Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ରାଜ୍ୟସଭା ସାଂସଦ ରଘୁନାଥ ମହାପାତ୍ର
  • ||
  • ଦୁର୍ଘଟଣାରେ କେନ୍ଦ୍ରମନ୍ତ୍ରୀ ପ୍ରତାପ ଷଡ଼ଙ୍ଗୀ ଆହାତ, ମନ୍ତ୍ରୀଙ୍କ କାର୍‌କୁ ପିଟିଲା ଟ୍ରାକ୍ଟର
  • ||
  • କମୁନି ସଂକ୍ରମଣ : ଆଜି ବି ଦେଶରେ ୪ ଲକ୍ଷରୁ ଅଧିକ ପଜିଟିଭ୍ ଚିହ୍ନଟ, ୪୦୯୨ ମୃତ
  • ||
  • ଦନ୍ତାକୁ ଧକ୍କା ଦେଲା ମାଲବାହୀ ଟ୍ରେନ୍, ଗୋଡରେ ଲାଗିଛି ଶକ୍ତ ଆଘାତ
  • ||
  • ରାଜ୍ୟରେ କରୋନା ନେଲା ଆଉ ୧୯ଜଣଙ୍କ ଜୀବନ, ୨୧୮୦ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୬୩୫ ପଜିଟିଭ୍
  • ||
  • କମିଛି ତାତି, ୨ ଦିନ ପରେ ପୁଣି ବଢିବ ସୂର୍ଯ୍ୟଙ୍କ ପ୍ରକୋପ
  • ||

ମାଲ୍ୟାଙ୍କ ପ୍ରତ୍ୟାର୍ପଣ ପ୍ରସଙ୍ଗ: କେନ୍ଦ୍ରକୁ ଜବାବ ମାଗିଲେ ସୁପ୍ରିମକୋର୍ଟ, ୬ ସପ୍ତାହରେ ଷ୍ଟାଟସ ରିପୋର୍ଟ ଦାଖଲ ଲାଗି ନିର୍ଦ୍ଦେଶ

2/11/2020 at 5:41 PM

ନୂଆଦିଲ୍ଲୀ ୨।୧୧: ପଳାତକ ବ୍ୟବସାୟୀ ବିଜୟ ମାଲ୍ୟାଙ୍କ ପ୍ରତ୍ୟାର୍ପଣ ନେଇ ସୁପ୍ରିମକୋର୍ଟ ସୋମବାର କେନ୍ଦ୍ର ସରକାରଙ୍କୁ ଜବାବ ତଲବ କରିଛନ୍ତି। ମାଲ୍ୟାଙ୍କ ପ୍ରତ୍ୟାର୍ପଣ ଲାଗି ବ୍ରିଟେନ କୋର୍ଟରେ ଲମ୍ବିତ ମାମଲାର ଷ୍ଟାଟସ ରିପୋର୍ଟ ୬ ସପ୍ତାହ ମଧ୍ୟରେ ଦାଖଲ କରିବା ଲାଗି ମଧ୍ୟ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି। ସର୍ବୋଚ୍ଚନ୍ୟାୟାଳୟଙ୍କ ବିଚାରପତି ଜଷ୍ଟିସ୍ ୟୁ.ୟୁ. ଲଲିତ ଓ ଜଷ୍ଟିସ୍ ଅଶୋକ ଭୂଷଣଙ୍କ ଖଣ୍ଡପୀଠ ସୋଲିସିଟର ଜେନେରାଲଙ୍କୁ ଏହି ନିର୍ଦ୍ଦେଶ ଦେବା ସହ ମାମଲାର ପରବର୍ତ୍ତି ଶୁଣାଣି ଜାନୁୟାରୀ ପ୍ରଥମ ସପ୍ତାହରେ ଧାର୍ଯ୍ୟ କରିଛନ୍ତି।

ଗତ ୫ ଅକ୍ଟୋବର ଶୁଣାଣି ବେଳେ ସରକାରଙ୍କ ପକ୍ଷରୁ ସୋଲିସିଟର ଜେନେରାଲ ତୁଷାର ମେହେଟ୍ଟା ପରବର୍ତ୍ତି ଆଇନଗତ ପ୍ରକ୍ରିୟା ପର୍ଯ୍ୟନେତ ବ୍ରିଟେନ ମାଲ୍ୟାଙ୍କୁ ପ୍ରତ୍ୟାର୍ପିତ କରିପାରିବନି ବୋଲି କୋର୍ଟଙ୍କୁ କହିଥିଲେ। ବ୍ରିଟେନ କୋର୍ଟରେ ମାଲ୍ୟାଙ୍କ ବିରୋଧରେ ଗୋପନୀୟ କାର୍ଯ୍ୟାନୁଷ୍ଠାନ ହେଉଥିବାର ସରକାର ସୂଚିତ କରିଥିଲେ। ତେବେ କାର୍ଯ୍ୟାନୁଷ୍ଠାନ ସମ୍ପର୍କରେ ଭାରତ ସରକାରଙ୍କ ନିକଟରେ ତଥ୍ୟ ନଥିବା କୋର୍ଟରେ ଉଲ୍ଲେଖ କରିଥିଲେ।

ପ୍ରସଙ୍ଗରେ ସ୍ପଷ୍ଟ ସୂଚନା ଦେଇ ନ ପାରିବାରୁ କୋର୍ଟ ମାଲ୍ୟାଙ୍କ ଓକିଲଙ୍କ ଉପରେ ମଧ୍ୟ ଅସନ୍ତୋଷ ପ୍ରକାଶ କରିଥିଲେ ଓ ଶୁଣାଣିକୁ ନଭେମ୍ବର ୨ ତାରିଖୁ ଧାର୍ଯ୍ୟ କରିଥିଲେ। ସେହି ଅନୁସାରେ ସୋମବାର କୋର୍ଟ ମାମଲାର ଶୁଣାଣି କରିବା ସହ ସ୍ଥିତାବସ୍ଥା ସମ୍ପର୍କରେ  ୬ ସପ୍ତାହ ମଧ୍ୟରେ ଷ୍ଟାଟସ ରିପୋର୍ଟ ଦାଖଲ ଲାଗି ସରକାରଙ୍କୁ ନିର୍ଦ୍ଦେଶ ଦେଇଛନ୍ତି।

ସୂଚନା ଯୋଗ୍ୟ ଯେ ବନ୍ଦ ହୋଇସାରିଥିବା କିଙ୍ଗଫିସର ଏୟାରଲାଇନ୍ସ ଲାଗି ଭାରତୀୟ ବ୍ୟାଙ୍କମାନଙ୍କରୁ ୯ ହଜାର କୋଟି ଟଙ୍କା ଋଣ ନେଇଥିବା ମାଲିକ ବିଜୟ ମାଲ୍ୟା ଦେଶରୁ ଫେରାର ହୋଇଯାଇଛନ୍ତି। ସେ ଏବେ ବ୍ରିଟେନରେ ଅବସ୍ଥାନ କରୁଥିବା ବେଳେ ଭାରତ ସରକାର ସେଠାରୁ ତାଙ୍କୁ ପ୍ରତ୍ୟାର୍ପିତ କରିବା ଲାଗି ଉଦ୍ୟମ ଜାରି ରଖିଛନ୍ତି।  

   Related Posts