗିଦ୍ କରି ତାଙ୍କର ଆବେଦନ ଉପରେ ଶୁଣାଣି କରିବାକୁ ମନା କରି ଦେଇଛନ୍ତି। ପ୍ରଧାନ ବିଚାରପତି ଏସଏ ବୋବଡେ କହିଛନ୍ତି ଯେ, ଆପଣଙ୍କ ଯାଚିକା ଉପରେ ସେ ପର୍ଯ୍ୟନ୍ତ ଶୁଣାଣି ହେବ ନାହିଁ ଯେ ପର୍ଯ୍ୟନ୍ତ ନ୍ୟାୟପାଳିକାକୁ ନେଇ ଆପଣ କରିଥିବା ବୟାନ ସମ୍ବନ୍ଧିତ ମାମଲାର ବିଚାର ନହୋଇଛି।

ସିଜେଆଇ ନାଗରିକତା ଆଇନକୁ ନେଇ ହର୍ଷ ମନ୍ଦରଙ୍କ ବୟାନ ଉଲ୍ଲେଖ କରି କହିଛନ୍ତି ଯେ, ଆପଣ ସୁପ୍ରିମକୋର୍ଟ ବିରୋଧରେ ବୟାନ ଦେଇଛନ୍ତି। ଆମେ ଏବେ ଆପଣଙ୍କ ଆବେଦନ ଉପରେ ଶୁଣାଣି କରିବୁ ନାହିଁ। ଯଦି  ହର୍ଷ ମନ୍ଦରଙ୍କୁ ସୁପ୍ରିମକୋର୍ଟ ବିଷୟରେ ଏମିତି ଲାଗୁଛି ତେବେ ପ୍ରଥମେ ନିଜେ ଦେଇଥିବା ବିବାଦୀୟ ବୟାନର ବିଚାର ହେବ।

ଦିଲ୍ଲୀ  ହିଂସା ମାମଲାରେ ପୀଡିତଙ୍କ ସହିତ ହର୍ଷ ମନ୍ଦର ମଧ୍ୟ କୋର୍ଟରେ ଆବେଦନ ଦାୟର କରିଛନ୍ତି। ସେ ନିକଟରେ ବୟାନ ଦେଇଥିଲେ ଯେ, ସୁପ୍ରିମକୋର୍ଟ ଉପରେ ଭରସା ହେଉ ନାହିଁ। ତଥାପି ଆମେ ବିଜେପି ନେତାଙ୍କ ବିରୋଧରେ କୋର୍ଟର ଶରଣ ନେଉଛୁ। ସିଜେଆଇ ବୋବଡେ ମନ୍ଦରଙ୍କ ଭାଷଣର ଅନୁବାଦ ମଗାଇଛନ୍ତି। ହର୍ଷ ମନ୍ଦରଙ୍କ ମାମଲାରେ ନ୍ୟାୟାଳୟ ଶୁକ୍ରବାର ଶୁଣାଣି କରିବେ।

ଉଲ୍ଲେଖଯୋଗ୍ୟ, ଏହା ପୂର୍ବରୁ ବିଜେପିର ଆଇଟି ସେଲର ମୁଖ୍ୟ ଅମିତ୍ ମାଲବୀୟ ବୁଧବାର ହର୍ଷ ମନ୍ଦରଙ୍କ ଏକ ଭିଡିଓ ଟ୍ଵିଟ୍ କରିଥିଲେ। ଏଥିରେ ମନ୍ଦର କହୁଛନ୍ତି ଯେ, ଏବେ ନିଷ୍ପତ୍ତି ସଂସଦ କିମ୍ବା ସୁପ୍ରିମକୋର୍ଟରେ ନୁହଁ ସଡକରେ ହିଁ ନିଆଯିବ। ମନ୍ଦର କହୁଛନ୍ତି, ସୁପ୍ରିମକୋର୍ଟ ଅଯୋଧ୍ୟା ଓ କାଶ୍ମୀର ମାମଲାରେ ମାନବିକତା ଓ ଧର୍ମନିରପେକ୍ଷତା ରକ୍ଷା କରି ନାହାନ୍ତି। ଏଥିପାଇଁ ଲୋକେ ଏବେ ସଡକରେ ନିଜ ଭବିଷ୍ୟତର ନିଷ୍ପତ୍ତି ନେବେ।

ହର୍ଷ ମନ୍ଦର ନିଜେ ଯାଚିକାରେ କଣ କହିଛନ୍ତି ?

ହର୍ଷ ମନ୍ଦର ନିଜର ଆବେଦନରେ ଉତ୍ତେଜନାମୂଳକ ଭାଷଣ ଦେଇଥିବା ବିଜେପି ନେତାଙ୍କ ଉପରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛନ୍ତି। ଅଭିଯୋଗ ହେଉଛି ଯେ, ଏହି ବ୍ୟକ୍ତିଙ୍କ ଉତ୍ତେଜନାମୂଳକ ଭାଷଣ ଦିଲ୍ଲୀ ହିଂସାର ପ୍ରମୁଖ କାରଣ। ଉଲ୍ଲେଖନୀୟ ଦିଲ୍ଲୀ ହିଂସାରେ ଅଦ୍ୟାବଧି ୪୮ ଜଣଙ୍କ ମୃତ୍ୟୁ ଘଟି ସାରିଥିବା ବେଳେ ୨୦୦ରୁ ଅଧିକ ଲୋକ ଆହତ ହୋଇଛନ୍ତି।

   Related Posts