Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁମ୍ବାଇ ଉପରେ କିଙ୍ଗସ୍‌ର ବିଜୟ, ୯ ଓ୍ବିକେଟ୍‌ରେ ଜିତିଲା ପଞ୍ଜାବ
  • ||
  • ବିଶ୍ବକେଶନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ମହାରାଷ୍ଟ୍ର ସ୍ଥିତି ସଙ୍ଗୀନ: ୨୪ ଘଣ୍ଟାରେ ୭୭୩ ମୃତ, ୬୬୮୩୬ ନୂଆ ସଂକ୍ରମିତ ଚିହ୍ନଟ
  • ||
  • ବିଶ୍ବକେତନ ହରିଚନ୍ଦନ ମହାପାତ୍ର ହେଲେ ପିପିଲି କଂଗ୍ରେସ ପ୍ରାର୍ଥୀ
  • ||
  • ରାଜ୍ୟରେ ସୁସ୍ଥ ହେଲେ ଆଉ ୨୪୫୨ ଆକ୍ରାନ୍ତ, କିନ୍ତୁ ସଂକ୍ରମଣ ବୃଦ୍ଧିରେ ଲାଗୁନି ରୋକ୍‌
  • ||
  • କମ୍ବିଂ ବେଳେ ଏସ୍‌ଓଜି ଯବାନ-ମାଓବାଦୀ ମୁହାଁମୁହିଁ, ଗୁଳି ବିନିମୟରେ ମାଓବାଦୀ ମୃତ !
  • ||
  • ସାଲେପୁର : ଡାକ ଘରେ ଚାଲିଥିଲା ଭୋଜି ଭାତର ଆୟୋଜନ, ୩ ହଜାର ଟଙ୍କା ତଣ୍ଡ ଗଣିଲେ କର୍ମଚାରୀ
  • ||
  • ନୀଳଗିରି : ପୋଖରୀରେ ଗାଧୋଇବା ବେଳେ ଖସିଗଲା ଗୋଡ, ଚାଲିଗଲା ନାବାଳିକାଙ୍କ ଜୀବନ
  • ||
  • ସାନଖେମୁଣ୍ଡି : ବେଆଇନ ମଦ ବିକ୍ରିକୁ ନେଇ ଜନ ଅସନ୍ତୋଷ, ଥାନା ସମ୍ମୁଖରେ ବିକ୍ଷୋଭ ପ୍ରଦର୍ଶନ
  • ||
  • କର୍ଲାମୁଣ୍ଡା : ୨ ହଜାର ଟଙ୍କା ଲାଞ୍ଚ ନେବା ବେଳେ ଧରାପଡିଲେ ରାଜସ୍ବ ନିରୀକ୍ଷକ
  • ||

ଗିରଫ ହେବେ ଅଭିଜିତ ; ଜାମିନ୍ ନାମଞ୍ଜୁର କଲେ ସୁପ୍ରିମ୍‌କୋର୍ଟ

4/10/2018 at 4:02 PM

ନୂଆଦିଲ୍ଲୀ ୪|୧୦:  ସୁପ୍ରିମକୋର୍ଟ ଆଜି ଅଭିଜିତ ଆୟରଙ୍କ ଜାମିନ ନାମଞ୍ଜୁର କରିଛନ୍ତି ।ଓଡ଼ିଶା ସଂସ୍କୃତି ପ୍ରତି ଅଭିଜିତ ଆୟର ମିତ୍ରଙ୍କ ଅରୁଚିକର ମନ୍ତବ୍ୟ ପ୍ରଦାନ କରିଥିଲେ । ତେବେ ଅଭିଜିତ ଆୟର ମିତ୍ର ମନ୍ତବ୍ୟକୁ ଭର୍ସନା କଲେ ସୁପ୍ରିମକୋର୍ଟ । କୌଣସି ସଂସ୍କୃତି ପ୍ରତି ଏଭଳି ମନ୍ତବ୍ୟ ଗ୍ରହଣୀୟ ନୁହେଁ ବୋଲି କହିଛନ୍ତି ସୁପ୍ରିମକୋର୍ଟ ମୁଖ୍ୟ ବିଚାରପତି ।ଏହି ମାମଲାର ଶୁଣାଣି ପାଇଁ ୩ ଜଣିଆ ଖଣ୍ଡପୀଠ ଗଠନ ହୋଇଥିଲା । ଖଣ୍ଡପୀଠ କହିଥିଲେ ଯେ, ଅଭିଜିତଙ୍କ ପାଇଁ ସୁରକ୍ଷିତ ସ୍ଥାନ ହେଉଛି ଜେଲର ଚାରିକାନ୍ଥ ।

