Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ମଦ ଦୋକାନ ବନ୍ଦ ରଖିବା ଆବେଦନ ଖାରଜ କଲେ ସୁପ୍ରିମକୋର୍ଟ : କହିଲେ-ହୋମ ଡେଲିଭରି ବ୍ୟବସ୍ଥା ଉପରେ ବିଚାର କରନ୍ତୁ ରାଜ୍ୟ ସରକାର

8/05/2020 at 2:53 PM

ନୂଆଦିଲ୍ଲୀ ୦୮/୦୫ : କରୋନା ଭାଇରସ ସଂକ୍ରମଣ ବଢୁଥିବା ମାମଲା ଯୋଗୁଁ ଦେଶରେ ତୃତୀୟ ପର୍ଯ୍ୟାୟ ଲକଡାଉନ ଲାଗୁ କରାଯାଇଛି | ତୃତୀୟ ପର୍ଯ୍ୟାୟ ଲକଡାଉନରେ ଆର୍ଥିକ ବ୍ୟବସ୍ଥାକୁ ସୁଧାରିବା ପାଇଁ ମଦ ଦୋକାନ ଖୋଲାଯିବା ପାଇଁ ନିଷ୍ପତ୍ତି ନିଆଯାଇଥିଲା | ମଦ ଦୋକାନ ଖୋଲାଯିବା ପରେ ଅନେକ ଜାଗାରେ ସାମାଜିକ ଦୂରତା ନିୟମକୁ ଫୁ କରିଦେଇଥିଲେ ଲୋକେ | ମାମଲାକୁ ଗମ୍ଭୀରତାର ସହ ନେଇ ମଦ ଦୋକାନ ବନ୍ଦ ରଖିବା ପାଇଁ ସୁପ୍ରିମକୋର୍ଟରେ ଆବେଦନ କରାଯାଇଥିଲା | ଲକଡାଉନ ସମୟରେ ମଦ ଦୋକାନ ବନ୍ଦ ରଖିବା ଆବେଦନକୁ ସୁପ୍ରିମକୋର୍ଟ ଖାରଜ କରିଛନ୍ତି |

ମଦ ବିକ୍ରିକୁ ନେଇ ସୁପ୍ରିମକୋର୍ଟ ରାଜ୍ୟ ସରକାରଙ୍କୁ କହିଛନ୍ତି ଯେ, ସାମାଜିକ ଦୂରତାକୁ ଦୃଷ୍ଟିରେ ରଖି ମଦ ବିକ୍ରି କିମ୍ବା ହୋମ ଡେଲିଭରି ଉପରେ ବିଚାର କରାଯାଉ | ଆବେଦନକାରୀଙ୍କ ତରଫରୁ ସୁପ୍ରିମକୋର୍ଟ କହିଛନ୍ତି ଯେ, ମଦ ଦୋକାନରେ ସାମାଜିକ ଦୂରତା ପାଳନ କରାଯାଉନାହିଁ | ମଦ କିଣା ନିଶାରେ ଲୋକେ ସାମାଜିକ ଦୂରତା ନିୟମକୁ ଖାତିର କରୁନାହାନ୍ତି | କାରଣ ଦୋକାନ କମ ଅଛି ଏବଂ ମଦ କ୍ରେତା ଅଧିକ ଅଛନ୍ତି | ଏମାନଙ୍କ ପାଇଁ ସାଧାରଣ ଜନତାଙ୍କ ଜୀବନ ପ୍ରତି ବିପଦ ରହିଛି | ସାଧାରଣ ଜନତାଙ୍କ ଜୀବନକୁ ଏଥିପାଇଁ ବିପଦ ପକାଯାଇପାରିବ ନାହିଁ ଆବେଦନକାରୀ କହିଥିଲେ | 

ଲକଡାଉନ ସମୟରେ ସିଧା ସଳଖ ମଦ ବିକ୍ରିକୁ ନେଇ ଗାଇଡଲାଇନ ଜାରି କରିଛନ୍ତି | ଆବେଦନରେ କୁହାଯାଇଥିଲା ଯେ, ଏହି ଗାଇଡଲାଇନ ଅସାମ୍ବିଧାନିକ ଓ ମୂଲ୍ୟହୀନ | ସୁପ୍ରିମକୋର୍ଟଙ୍କ ସିଧା ସମ୍ପର୍କ ଜରିଆରେ ମଦ ବିକ୍ରି ଉପରେ ରୋକ ଲଗାଇବା ପାଇଁ ଦାବି କରାଯାଇଥିଲା |

ତେବେ ବର୍ତ୍ତମାନ ଦୋକାନରେ ମଦ ବିକ୍ରି ହେବ | ସୁପ୍ରିମକୋର୍ଟ ମଦ ଦୋକାନକୁ ନେଇ କୌଣସି ନିର୍ଦେଶ ଜାରି କରିବା ପାଇଁ ଅସ୍ବୀକାର କରିଦେଇଛନ୍ତି | ସିଧା ସଳଖ ବିକ୍ରି ହେଲେ ଲୋକେ ସାମାଜିକ ଦୂରତା ନିୟମ ପାଳନ କରୁନଥିବା ଯୋଗୁଁ ସରକାର ହୋମ ଡେଲିଭରି ବ୍ୟବସ୍ଥା ଉପରେ ବିଚାର କରନ୍ତୁ ବୋଲି ସୁପ୍ରିମକୋର୍ଟ କହିଛନ୍ତି |

   Related Posts