ନୂଆଦିଲ୍ଲୀ ୧୪/୨: ସୁପ୍ରିମ କୋର୍ଟ ନିର୍ଭୟାଙ୍କ ଅଭିଯୁକ୍ତ ବିନୟର ଆବେଦନ ଖାରଜ କରି ଦେଇଛନ୍ତି। ଅଦାଲତ କହିଛନ୍ତି ଯେ ମେଡିକାଲ ରିପୋର୍ଟ ଅନୁଯାୟୀ ନିର୍ଭୟାଙ୍କ ଦୋଷୀ ବିନୟର ମାନସିକ ସନ୍ତୁଳନ ବିଲକୁଲ ଠିକ୍ ଅଛି। ସୁପ୍ରିମ କୋର୍ଟ ସିଧାସଳଖ କହିଛନ୍ତି ଯେ ମେଡିକାଲ୍ ରିପୋର୍ଟ ଅନୁଯାୟୀ ଦୋଷୀ ବିନୟର ଶାରିରୀକ ଅବସ୍ଥା ଠିକ୍ ଥିବା ସହ ମାନସିକ ଅବସ୍ଥା ମଧ୍ୟ ଠିକ୍ ଅଛି।
ଅଭିଯୁକ୍ତ ବିନୟ ଶର୍ମା ରାଷ୍ଟ୍ରପତି ରାମନାଥ କୋବିନ୍ଦଙ୍କ ଦ୍ବାରା ରାଜକ୍ଷମା ଆବେଦନ ଖାରଜ କରିବା ବିରୋଧରେ ସୁପ୍ରିମ କୋର୍ଟରେ ଆବେଦନ ଦାଖଲ କରିଥିଲା। ସେ ମାନସିକ ଅବସ୍ଥା ଠିକ୍ ନଥିବାର ଦଲିଲ ଦେଇଥିଲା। ସେ ଏହା ମଧ୍ୟ ଅଭିଯୋଗ କରିଥିଲା ଯେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ସମ୍ମୁଖରେ ସମସ୍ତ ଦସ୍ତାବିଜ ରଖାଯାଇନଥିଲା।
