Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପେଟେଣ୍ଟ ମୁକ୍ତ ହେବ କରୋନା ଭ୍ୟାକସିନ୍‌ ! ଭାରତ ଏବଂ ଦକ୍ଷିଣ ଆଫ୍ରିକା ପ୍ରସ୍ତାବରେ ଆମେରିକାର ସମର୍ଥନ
  • ||
  • କୋଭିଡ୍‌ ସ୍ଥିତିକୁ ନେଇ ନବୀନ୍‌ଙ୍କ ସହ କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟରେ ସୁସ୍ଥ ହେଲେ ଆଉ ୬୮୫୪ କରୋନା ଆକ୍ରାନ୍ତ, ଖୋର୍ଦ୍ଧାରେ ହଜାରେ ଟପିଲା ଡିସ୍‌ଚାର୍ଜ
  • ||
  • ନୂଆଦିଲ୍ଲୀ : କରୋନାରେ ପୂର୍ବତନ ରଣଜୀ କ୍ରିକେଟରଙ୍କ ଦେହାନ୍ତ, ଆଇପିଏଲ୍ ଟିମ୍‌ରେ ହୋଇଥିଲେ ମନୋନୀତ
  • ||
  • ରାଇରଙ୍ଗପୁର : ନିଖୋଜ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
  • ||
  • ନବରଙ୍ଗପୁର : ଶାଗ ତୋଳିବା ହେଲା କାଳ, ବଜ୍ରପାତରେ ଚାଲିଗଲା ୨ ନାବାଳିକାଙ୍କ ଜୀବନ, ୨ ଆହତ
  • ||
  • ନୀଳଗିରି : ଗଛରେ ଝୁଲୁଛି ଅଜଣା ଯୁବକଙ୍କ ମୃତଦେହ, ହତ୍ୟା ନା’ ଆତ୍ମହତ୍ୟା ସନ୍ଦେହ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ନା ଆତ୍ମହତ୍ୟା ?
  • ||
  • ରାଜ୍ୟରେ କରୋନା ନେଲା ଆଉ ୧୭ଜଣଙ୍କ ଜୀବନ, ୨୧୨୧ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦,୫୨୧ ପଜିଟିଭ୍
  • ||

ମାୟାବତୀଙ୍କୁ ସୁପ୍ରିମକୋର୍ଟଙ୍କ ଝଟକା : ନିଜର ମୂର୍ତ୍ତି ପାଇଁ ଖର୍ଚ୍ଚ କରିଥିବା ୫୯୧୯ କୋଟି ସରକାରୀ ଟଙ୍କା ଫେରସ୍ତ କରିବାକୁ ଆଦେଶ

8/02/2019 at 12:13 PM

ଦିଲ୍ଲୀ ୮/୨ : ଲୋକସଭା ନିର୍ବାଚନ ପୂର୍ବରୁ ବହୁଜନ ସମାଜ ପାର୍ଟି (ବିଏସପି) ସୁପ୍ରିମୋ ମାୟାବତୀଙ୍କୁ ସୁପ୍ରିମକୋର୍ଟ ବଡ ଝଟକା ଦେଇଛନ୍ତି | ଆଜି ଏକ ଆବେଦନର ଶୁଣାଣିରେ କୋର୍ଟ କହିଛନ୍ତି ଯେ, ମାୟାବତୀ ନିଜ ମୂର୍ତ୍ତି ଏବଂ ହାତୀ ମୂର୍ତ୍ତି ତିଆରି କରିବାରେ ଯେତିକି ସରକାରୀ ଟଙ୍କା ଖର୍ଚ୍ଚ କରିଛନ୍ତି ସେସବୁ ଟଙ୍କା ଫେରସ୍ତ କରନ୍ତୁ | ସୁପ୍ରିମକୋର୍ଟ ମୁଖ୍ୟ ବିଚାରପତି ରଞ୍ଜନ ଗୋଗୋଇ ମାମଲାର ଶୁଣାଣି କରିଛନ୍ତି | ଏହି ମାମଲାରେ ପରବର୍ତ୍ତୀ ଶୁଣାଣି ଏପ୍ରିଲ ୨ ତାରିଖରେ ହେବ |


୨୦୦୯ ମସିହାରେ ରବିକାନ୍ତ ଏବଂ ଅନ୍ୟ ଲୋକଙ୍କ ଦ୍ୱାରା ଦାଏର ହୋଇଥିବା ଆବେଦନର ଶୁଣାଣି ଆଜି ସୁପ୍ରିମକୋର୍ଟରେ ହୋଇଥିଲା | ମୁଖ୍ୟ ବିଚାରପତି ରଞ୍ଜନ ଗୋଗୋଇ କହିଥିଲେ ଯେ, ମାୟାବତୀ ମୂର୍ତ୍ତି ତିଆରି କରିବାରେ ଯେତିକି ସରକାରୀ ଟଙ୍କା ଖର୍ଚ୍ଚ କରିଛନ୍ତି ସେସବୁ ଅର୍ଥ ସରକାରୀ ଖଜଣାରେ ଜମା କରିଦେବା ଉଚିତ | ରଞ୍ଜନ ଗୋଗୋଇ ମାୟାବତୀଙ୍କ ଓକିଲଙ୍କୁ ନିର୍ଦେଶ ଦେଇଥିଲେ ଯେ, ସରକାରୀ ଖଜଣାରେ ସବୁ ଟଙ୍କା ଜମା କରାଯାଉ |