ସୂଚନା ଯୋଗ୍ୟ ଯେ, ସୁପ୍ରିମକୋର୍ଟ ଗତ ୨୭ତାରିଖରେ ଅଭିଜିତଙ୍କୁ ଅକ୍ଟୋବର ୫ତାରିଖ ପର୍ଯ୍ୟନ୍ତ ମଧ୍ୟବର୍ତ୍ତୀକାଳୀନ ସୁରକ୍ଷା ପ୍ରଦାନ କରିଥିଲେ । ଏହି ମାମଲାରେ ୨୮ତାରିଖରେ କୋଣାର୍କ ପୋଲିସ ଥାନାରେ ହାଜର ହେବା ପାଇଁ ଅଭିଜିତକୁ ଦିଲ୍ଲୀର ସାକେତ ମେଟ୍ରୋପଲିଟାନ ଅଦାଲତ ନିର୍ଦ୍ଦେଶ ଦେଇଥିଲେ । ତେବେ ତାହା ପୂର୍ବରୁ ଅଭିଜିତ ସୁପ୍ରିମକୋର୍ଟରୁ ଅନ୍ତରୀଣ ସୁରକ୍ଷା ନେଇଥିଲେ ।

ଗତ ମାସରେ ପୂର୍ବତନ ସାଂସଦ ବୈଜୟନ୍ତ ପଣ୍ଡା ଅଭିଜିତ ଆୟର ମିତ୍ର ଏବଂ ଆଉ ଜଣେ ମହିଳାଙ୍କୁ ହେଲିକପ୍ଟର ଯୋଗେ ପୁରୀ, କୋଣାର୍କ ଓ ଚିଲିକା ବୁଲି ଦେଖାଇଥିଲେ । ଅଭିଜିତ କୋଣାର୍କ ମନ୍ଦିର ପରିସରରେ ଠିଆହୋଇ କୋଣାର୍କ ନିର୍ମାଣ ଶୈଳୀ ସଂପର୍କରେ ଅରୁଚିକର ମନ୍ତବ୍ୟ ପ୍ରଦାନ କରିଥିଲେ ଏବଂ ଟ୍ବିଟରରେ ତାହା ପୋଷ୍ଟ କରିଥିଲେ । ଟ୍ବିଟ୍ କୁ ନେଇ ସମଗ୍ର ରାଜ୍ୟରେ ଝଡ ସୃଷ୍ଟି ହୋଇଥିଲା । ଏତିକିବେଳେ ଅଭିଜିତଙ୍କ ଆଉ ଏକ ପୁରୁଣା ଟ୍ବିଟ୍ ସାମ୍ନାକୁ ଆସିଥିଲା । ପୁରୁଣା ଟ୍ବିଟ୍ ରେ ଅଭିଜିତ ଜଗନ୍ନାତ କୋଲକତାର ଏବଂ ଓଡିଆମାନେ ତାଙ୍କୁ ଚୋରୀ କରି ଆଣିଛନ୍ତି ବୋଲି ଲେଖିଥିଲେ । ସେହିଭଳି ଓଡିଶା ପଶ୍ଚିମବଙ୍ଗର ଏକ ଜଙ୍ଗଳ ଅଞ୍ଚଳ ଥିଲା ବୋଲି ଅଭିଜିତ ଲେଖିବା ସହ ଓରି-ଶଳାରୁ ଓଡିଶାର ନାଁ ଆସିଛି ବୋଲି ଲେଖିଥିଲେ । ଏହାକୁ ନେଇ ସମଗ୍ର ରାଜ୍ୟରେ ପ୍ରତିକ୍ରିୟା ସୃଷ୍ଟି ହୋଇଥିଲା । ବିଭିନ୍ନ ସ୍ଥାନରେ ଅଭିଜିତ ବିରୋଧରେ ମାମଲା ଦାୟର ହୋଇଥିଲା । ଏପରିକି ବିଧାନସଭାର ମୌସୁମୀ ଅଧିବେଶନରେ ଏ ସଂପର୍କରେ ସ୍ବତନ୍ତ୍ର ଆଲୋଚନା ହୋଇଥିଲା । ଅଭିଜିତ ବିରୋଧରେ କଣ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ସେ ସଂପର୍କରେ ନିଷ୍ପତ୍ତି ନେବା ପାଇଁ ୬ଜଣିଆ ଗୃହ କମିଟି ଗଠନ ହୋଇଥିଲା । କମିଟିର ଇତି ମଧ୍ୟରେ ଦୁଇଟି ବୈଠକ ଅନୁଷ୍ଠିତ ହୋଇସାରିଛି । ଆସନ୍ତା ୧୧ତାରିଖ ଦିନ କମିଟି ନିକଟରେ ହାଜର ହେବା ପାଇଁ ଅଭିଜିତଙ୍କୁ ନୋଟିସ୍ ଜାରି କରାଯାଇଛି ।

ଆଜି ସୁପ୍ରିମକୋର୍ଟ ଅଭିଜିତ ଆୟର ମିତ୍ରର ଜାମିନ ନାମଞ୍ଜୁର କରିବା ପରେ ସେ ଗିରଫ ହେବା ନିଶ୍ଚିତ ହୋଇଯାଇଛି ।

   Related Posts