ନୂଆଦିଲ୍ଲୀ, ୦୩/୦୫: ଦେଶରେ କରୋନା ସ୍ଥିତି ସଙ୍ଗୀନ ରହିଛି । କେନ୍ଦ୍ର ଓ ରାଜ୍ୟ ସରକାର ଲକଡାଉନ୍ ଉପରେ ବିଚାର କରନ୍ତୁ ବୋଲି କହିଛନ୍ତି ସୁପ୍ରିମକୋର୍ଟ । ଲୋକଙ୍କ କଲ୍ୟାଣ ଓ ହିତକୁ ନଜରରେ ରଖିବା ସହ ଭାଇରସ ଉପରେ ରୋକ୍ ଲଗାଇବା ପାଇଁ ଲକଡାଉନ୍ ଜରୁରୀ । ଏଦିଗରେ ସରକାର ବିଚାର କରନ୍ତୁ ବୋଲି କୋର୍ଟ କହିଛନ୍ତି ।
ସୁପ୍ରିମକୋର୍ଟ କହିଛନ୍ତି ଯେ, ଲକଡାଉନ୍ ଲଗାଇବା ବେଳେ ଯେପରି ସାମାଜିକ ଓ ଆର୍ଥିକ ସ୍ତରରେ ଏହାର ପ୍ରଭାବ ନପଡିବ ସେନେଇ ଦୃଷ୍ଟି ଦେବା ଆବଶ୍ୟକ । ଯେଉଁମାନଙ୍କ ଉପରେ ଲକଡାଉନ୍ର ପ୍ରଭାବ ପକାଇବା ସେମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଉ ।ଏହାସହ ଯଦି କୌଣସି ନାଗରିକ ପାଖରେ ସ୍ଥାନୀୟ ପମାଣ ପତ୍ର ନାହିଁ ତେବେ ତାଙ୍କୁ ହସ୍ପିଟାଲରେ ଭର୍ତ୍ତି କରିବାକୁ କେହି ମନା କରିପାରିବେ ନାହିଁ ।
ଏହାପୂର୍ବରୁ କୋର୍ଟ ସମସ୍ତ ରାଜ୍ୟ ଓ କେନ୍ଦ୍ର ସରକାରଙ୍କୁ ମେ ୩ ପୂର୍ବରୁ ଅକ୍ସିଜେନ ଅଭାବ ଦୂର କରିବାକୁ କହିଥିଲେ । ଏହାସହ ଅକ୍ସିଜେନ ବିତରଣ ଉପରେ ସ୍ୱତନ୍ତ୍ର ଧ୍ୟାନ ଦେବାକୁ ମଧ୍ୟ କହିଥିଲେ । ଏହାସହ କେହି ବ୍ୟକ୍ତି ସୋସିଆଲ ମିଡିଆରେ ସାହାଯ୍ୟ ମାଗିଲେ ତୁରନ୍ତ ସହଯୋଗ କରିବାକୁ ରାଜ୍ୟ ଓ କେନ୍ଦ୍ର ପୋଲିସ ଅଧିକାରୀଙ୍କୁ ନିର୍ଦ୍ଦେଶ ଦିଅନ୍ତୁ ବୋଲି କୋର୍ଟ କହିଥିଲେ ।