Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁହାଁମୁହିଁ ହେଲେ ୨ କାର୍, ସାମ୍ବାଦିକଙ୍କ ସମେତ ୩ ଗୁରୁତର
  • ||
  • ବିଶ୍ୱ ଟେଷ୍ଟ ଚାମ୍ପିଅନସିପ୍ ଫାଇନାଲ ପୂର୍ବରୁ ଜାଡେଜାଙ୍କ ଦମଦାର୍ ବ୍ୟାଟିଂ : ବଢିଲା ନ୍ୟୁଜିଲାଣ୍ଡର ଚିନ୍ତା, ବିସିସିଆଇ ପୋଷ୍ଟ୍ କଲା ଭିଡିଓ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୪୩୩୯ କୋଭିଡ୍ ପଜିଟିଭ୍ ଚିହ୍ନଟ
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୩୪୬ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • ମୋହନା ବାପା-ପୁଅ ହତ୍ୟା ଘଟଣା : ୧୨ ଅଟକ, ଗୁଣି ଗାରେଡି ସନ୍ଦେହରୁ ଡବଲ୍ ମର୍ଡର୍ !
  • ||
  • ଇସ୍ରାଏଲ୍‌ରେ ସରିଲା ନେତ୍‌ନ୍ୟାହୁଙ୍କ ଶାସନ, ନଫତାଲୀ ବେନେଟ୍ ହେଲେ ନୂଆ ପ୍ରଧାନମନ୍ତ୍ରୀ
  • ||
  • ସାରା ରାଜ୍ୟକୁ ଛୁଇଁଲା ମୌସୁମୀ : ୧୬ ଯାଏଁ ପାଗ ମେଘୁଆ, ହେବ ବିକ୍ଷିପ୍ତ ବର୍ଷା
  • ||

ବଂଶଧାରା ଜଳବିବାଦ ପ୍ରସଙ୍ଗ ; ଆଜି ସୁପ୍ରିମକୋର୍ଟରେ ଗୁରୁତ୍ବପୂର୍ଣ୍ଣ ଶୁଣାଣି

21/01/2019 at 7:50 AM

ନୂଆଦିଲ୍ଲୀ ୨୧|୧: ଆଜି ସୁପ୍ରିମକୋର୍ଟରେ ବଂଶଧାରା ନଦୀ ଜଳବିବାଦ ଉପରେ ଗୁରୁତ୍ବପୂର୍ଣ୍ଣ ଶୁଣାଣି ହେବ ।   ଜଷ୍ଟିସ ଡି ୱାଇ ଚନ୍ଦ୍ରଚୁଡ ଏବଂ ଜଷ୍ଟିସ ହେମନ୍ତ ଗୁପ୍ତାଙ୍କ   ୨ ଜଣିଆ ଖଣ୍ଡପୀଠ ମାମଲାର ପ୍ରଥମ ଶୁଣାଣି  କରିବେ।   ବଂଶୀଧାରା ଜଳ ବିବାଦକୁ ନେଇ ସେପ୍ଟେମ୍ବର  ୨୦୧୭ରେ  ବଂଶଧାରା ଜଳ ବିବାଦ ଟ୍ରିବ୍ୟୁନାଲ ଦ୍ବାରା ଦିଆଯାଇଥିବା ଚୁଡାନ୍ତ ରାୟ ବିରୋଧରେ  ଓଡିଶା ସରକାର ଡିସେମ୍ବର ୨୦୧୭ରେ ସ୍ବତନ୍ତ୍ର ଲିଭ୍ ପିଟିସନ୍ ଦାଖଲ କରିଥିଲେ।

ତେବେ ବଂଶଧାରା ନଦୀ ଜଳ ବ୍ୟବହାରକୁ ନେଇ ବଂଶଧାରା ନଦୀ ଉପରେ ଆନ୍ଧ୍ରପ୍ରଦେଶକୁ ନେରେଡି ଓ କୋଟ୍ରାଗୋଡରେ ବ୍ୟାରେଜ୍ ନିର୍ମାଣ କରିବାକୁ ଚୁଡାନ୍ତ ରାୟ ଦେଇଥିଲେ ବଂଶଧାରା ଟ୍ରିବ୍ୟୁନାଲ। ଯାହାକୁ ଚ୍ୟାଲେଞ୍ଜ କରି ଓଡିଶା ପକ୍ଷରୁ ସ୍ବତନ୍ତ୍ର ଲିଭ ପିଟିସନ୍ ଡିସେମ୍ବର ୨୦୧୭ରେ ଦାଖଲ କରାଯାଇଥିଲା। ଆଜି ଏହାର  ଶୁଣାଣି କରିବେ ସୁପ୍ରିମକୋର୍ଟ।  ଓଡିଶା ପକ୍ଷରୁ ବରିଷ୍ଟ ଓକିଲ ମୋହନ. ଭି .କାଟକା ଯୁକ୍ତି କରିବେ ।

ଅନ୍ୟ ପଟେ ବଂଶଧାରା ଜଳ ବିବାଦ ଟ୍ରିବ୍ୟୁନାଲର ଅଧ୍ୟକ୍ଷ ବିଚାରପତି ମୁକୁନ୍ଦମ ଶର୍ମାଙ୍କ ଗଠିତ ୩ ଜଣିଆ ଖଣ୍ଡପୀଠ ଗତ ଡିସେମ୍ବର ୨୦୧୮ରେ ପ୍ରକଳ୍ପ ଅଂଚଳ ଗସ୍ତ କରି ବଂଶଧାରା ନଦୀରେ ବନ୍ୟାଜଳର ଗତିପଥ,  ପାରିପାର୍ଶ୍ବିକ ସ୍ଥିତି,  ବିସ୍ତାପିତ ଓ ଓଡିଶାର କ୍ଷତି ସଂପର୍କରେ ତଥ୍ୟ ସଂଗ୍ରହ କରିଛନ୍ତି।  ଯାହାର ଶୁଣାଣି ବଂଶଧାରା ଜଳ ବିବାଦ ଟ୍ରିବ୍ୟୁନାଲରେ ମଙ୍ଗଳବାର ଅର୍ଥାତ୍ ୨୨ ତାରିଖରେ ହେବ ବୋଲି ଧାର୍ଯ୍ୟ କରାଯାଇଛି।

   Related Posts