Prameya News7

Prameya News7, News7 Odia, Odisha Latest News, Odisha Current Headlines, Odisha News Online

କରୋନା ମୃତକଙ୍କ ଶବସତ୍କାର ହେବ କିପରି ? ଆବେଦନକାରୀଙ୍କ ମାମଲାକୁ ପୁଣି ବମ୍ବେ ହାଇକୋର୍ଟକୁ ପଠାଇଲେ ସୁପ୍ରିମକୋର୍ଟ

4/05/2020 at 4:21 PM

ମୁମ୍ବାଇ, ୦୪|୦୫ :  ସୁପ୍ରିମକୋର୍ଟ କରୋନା ଭାଇରସରେ ପ୍ରାଣ ହରାଇଥିବା ମୁସଲିମଙ୍କୁ  କବରସ୍ଥାନରେ କବର ଦେବା ଉପରେ  ରୋକ ଲଗାଇବା ପାଇଁ ଦାଖଲ ହୋଇଥିବା ମାମଲାକୁ ବମ୍ବେ ହାଇକୋର୍ଟକୁ ପଠାଇ ଦେଇଛନ୍ତି । ଜଷ୍ଟିସ୍ ରୋହିଙ୍ଗଟନ୍ ଫଲୀ ନରିମନ୍ ଓ ଜଷ୍ଟିସ୍ ଇନ୍ଦିରା ବାନାର୍ଜୀଙ୍କ ନେତୃତ୍ୱରେ ଗଠିତ ଖଣ୍ଡପୀଠ ଏହି ମାମଲାକୁ ଭିଡିଓ କନଫେରେନ୍ସିଂ ଜରିଆରେ ଶୁଣାଣି କରିଥିଲେ । ଏହାପରେ ମାମଲାକୁ ପୁଣିଥରେ ବମ୍ବେ ହାଇକୋର୍ଟକୁ ପଠାଇ ଦେଇଥିଲେ । ଏହାସହ ଶୁଣାଣିକୁ ୨ ସପ୍ତାହରେ ସାରିବା ପାଇଁ ନିର୍ଦ୍ଦେଶ ମଧ୍ୟ ଦେଇଥିଲେ ।

ଖଣ୍ଡପୀଠ କହିଛନ୍ତି ଯେ, ଆବେଦନ କରାଯାଇଥିବା ଦାବିକୁ ଅଗ୍ରାହ୍ୟ କରିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଥିଲେ । ତେଣୁ ହାଇକୋର୍ଟ ଏହା ଉପରେ ପୁଣି ଥରେ ବିଚାର କରନ୍ତୁ । ଆବେଦନକର୍ତ୍ତା କହିଥିଲେ ଯେ, କରୋନା ସଂକ୍ରମିତଙ୍କ ମୃତଦେହକୁ ନିଜ ଘର ନିକଟରେ କବର ଦେବା ଉପରେ ରୋକ୍ ପାଇଁ କୋର୍ଟ ନିର୍ଦ୍ଦେଶ ଦିଅନ୍ତୁ । କିନ୍ତୁ ବମ୍ୱେ ହାଇକୋର୍ଟ ଏହାକୁ ଏପ୍ରିଲ ୨୭ରେ ଖାରଜ କରିଦେଇଥିଲେ । ଏହାପରେ ସେ ବମ୍ବେ ହାଇକୋର୍ଟଙ୍କ ରାୟକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲେ ।

ଆବେଦନକର୍ତ୍ତା ଆହୁରି କହିଥିଲେ ଯେ, କବରସ୍ଥାନ ଧନୀମାନେ ରହୁଥିବା ସ୍ଥାନରେ ରହିଛି । ଏଠାରେ କରୋନା ସଂକ୍ରମିତଙ୍କ ମୃତଦେହକୁ କବର ଦେବା ଦ୍ୱାରା ସେହି ଅଞ୍ଚଳର ମାଟି ଓ ପାଣିରେ ମଧ୍ୟ ସଂକ୍ରମଣ ଆଶଙ୍କା ରହିଛି । ଏହାର ପ୍ରଭାବରେ ଆଖପାଖରେ ରହୁଥିବା ଲୋକ ସଂକ୍ରମିତ ହୋଇପାରନ୍ତି ।ତେଣୁ କବରସ୍ଥାନ ବଦଳରେ ଅନ୍ୟ କୌଣସି ସ୍ଥାନରେ ଏହାକୁ ପୋତିବା ପାଇଁ ନିର୍ଦ୍ଦେଶ ଦେବାକୁ ସେ କୋର୍ଟରେ ଆବେଦନ କରିଥିଲେ ।

ଆବେଦନରେ ଆହୁରି ମଧ୍ୟ କୁହାଯାଇଥିଲା ଯେ, ମହାରାଷ୍ଟ୍ର ସରକାର ମାର୍ଚ୍ଚ ୩୦ରେ ଏକ ସର୍କୁଲାର ଜାରି କରି କରୋନା ସଂକ୍ରମିତଙ୍କ ମୃତଦେହକୁ କବର ଦେବା ଉପରେ ରୋଗ ଲଗାଇଥିଲେ । ଏହାକୁ ପୋଡି ଦିଆଯିବ ବୋଲି ସର୍କୁଲାରରେ କୁହାଯାଇଥିଲା । କିନ୍ତୁ ଏପ୍ରିଲ ୯ରେ ସରକାର ପୁଣି ମୃତଦେହକୁ କବର ଦେବାକୁ ଅନୁମତି ଦେଇଥିଲେ । ଏଥିପାଇଁ ୨୦ଟି କବରସ୍ଥାନ ଚିହ୍ନଟ କରାଯାଇଥିଲା ।

   Related Posts