ନୂଆଦିଲ୍ଲୀ ୨|୭:  କାଳିଆ ଯୋଜନା ନେଇ ଓଡିଶା ସରକାରଙ୍କୁ ସୁପ୍ରିମକୋର୍ଟ ନୋଟିସ ଜାରି କରିଛନ୍ତି । ନିର୍ବାଚନ ପୂର୍ବରୁ ଚାଷୀଙ୍କୁ ସିଧା ଟଙ୍କା ଟ୍ରାନ୍ସଫର ଘଟଣାରେ ଏହି ନୋଟିସ ଜାରି କରିଛନ୍ତି ଦେଶର ସର୍ବୋଚ୍ଚ ନ୍ୟାୟାଳୟ । ପ୍ରଧାନ ବିଚାରପତି ରଞ୍ଜନ ଗୋଗଇଙ୍କ ଦ୍ବାରା ଗଠିତ ୩ ଜଣିଆ ଖଣ୍ଡପୀଠ ଓଡିଶା ସରକାରଙ୍କ ସମେତ ନିର୍ବାଚନ କମିଶନ, କେନ୍ଦ୍ର ସରକାର, ଆନ୍ଧ୍ରପ୍ରଦେଶ ସରକାର, ପଶ୍ଚିମବଙ୍ଗ ସରକାର, ଝାଡଖଣ୍ଡ ଏବଂ ତେଲେଙ୍ଗାନା ସରକାରଙ୍କୁ ମଧ୍ୟ ନୋଟିସ ଜାରି କରିଛନ୍ତି। ଭୋଟରଙ୍କୁ ଆକର୍ଷଣ କରିବା ପାଇଁ ଓଡିଶା ସମେତ କେନ୍ଦ୍ର ସରକାର ଏବଂ ଅନ୍ୟ ରାଜ୍ୟ ସରକାର ବିଭିନ୍ନ ଯୋଜନା ଲଞ୍ଚ କରିଥିଲେ, ଯାହା ବିରୋଧରେ ହୋଇଥିବା ଆବେଦନ ଉପରେ ସୁପ୍ରିମକୋର୍ଟ ଶୁଣାଣି କରି ନୋଟିସ୍ ଜାରି କରିଛନ୍ତି ।