ମାୟାବତୀଙ୍କ ଦ୍ୱାରା ବିଏସପି ଶାସନକାଳରେ ଉତ୍ତର ପ୍ରଦେଶରେ ଅନେକ ପାର୍କ ନିର୍ମାଣ ହୋଇଥିଲା | ଏହି ପାର୍କରେ ବିଏସପି ସଂସ୍ଥାପକ କାଂଶୀରାମ, ମାୟାବତୀ ଏବଂ ହାତୀଙ୍କ ମୂର୍ତ୍ତି ନିର୍ମାଣ କରାଯାଇଥିଲା | ଏହି ମାମଲା ପ୍ରତ୍ୟେକଥର ନିର୍ବାଚନ ପୂର୍ବରୁ ଉଠିଥାଏ ଏବଂ ବିରୋଧୀ ଏହି ପ୍ରସଙ୍ଗକୁ ନେଇ ମାୟବତୀଙ୍କୁ ର୍ଗେଟ କରିଥାନ୍ତି | ବିଏସପି ଶାସନକାଳରେ ଏହି ସବୁ ପାର୍କ ଲକ୍ଷ୍ନୌ ନୋଏଡା ସମେତ ଅନେକ ରାଜ୍ୟରେ ନିର୍ମାଣ କରାଯାଇଥିଲା |


ସୁପ୍ରିମକୋର୍ଟ ୨୦୧୫ ମସିହାରେ ଉତ୍ତର ପ୍ରଦେଶ ସରକାରଙ୍କ ଠାରୁ ପାର୍କ ଏବଂ ମୂର୍ତ୍ତି ତିଆରିରେ ଖର୍ଚ୍ଚ ହୋଇଥିବା ସରକାରୀ ଟଙ୍କାର ଡିଟେଲ ମାଗିଥିଲେ | ଉତ୍ତର ପ୍ରଦେଶରେ ପୂର୍ବାଂଚଳ ସମାଜବାଦୀ ପାର୍ଟି ସରକାର ଏହି ମାମଲାରେ ବିଏସପିକୁ ଘେରିଥିଲା |


ଉତ୍ତର ପ୍ରଦେଶରେ ଅଖିଳେଶ ଯାଦବଙ୍କ ଶାସନକାଳରେ ଲକ୍ଷ୍ନୌ ବିକାଶ ପ୍ରାଧିକରଣ ରିପୋର୍ଟ ଆସିଥିଲା | ରିପୋର୍ଟରେ ଦର୍ଶାଯାଇଥିଲା ଯେ, ଲକ୍ଷ୍ନୌ, ନୋଏଡା ଏବଂ ଗ୍ରେଟର ନୋଇଡାରେ ନିର୍ମାଣ କରାଯାଇଥିବା ପାର୍କରେ ୫୯୧୯ କୋଟି ଟଙ୍କା ଖର୍ଚ୍ଚ ହୋଇଥିଲା |


ସୂଚନାଯୋଗ୍ୟ ଯେ, ନୋଏଡା ସ୍ଥିତ ଦଳିତ ପ୍ରେରଣା ସ୍ଥଳରେ ବିଏସପିର ନିର୍ବାଚନ ଚିହ୍ନ ହାତୀର ୩୦ଟି ପଥର ମୂର୍ତ୍ତି ଏବଂ କଂସାର ୨୨ଟି ମୂର୍ତ୍ତି ତିଆରି କରାଯାଇଥିଲା | ଏଥିରେ ୬୮୫ କୋଟି ଟଙ୍କା ଖର୍ଚ୍ଚ ହୋଇଥିଲା | ଏହି ସବୁ ପାର୍କ ଏବଂ ମୂର୍ତ୍ତିମାନଙ୍କ ଦେଖାରେଖା ପାଇଁ ୫୬୩୪ କର୍ମଚାରୀ ନିଯୁକ୍ତ କରାଯାଇଥିଲା |


୨୦୧୨ ବିଧାନସଭା ନିର୍ବାଚନ ବେଳେ ସମାଜବାଦୀ ପାର୍ଟି ପ୍ରମୁଖ ଅଖିଲେଶ ଯାଦବ ଏହି ପ୍ରସଙ୍ଗ ଉଠାଇଥିଲେ | ସେତେବେଳେ ଅଖିଲେଶ ମାୟାବତୀଙ୍କ ଉପରେ ୪୦ ହଜାର କୋଟି ଚଙ୍କାର ମୂର୍ତ୍ତି ଦୁର୍ନୀତି ଅଭିଯୋଗ କରିଥିଲେ |

   Related Posts